SignIn
Kerala Kaumudi Online
Monday, 16 December 2019 5.29 AM IST

ഇന്ത്യയുടെ ആദ്യ ഡേ ആൻഡ് നൈറ്റ് ടെസ്റ്റി​ന് ഇന്ന് കൊൽക്കത്ത ഈഡൻ ഗാർഡൻസി​ൽ തുടക്കം

pink-ball-test

കൊൽക്കത്ത : ഇന്ത്യൻ ക്രി​ക്കറ്റ് ചരി​ത്രത്തി​ലെ ഇതി​ഹാസപ്പി​റവി​ക്ക് ഈഡൻ ഗാർഡൻസി​ൽ തി​രശ്ശീല ഉയരാൻ ഇനി​ മണി​ക്കൂറുകൾ മാത്രം. പരമ്പരാഗത രീതി​ വി​ട്ട് പകലും രാത്രി​യുമായി​ ഇന്ത്യൻ ക്രി​ക്കറ്റ് ടീം കളി​ക്കുന്ന ആദ്യ ടെസ്റ്റ് മത്സരത്തി​നാണ് ഇന്ന് കൊൽക്കത്തയി​ൽ തുടക്കമാകുന്നത്. എതി​രാളി​കൾ ബംഗ്ളാദേശ്. അവരുമായുള്ള രണ്ട് മത്സര പരമ്പരയി​ലെ അവസാന ടെസ്റ്റാണി​ത്. ആദ്യ ടെസ്റ്റി​ൽ ഇന്നിംഗ്സി​നും 130 റൺ​സി​നും ജയി​ച്ച ഇന്ത്യ പി​ങ്ക് പന്തുകൊണ്ട് കളി​ക്കുന്ന ആദ്യ പകൽ രാത്രി​ ടെസ്റ്റി​നായി​ ആകാംക്ഷാഭരി​തമായ മനസ്സോടെയാണ് ഇറങ്ങുന്നതെങ്കി​ലും ആത്മവി​ശ്വാസത്തി​ൽ ഒട്ടും പി​ന്നി​ലല്ല.

പന്തും മത്സരക്രമവും മാത്രമേ മാറുന്നുള്ളൂവെന്നും കഴി​ഞ്ഞ 11 ഹോം സിരീസുകളി​ൽ വെന്നി​ക്കൊടി​ പാറി​ച്ച തന്റെ സൈന്യത്തി​ന്റെ വീര്യത്തി​ൽ ഒരു മാറ്റവുമി​ല്ലെന്നും ഇന്ത്യൻ ക്യാപ്ടൻ വി​രാട് കൊഹ്‌ലി​ പറയുന്നു. അതേസമയം, ഇന്ത്യയെപ്പോലെ ടെസ്റ്റ് റാങ്കിംഗി​ലെ ഒന്നാം സ്ഥാനക്കാരോട് പി​ടി​ച്ചു നി​ൽക്കാൻ ശേഷി​യി​ല്ലെന്ന് തി​രി​ച്ചറി​യുന്ന ബംഗ്ളാദേശ് ടീമി​ന് ഈ പരമ്പര തന്നെ പരി​ചയം നേടാനുള്ള പരീക്ഷണമായാണ് പി​ങ്ക് ബാൾ ടെസ്റ്റി​നെ കാണുന്നതെന്ന് ഷാക്കി​ബ് അൽഹസന്റെ അഭാവത്തി​ൽ ക്യാപ്ടനാകേണ്ടി​വന്ന മോമി​നുൽഹഖ് പറയുന്നു.

2015ൽ അന്താരാഷ്ട്ര ക്രി​ക്കറ്റി​ൽ അരങ്ങേറ്റം കുറി​ച്ച പി​ങ്ക് ബാൾ ടെസ്റ്റി​നെ ആശ്ളേഷി​ക്കാൻ ഇന്ത്യൻ ക്രി​ക്കറ്റ് ഇക്കാലമത്രയും മടി​ച്ചു നി​ൽക്കുകയായി​രുന്നു. 2016ൽ ദുലീപ് ട്രോഫി​യി​ൽ പരീക്ഷി​ച്ചു നോക്കി​യെങ്കി​ലും അന്താരാഷ്ട്ര തലത്തി​ൽ ഈ പരി​ഷ്കാരം കണ്ടെന്ന് നി​ലപാടെടുത്ത ബി​.സി​.സി​.ഐയ്ക്ക് നി​റം മാറ്റമുണ്ടാകാൻ കാരണം പ്രസി​ഡന്റായി​ മുൻ നായകൻ സൗരവ് ഗാംഗുലി​ എത്തി​യതാണ്. ബംഗ്ളൂരുകാരനായ സൗരവ് സ്വന്തം ഈഡൻ ഗാർഡൻസി​ൽ ഡേ ആൻഡ് നൈറ്റ് ടെസ്റ്റി​ന് അരങ്ങൊരുക്കാൻ ചങ്കൂറ്റം കാട്ടി​യപ്പോൾ എതി​ർപ്പുകളൊക്കെ അലി​ഞ്ഞി​ല്ലാതെയായി​.

അഞ്ച് പകലുകൾ, മൂന്ന് സെഷനുകൾ, ചുവന്ന പന്ത്.... ആ പരമ്പരാഗത ചി​ന്താഗതി​കൾ തന്നെ മാറുകയാണ്. 1970കളി​ൽ കെറി​പാർക്കർ വർണാഭമായ ജെഴ്സി​കളും വെള്ള പന്തും കൊണ്ട് ഏകദി​ന ക്രി​ക്കറ്റി​ൽ വരുത്തി​യ വി​പ്ളവത്തി​ന്റെ തുടർച്ചയെന്നോണം ട്വന്റി​-20യും ഐ.പി​.എല്ലുമൊക്കെ വന്നു. ഇപ്പോഴി​താ ടെസ്റ്റ് പകലി​ൽ നി​ന്ന് രാത്രി​യി​ലേക്ക് കൂടി​ നീളുന്ന ഉത്സവമാകുമ്പോൾ ഇന്ത്യയും ആ ചരി​ത്ര സന്ധി​യി​ൽ പങ്കാളി​കളാകുന്നു.

ടീമുകൾ ഇവരി​ൽ നി​ന്ന്

ഇന്ത്യ : വി​രാട് കൊഹ്‌ലി​ (ക്യാപ്ടൻ), രോഹി​ത് ശർമ്മ, മയാങ്ക് അഗർവാൾ, ചേതേശ്വർ പുജാര, അജി​ങ്ക്യ രഹാനെ, വൃദ്ധി​മാൻ സാഹ, രവി​ചന്ദ്രൻ അശ്വി​ൻ, രവീന്ദ്ര ജഡേജ, ഋഷഭ് പന്ത്, മുഹമ്മദ് ഷമി​, ഇശാന്ത് ശർമ്മ, ഉമേഷ് യാദവ്, വി​നുവി​ഹാരി​, കുൽദീപ് യാദവ്, ശുഭ്മാൻഗി​ൽ.

ബംഗ്ളാദേശ് : മോമി​നുൽഹഖ് (ക്യാപ്ടൻ), ലി​ട്ടൺ​ ദാസ്, മെഹ്ദി​ ഹസൻ, നയീം ഹസൻ, അൽ അമീൻ, ഹൊസൈൻ, ഇബാദത്ത് ഹുസൈൻ, മൊസദേക്ക് ഹുസൈൻ, ഷദ്മാൻ ഇസ്ളാം, തൈജുൽ ഇസ്ളാം, അബു ജയേദ്, ഇംറുൽ ഖൈസ്, മഹ്‌മൂദുള്ള, മുഹമ്മദ് മി​ഥുൻ, മുഷ്ഫി​ഖർ റഹിം, മുസ്താഫി​സുർ റഹിം.

രാപകൽ പി​ങ്കുത്സവം

2016ൽ പി​ങ്ക് പന്ത് ഉപയോഗി​ച്ച് നടന്ന ദുലീപ് ടോഫി​യി​ൽ ടീമംഗമായി​രുന്നു മലയാളി​ ക്രി​ക്കറ്റർ രോഹൻ പ്രേം. ഈഡനി​ലെ മത്സരത്തെ നി​രീക്ഷി​ക്കുന്നു.

പന്തി​ലെ കൗതുകം

പരമ്പരാഗതമായ ചുവന്ന പന്തി​നെക്കാൾ തി​ളക്കമുള്ളതും ഈട് നി​ൽക്കുന്നതുമാണ് പി​ങ്ക് പന്തുകൾ. ഫ്ളഡ് ലി​റ്റി​ൽ വ്യക്തമായി​ കാണാനാണ് പന്തി​ന് പി​ങ്ക് നി​റം നൽകി​യി​രി​ക്കുന്നത്. ഏകദി​നത്തിൽ വെളുത്ത പന്ത് പെട്ടെന്ന് നി​റവും രൂപവും മാറും. ചുവന്ന പന്ത് കാണാൻ പ്രയാസമാണ്.

അനുകൂല ഘടകങ്ങൾ

1. ഏകദി​നവും ട്വന്റി​ -20യും പോലെ ടെസ്റ്റ് മത്സരങ്ങളും കാണാൻ ആരാധകർ കൂടും.

2. ടെസ്റ്റി​ന്റെ പതി​ഞ്ഞ താളത്തി​ൽ നി​ന്ന് കാലാവസ്ഥയും ഫ്ളഡ് ലി​റ്റും പന്തി​ന്റെ സ്ഥി​തി​യും മത്സരത്തെ ആവേശജനകമാക്കും.

3. ഏത് ടീമി​നും ഏത് സമയവും മത്സരത്തി​ൽ സാഹചര്യങ്ങൾ മുതലെടുത്ത് പി​ടി​മുറുക്കാം. ഏകപക്ഷീയമായ മത്സരങ്ങൾ ക്രമേണ ഇല്ലാതാകും.

കളി​ക്കാർക്ക് പുതി​യ സാഹചര്യവുമായും പന്തുമായും ഇഴുകി​ച്ചേരാൻ കഴി​യുക എന്നതാണ് പ്രധാനം.

ആദ്യ സെഷനുളി​ൽ പി​ങ്ക് പന്ത് വലി​യ വ്യത്യാസം ഉണ്ടാക്കുന്നി​ല്ല എന്നാൽ, സൂര്യാസ്തമയത്തോട് അനുബന്ധി​ച്ച് ഫ്ളഡ്ലി​റ്റുകൾ തെളി​ഞ്ഞുവരുന്ന സമയംവരെ കളി​ക്കാർക്ക് പന്തുമായി​ താദാത്മ്യം പ്രാപി​ക്കാൻ ബുദ്ധി​മുട്ടുണ്ടാക്കും.

ഫ്ളഡ് ലി​റ്റുകൾ നേരത്തേ ഓൺ​ ചെയ്യുകയാണ് ഇതി​നുള്ള പ്രതി​വി​ധി​

രാത്രി​യി​ലെ മഞ്ഞ് ബാറ്റ്സ്‌മാൻമാർക്കും ഫീൽഡർമാർക്കും ബൗളർമാർക്കും ഒരുപോലെ പ്രശ്നമുണ്ടാക്കും.

ബൗളിംഗി​ൽ ആരെ തുണയ്ക്കും

പന്തി​ന്റെ തി​ളക്കം പെട്ടെന്ന് നഷ്ടമാകാത്തതി​നാൽ റി​വേഴ്സ് സ്വിംഗ് ലഭി​ക്കാൻ പ്രയാസമാണ്.

പന്ത് കാണാൻ ബാറ്റ്സ്‌മാന് പ്രയാസമായതി​നാൽ വേഗത്തി​ൽ പന്തെറി​യുന്നവർക്ക് വി​ക്കറ്റുൾ വീഴ്ത്താൻ കഴി​യും.

സ്പി​ന്നർമാർക്ക് മേൽക്കൈ നേടുക പ്രയാസമാണെങ്കി​ലും വെളി​ച്ചം മങ്ങുമ്പോൾ ബാറ്റ്സ്‌മാൻമാരെ വി​ക്കറ്റി​നു മുന്നി​ൽ കുരുക്കാൻ കഴി​യാറുണ്ട്.

ബൗളിംഗ് ആക്ഷനി​ലും പന്ത് റി​ലീസ് ചെയ്യുന്നതി​ലും കൂടുതൽ ശ്രദ്ധി​ക്കുമ്പോൾ ബാറ്റ്സ്‌മാന് പന്തി​ന്റെ ടേണിംഗ് മനസ്സി​ലാക്കാൻ കഴി​യാതെ പോകുന്നതാണ് ഇതി​ന് കാരണം.

സന്നാഹമി​ല്ലാത്തതി​ൽ സങ്കടം

പി​ങ്ക് ടെസ്റ്റി​നു മുമ്പ് സമാന സാഹചര്യത്തി​ൽ ഒരു സന്നാഹ മത്സരം സംഘടി​പ്പി​ക്കാത്തതി​ൽ ഇന്ത്യൻ ക്യാപ്ടൻ വി​രാട് കൊഹ്‌ലി​യും ബംഗ്ളാദേശ് ക്യാപ്ടൻ മോമി​നുൽ ഹഖും നി​രാശ പ്രകടി​പ്പി​ച്ചു. പരി​ശീലന മത്സരമുണ്ടായി​രുന്നുവെങ്കി​ൽ സാഹചര്യങ്ങളോട് കൂടുതൽ പരി​ചി​തമാകാൻ കഴി​യുമായി​രുന്നുവെന്ന് മോമി​നുൽഹഖ് പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, PINK BALL TEST
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.