SignIn
Kerala Kaumudi Online
Friday, 06 December 2019 11.52 PM IST

പൊലീസ്​ ഡാറ്റാബേസ് ഊരാളുങ്കൽ സൊസൈറ്റിക്കു തുറന്നു, ആഭ്യന്തരവകുപ്പ് നടപടി വിവാദത്തിൽ

police

തിരുവനന്തപുരം: പാ​സ്​​പോ​ർ​ട്ട്​ ​അ​പേ​ക്ഷ പ​രി​ശോ​ധ​ന​യു​ടെ പേ​രി​ൽ സം​സ്ഥാ​ന പൊ​ലീ​സി‍ന്റെ ഡാ​റ്റാ​ബേ​സ് കോ​ഴി​ക്കോ​ട്ടെ ഊ​രാ​ളു​ങ്ക​ൽ ലേബർ കോൺട്രാക്ട് സൊ​സൈ​റ്റി​ക്കാ​യി ആ​ഭ്യ​ന്ത​ര​വ​കു​പ്പ്​ തു​റ​ന്നു ന​ൽ​കി​യ ന​ട​പ​ടി വി​വാ​ദ​ത്തി​ൽ. ഒ​ക്ടോ​ബ‍ർ 29ന്​ ​ഡി.​ജി.​പി ലോ​ക്നാ​ഥ് ബെ​ഹ്റ പു​റ​ത്തി​റക്കിയ ഉ​ത്ത​ര​വാ​ണ്​ വി​വാ​ദ​ത്തി​ലാ​യ​ത്. പാസ്പോർട്ട് പരിശോധനയ്ക്കുള്ള സോഫ്റ്റ്‌വെയർ പദ്ധതിക്കായി കേന്ദ്രഫണ്ടിൽ നിന്ന് 35 ലക്ഷം അനുവദിക്കാൻ ഉത്തരവിട്ടിരുന്നു. അതീവ പ്രധാന്യമുളള ക്രൈം ആന്റ് ക്രിമിനൽ ട്രാക്കംഗ് നെറ്റ്‍വർക് സിസ്റ്റത്തിലെ മുഴുവൻ വിവരങ്ങളും പരിശോധിക്കാൻ കഴിയുന്ന തരത്തിലുള്ള സ്വതന്ത്രാനുമതിയാണ് നൽകിയത്. സി.​പി.​എം നി​യ​ന്ത്ര​ണ​ത്തി​ലു​ള്ള​താ​ണ്​ സൊ​സൈ​റ്റി.

ഉന്നത പൊലീസ് ഉദ്യോഗസ്ഥർ മുതൽ കുറ്റവാളികൾ വരെയുളളവരുടെ മുഴുവൻ വിശദാംശങ്ങളും ഇതിലൂടെ ഊരാളുങ്കൽ സൊസൈറ്റിയുടെ സോഫ്റ്റ് വെയർ നിർമാണ യൂണിറ്റിന് ലഭിക്കും. അ​തി​ര​ഹ​സ്യ​ഫ​യ​ലു​ക​ളു​ൾ​പ്പെ​ടെ കൈ​കാ​ര്യം ചെ​യ്യു​ന്ന ഡാ​റ്റാ​ബേ​സി​ൽ സ​മ്പൂ​ർ‍ണ സ്വാ​ത​ന്ത്ര്യം അ​നു​വ​ദി​ച്ച​ത് ക​ടു​ത്ത സു​ര​ക്ഷാ​വീ​ഴ്​​ച​യെ​ന്ന്​ സൈ​ബ​ർ വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു. എന്നാൽ, ഊരാളുങ്കലിന് ഡാറ്റാ ബേസിലെ മുഴുവുൻ വിവരങ്ങളും കിട്ടില്ലെന്നും പാസ്പോർട്ടുമായി ബന്ധപ്പെട്ട വിവരങ്ങൾക്ക് മാത്രമാണ് അനുമതിയെന്നുമാണ് ഡി.ജി.പിയുടെ വിശദീകരണം.

കേരള പൊലീസിന്റെ പാസ്പോർട്ട് പരിശോധന അടക്കമുള്ള സുപ്രധാന ജോലികൾ ഊരാളുങ്കൽ ലേബർ കോൺട്രാക്ട് സൊസൈറ്റിയുടെ ആപ് വഴി ആക്കാനാണ് നീക്കം. എന്നാൽ, ടെണ്ടർ പോലും വിളിക്കാതെ ഊരാളുങ്കലിനു കോടികളുടെ ഇടപാടു കൈമാറുന്നതിൽ ഒരു വിഭാഗം ഉദ്യോഗസ്ഥർക്ക് എതിർപ്പുണ്ട്. സംസ്ഥാന പൊലീസിന്റെ കൈവശമുള്ള ക്രൈം ഡാറ്റ മുഴുവൻ സ്വകാര്യ ഏജൻസിക്കു കൈമാറുന്നത് സുരക്ഷാ വിഷയങ്ങളും ഉയർത്തുമെന്ന് ഇവർ ആരോപിക്കുന്നു. പാസ്പോർട്ട് പരിശോധന, പൊലീസ് ക്ലിയറൻസ് സർട്ടിഫിക്കറ്റ്, നിരാക്ഷേപ പത്രം നൽകൽ എന്നിവയ്ക്ക് ബ്ലോക്ക് ചെയിൻ അധിഷ്ഠിത സാങ്കേതികവിദ്യ ഉപയോഗിക്കുമെന്ന് പൊലീസ് നേതൃത്വം കഴിഞ്ഞ ദിവസം പറഞ്ഞിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: URALUNGAL, APP, KERALA POLICE, POLICE DATABASE, URALUNGAL SOCIETY
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.