യുദ്ധക്കപ്പലുകളെ ലക്ഷ്യമിട്ട് കടലിനടിയിലൂടെ സഞ്ചരിക്കുന്ന നേവൽ ഡ്രോണുകൾ,​ വൻആയുധ ശേഖരത്തിന്റെ ദൃശ്യം പുറത്തുവിട്ട് ഇറാൻ

ടെഹ്റാൻ: ഹോർമുസ് കടലിടുക്കിലൂടെയുള്ള കപ്പൽ ഗതാഗതം താറുമാറായിരിക്കെ അമേരിക്കയ്ക്കും ഇസ്രയേലിനും ശക്തമായ മറുപടി നൽകുന്നതിന് സജ്ജമാക്കിയ ആയുധ ശേഖരത്തിന്റെ ദൃശ്യങ്ങൾ പുറത്തുവിട്ട് ഇറാൻ. ഭൂഗർഭ മിസൈൽ നഗരങ്ങളിൽ സൂക്ഷിച്ചിരിക്കുന്ന വിനാശകാരികളായ സൂയിസൈഡ് നേവൽ ഡ്രോണുകളുടെ ദൃശ്യങ്ങളാണ് പുറത്തുവിട്ടിരിക്കുന്നത്. ഹോർമുസ് കടലിടുക്ക് ഉൾപ്പെടെയുള്ള തന്ത്രപ്രധാനമായ മേഖലകളിലൂടെയുള്ള കപ്പൽ ഗതാഗതം പൂർണമായും തടസപ്പെടുത്തുന്നതിനായി നൂറുകണക്കിന് ഡ്രോൺ ബോട്ടുകളാണ് ഇറാൻ സൈന്യം വിന്യസിച്ചിരിക്കുന്നത് വീഡിയോയിൽ കാണാം.

അമേരിക്കൻ യുദ്ധക്കപ്പലുകളെ ലക്ഷ്യമിട്ട് കടലിനടിയിലൂടെ സഞ്ചരിക്കുന്ന ഇത്തരം ഡ്രോണുകൾ ഇറാൻ ഉപയോഗിച്ചിരുന്നു.

Iran published footage of underground tunnels stocked with naval drones, anti-ship missiles, and sea mines. Reuters reported, citing US officials, that Iran has mined the Strait of Hormuz with dozens of sea mines. #Iran pic.twitter.com/Kcwp5UqkXq

— NOELREPORTS 🇪🇺 🇺🇦 (@NOELreports) March 11, 2026

അതേസമയം ഇറാനിലെ വിവിധ സൈനിക കേന്ദ്രങ്ങൾ ലക്ഷ്യമിട്ട് അമേരിക്കയും ഇസ്രയേലും ആക്രമണം ശക്തമാക്കി. 24 മണിക്കൂറിനിടെ ഇറാന്റെ മിസൈൽ വിക്ഷേപണ കേന്ദ്രങ്ങളും ആയുധ നിർമ്മാണ ശാലകളും തകർത്തതായി ഇസ്രയേൽ അവകാശപ്പെട്ടു. ഇറാന്റെ പരമോന്നത നേതാവ് മൊജ്തബ ഖമനേയിക്ക് വ്യോമാക്രമണത്തിൽ ഗുരുതര പരിക്കേറ്റതായും അംഗവൈകല്യം സംഭവിച്ചതായും അമേരിക്കൻ പ്രതിരോധ സെക്രട്ടറി അറിയിച്ചിരുന്നു,​ എന്നാൽ തിരിച്ചടി തുടരുമെന്നാണ് ഇറാൻ വ്യക്തമാക്കിയിരിക്കുന്നത്.