SignIn
Kerala Kaumudi Online
Saturday, 07 December 2019 12.01 AM IST

'ഇരുട്ടടിക്ക്' ഇനി അഗ്നി 2 ,​ രാത്രി പരീക്ഷണം വിജയം

agni-ii

ഭുവനേശ്വർ: ഇന്ത്യ തദ്ദേശീയമായി വികസിപ്പിച്ച മദ്ധ്യദൂര, ആണവ ബാലിസ്റ്റിക് മിസൈലായ അഗ്നി - 2 (ഐ.സി.ബി.എം) ന്റെ ആദ്യ രാത്രി പരീക്ഷണം വിജയം. അഗ്നി പരമ്പരയിൽ രണ്ടാമനാണ്.

2000 കിലോമീറ്റർ ദൂരപരിധിയുള്ള അഗ്നി- 2, ഒഡിഷ തീരത്തെ അബ്ദുൽ കലാം ദ്വീപിലെ ലോഞ്ച് കോംപ്ലക്സിൽ നിന്നാണ് കഴിഞ്ഞദിവസം രാത്രി കുതിച്ചുയർന്നത്. നിലവിൽ സൈന്യത്തിന്റെ ഭാഗമായ അഗ്നി- 2 ന്റെ പരിശീലന വിക്ഷേപണമായിരുന്നു ഇത്. കരസേനയ്ക്ക് വേണ്ടിയാണ് അഗ്നി- 2 പതിപ്പ് ഡി.ആർ.ഡി.ഒ രൂപകല്പന ചെയ്തത്. 1999 ഏപ്രിൽ 11നായിരുന്നു ആദ്യ പരീക്ഷണം. 2010 മേയ് 17ന് അഗ്നി- 2 ആണവ പോർമുന ശേഷി പരീക്ഷിച്ചു. 2018ൽ ആണവ പോർമുന വഹിക്കാൻ കഴിയുന്ന അഗ്നി- 4 മിസൈൽ വിജയകരമായി പരീക്ഷിച്ചിരുന്നു. പ്രവർത്തനത്തിലും ഗതിനിയന്ത്രണത്തിലും കൂടുതൽ മികവുള്ള അഗ്നി- 5 ചൈനയിൽ നിന്നും പാകിസ്ഥാനിൽ നിന്നുമുള്ള വെല്ലുവിളികൾ നേരിടാൻ പര്യാപ്തമാണ്. ഈ രണ്ടു അയൽരാജ്യങ്ങളും പൂർണമായി ഈ മിസൈലിന്റെ പരിധിയിലാണ്.

അഗ്നി- 5 ഔദ്യോഗികമായി സൈന്യത്തിന്റെ ആയുധപ്പുരയിലെത്തുന്നതോടെ 5000 കിലോമീറ്ററിനു മേൽ ദൂരപരിധിയുള്ള മിസൈലുകൾ സ്വന്തമായ രാജ്യങ്ങളുടെ കൂട്ടത്തിൽ ഇന്ത്യയും ചേരും. നിലവിൽ അമേരിക്ക, ബ്രിട്ടൻ, റഷ്യ, ചൈന, ഫ്രാൻസ് തുടങ്ങിയ രാജ്യങ്ങളുടെ പക്കലാണ് ഇത്തരം മിസൈലുള്ളത്. ‘ഫയർ ആൻഡ് ഫോർഗെറ്റ്’ വിഭാഗത്തിൽപെട്ട അഗ്നി- 5 ഒരിക്കൽ തൊടുത്തു കഴിഞ്ഞാൽ മിസൈൽവേധ ഇന്റർസെപ്ടർ മിസൈലുകൾ ഉപയോഗിച്ചു മാത്രമേ തടുക്കാനാകൂ.

സവിശേഷതകൾ

1000 കിലോ പോർമുന വഹിക്കാൻ ശേഷി

2,000 - 2,500 കി.മീ. ദൂരപരിധി

20 മീറ്റർ നീളം

18 ടൺ ഭാരം

രണ്ട് ഘട്ടങ്ങളിലും സോളിഡ് പ്രൊപ്പലന്റ് ഉപയോഗിക്കുന്നു

1999 ഏപ്രിൽ 11- ആദ്യ പരീക്ഷണം

2010 മേയ് 17- ആണവ പോർമുന ശേഷി പരീക്ഷണം

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, AGNI II, MISSILE TEST, MIDNIGHT TRIAL
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.