SignIn
Kerala Kaumudi Online
Monday, 09 December 2019 11.03 AM IST

എല്ലാം കട്ടുമുടിച്ച്​ തീർക്കുകയാണ്; കൊച്ചി നഗരസഭ പിരിച്ചുവിടണം,​ ജി.സി.ഡി.എ തല്ലിപ്പൊളിച്ചുകളയണമെന്ന് വിനായകൻ

vianayakan-

കൊച്ചി: കൊച്ചി നഗരത്തിലെ വെള്ളക്കെട്ട്​ പരിഹരിക്കുന്നതിൽ നഗരസഭയ്ക്കെതിരെ രൂക്ഷവിമർശനവുമായി നടൻ വിനായകൻ. നഗരസഭ പിരിച്ചുവിടേണ്ട സമയം കഴിഞ്ഞെന്നും എല്ലാം കട്ടുമുടിച്ച്​ തീർക്കുകയാണെന്നും അദ്ദേഹം മാധ്യമങ്ങളോട്​ പറഞ്ഞു.പലതിനും വേണ്ടി നികത്തി നികത്തി കൊച്ചി കായൽ കുറച്ചുകൂടിയേ ബാക്കിയുള്ളൂ. അതുംകൂടി എത്രയും പെ​ട്ടെന്ന്​ നികത്തിത്തന്നാൽ അത്രയും സന്തോഷമാകുമെന്ന്​ വിനായകൻ പരിഹസിച്ചു.

നഗരത്തിലെ സ്​ഥലങ്ങളെല്ലാം ആർക്കോ വേണ്ടി നികത്തുകയാണ്​. ആരാണ്​ ഇതൊക്കെ ചെയ്യുന്നത്​? ഇത്​ ഒരിക്കലും നന്നാകാൻ പോകുന്നില്ല. വിശാല കൊച്ചി വികസന അതോറിറ്റിയും (ജി.സി.ഡി.എ) നഗരസഭയുമെല്ലാം ഉണ്ടായിട്ടും നഗരാസൂത്രണം എന്നൊന്ന്​ നടക്കുന്നില്ല. കാര്യമായ വിദ്യാഭ്യാസമില്ലാത്ത തനിക്ക്​ പോലും ഇതൊക്കെ തോന്നിയിട്ടും വിദ്യാഭ്യാസമുള്ള നഗരസഭ അധികാരികൾ എന്തൊക്കെയാണ്​ കാട്ടിക്കൂട്ടുന്നത്?

ഇവിടെയുണ്ടായിരുന്ന തോടുകളൊക്കെ എവിടെപ്പോയി എന്ന്​ അന്വേഷിക്കണം. തോടുകളെല്ലാം ചളിക്കുണ്ടുകളായി. പനമ്പള്ളിനഗറിൽ നാട്ടുകാർ താമസിച്ചിരുന്ന സ്ഥലങ്ങളൊന്നും കാണാനില്ല. നാട്ടുകാരെല്ലാം ചളിക്കുണ്ടിൽ താമസിക്കേണ്ട അവസ്ഥയിലാണ്​. അവരിൽ ത​​ന്റെ ബന്ധുക്കളടക്കമുണ്ട്​.

വേലിയേറ്റവും വേലിയിറക്കവുമെല്ലാം സ്വാഭാവികമാണ്​. വെള്ളക്കെട്ടിന്​ കാരണം ഇതൊന്നുമല്ല. ഇടതോ വലതോ ഒന്നുമല്ല പ്രശ്​നം. എല്ലാം കട്ടുമുടിച്ചുതീർക്കുകയാണ്​. കാശ്​ അടിച്ചുകൊണ്ടുപോകുന്ന ഇവരുടെ വീടുകളിലേക്ക്​ ജനം കയറും. ജി.സി.ഡി.എ എന്നുപറഞ്ഞ്​ ഒരു കെട്ടിടമുണ്ട്​. അതൊക്കെ തല്ലിപ്പൊളിച്ച്​ കളയണം.

എറണാകുളത്ത്​ പോളിങ്​ ശതമാനം കുറയാൻ കാരണം വെള്ളക്കെട്ടാണെന്ന്​ താൻ വിശ്വസിക്കുന്നില്ല. ദീപസ്​തംഭം മഹാശ്ചര്യം നമുക്കും കിട്ടണം പണം എന്ന നിലപാടാണ്​ നഗരവികസനത്തി​ന്റെ കാര്യത്തിൽ ഉദ്യോഗസ്​ഥർക്കും രാഷ്​ട്രീയക്കാർക്കും ഉള്ളതെന്നും വിനായകൻ പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KOCHI CORPORATION, GCDA, ACTOR VINAYAKAN
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.