SignIn
Kerala Kaumudi Online
Saturday, 16 November 2019 1.39 AM IST

നേരെ നടന്നുകയറി, സിംഹക്കൂട്ടിലേക്ക്...  യുവാവിനെ മൃഗശാലാ സൂക്ഷിപ്പുകാർ രക്ഷപ്പെടുത്തി

lion-

ന്യൂഡൽഹി: മൃഗശാലയിലെ സിംഹക്കൂട്ടിലേക്ക് ചാടിയ മാനസിക രോഗിയായ യുവാവിനെ മൃഗശാലാ സൂക്ഷിപ്പുകാരുടെ അവസരോചിതമായ ഇടപെടലിനെ തുടർന്ന് രക്ഷപ്പെടുത്തി. ഇന്നലെ ഉച്ചയോടെ ഡൽഹി മൃഗശാലയിലാണ് ബീഹാർ സ്വദേശിയായ റെഹാൻ ഖാൻ(21) വേലി ചാടി സിംഹക്കൂട്ടിൽ എത്തിയത്. മൃഗശാലയിലെ ആൺ സിംഹം ആക്രമിക്കാതിരുന്നത് യുവാവിന് രക്ഷയായി.

സിംഹക്കൂടിന് വെളിയിൽ സ്ഥാപിച്ച ഇരുമ്പുവേലിക്കു മുകളിലൂടെ വലിഞ്ഞു കയറിയാണ് ഇയാൾ ഉള്ളിൽ കടന്നതെന്ന് മൃഗശാലയിലുള്ളവർ പറഞ്ഞു. ഗാർഡുകൾ ഓടിയെത്തിയപ്പോഴേക്കും യുവാവ് സിംഹത്തിന്റെ മുന്നിൽപ്പെട്ടിരുന്നു. ഏറെ നേരം സിംഹവും കൂസലില്ലാതെ യുവാവും മുഖാമുഖം നിൽക്കുന്നത് മൃഗശാലയിലെ സന്ദർശകർ എടുത്ത വീഡിയോയിൽ കാണാം. അൽപനേരം കഴിഞ്ഞ സിംഹം യുവാവിന് നേരെ കുതിച്ചെങ്കിലും ആക്രമിച്ചില്ല. അധികൃതർ കൂട്ടിനുള്ളിലേക്ക് ഏണി ഇട്ട് കയറി വരാൻ ആവശ്യപ്പെട്ടെങ്കിലും യുവാവ് തയ്യാറായില്ല. ഇടയ്‌ക്ക് സിംഹത്തിന്റെ ശ്രദ്ധ തിരിച്ച് മൃഗശാലാ സൂക്ഷിപ്പുകാരും വനപാലകരും അയാളെ രക്ഷപ്പെടുത്തുകയായിരുന്നു. പൊലീസ് സ്‌റ്റേഷനിൽ എത്തിച്ച യുവാവിനെ സൗത്ത് ഇൗസ്‌റ്റ് ഡി.സി.പി ചിൻമയി ബിശ്വവലിന്റെ നേതൃത്വത്തിൽ ചോദ്യം ചെയ്‌തു വരികയാണ്.

2014ൽ ഡൽഹി മൃഗശാലയിലുണ്ടായ സമാനമായ സംഭവത്തിൽ വെള്ളകടുവയുടെ കടിയേറ്റ് ഒരു യുവാവ് മരിച്ചിരുന്നു. കടുവയെ പാർപ്പിപ്പിച്ചിരുന്ന ഭാഗത്തേക്ക് ചാടിയ യുവാവിനെ രക്ഷിക്കാനായില്ല. അന്നത്തെ സംഭവത്തെ തുടർന്ന് മൃഗങ്ങളെ പാർപ്പിച്ച കൂടുകൾക്ക് വെളിയിൽ സംരക്ഷണ മതിലുകൾ സ്ഥാപിക്കുകയും സന്ദർശകരെ നിയന്ത്രിക്കാൻ ഗാർഡുകളെ നിയമിക്കുകയും ചെയ്‌തതാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, LION
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.