SignIn
Kerala Kaumudi Online
Sunday, 20 October 2019 11.46 AM IST

സെക്യൂരിറ്റി ജീവനക്കാരനെ മർദ്ദിച്ച കേസ്; യുവതി കീഴടങ്ങിയില്ല

intuc

ആലുവ: സ്വകാര്യ ആശുപത്രി സെക്യൂരിറ്റി ജീവനക്കാരനെ അകാരണമായി മർദിച്ച കേസിൽ പ്രതിയായ യുവതി പൊലീസിൽ കീഴടങ്ങിയില്ല. ഇന്നലെ രാവിലെ ആലുവ സ്റ്റേഷനിൽ ഹാജരാകണമെന്ന് പൊലീസ് നിർദ്ദേശിച്ചിരുന്നെങ്കിലും എത്തിയില്ല.

ഒക്ടോബർ ഒന്നിനാണ് ആലപ്പുഴ മാവേലിക്കര സ്വദേശി റിങ്കുവിനെ (26) കളമശേരി കുസാറ്റ് അനന്യ കോളേജ് ഹോസ്റ്റൽ വാർഡനായ കണ്ണൂർ സ്വദേശിനിയായയുവതി മർദ്ദിച്ചത്. യുവതിക്കെതിരെ അകാരണമായി മർദ്ദിച്ചതിനും അസഭ്യം പറഞ്ഞതിനുമാണ് കേസെടുത്തിരിക്കുന്നത്. ഇന്നലെ രാവിലെ സ്റ്റേഷനിൽ ഹാജരാകാമെന്ന് അഭിഭാഷകൻ മുഖേനയാണ് യുവതി പൊലീസിനെ അറിയിച്ചിരുന്നത്. എന്നാൽ വൈകുന്നേരം വരെ സ്റ്റേഷനിൽ എത്തിയില്ലെന്ന് എസ്.ഐ സാംസൺ പറഞ്ഞു.

ആശുപത്രിയിലെത്തിയ യുവതി സ്‌കൂട്ടർ വലിയ വാഹനങ്ങൾക്ക് പാർക്ക് ചെയ്യാൻസൗകര്യമുള്ള സ്ഥലത്ത് പാർക്ക് ചെയ്തതിനാൽ മാറ്റിവെപ്പിച്ചു. പിന്നീട് അശ്രദ്ധയോടെ സ്‌കൂട്ടർ പുറത്തേക്കെടുത്തെന്ന് ആരോപിച്ചാണ് മർദ്ദിച്ചത്. ആശുപത്രിയുടെ സി.സി. ടി.വി. ക്യാമറയിൽ പതിഞ്ഞ ദൃശ്യങ്ങൾ സാമൂഹ്യ മാദ്ധ്യമങ്ങളിൽ ഉൾപ്പടെ വൈറലായതോടെ പൊലീസ് യുവതിക്കെതിരെ കേസെടുത്തു.

മുഖത്തേക്ക് തുറിച്ച് നോക്കിയെന്ന് പ്രചരിപ്പിച്ച് യുവാവിനെ കുടുക്കാൻ യുവതി ശ്രമിച്ചെങ്കിലും നടന്നില്ല.

അകാരണമായി സെക്യൂരിറ്റി ജീവനക്കാരനെ മർദ്ദിച്ച യുവതിക്കെതിരെ ശക്തമായ നടപടിയെടുക്കണമെന്ന് ഐ.എൻ.ടി.യു.സി ആവശ്യപ്പെട്ടു. റിങ്കുവിനെ സന്ദർശിച്ച നേതാക്കൾ എല്ലാ സഹായങ്ങളും വാഗ്ദാനം ചെയ്തു. നിയോജക മണ്ഡലം പ്രസിഡന്റ് ആനന്ദ് ജോർജ്, കെ.പി. സിയാദ്, വിനോദ് ജോസ്, പോളി ഫ്രാൻസിസ് തുടങ്ങിയവരാണ് റിങ്കുവിനെ സന്ദർശിച്ചത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, ERNAKULAM, CRIME
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.