SignIn
Kerala Kaumudi Online
Saturday, 14 December 2019 5.50 AM IST

'ആ കിരീടം എനിക്ക് വേണ്ട', അമ്മമാരോടുള്ള ആ വിവേചനം അവസാനിപ്പിക്കണം: മിസ് വേൾഡ് സംഘാടകർക്കെതിരെ നിയമനടപടിയുമായി മുൻ മിസ് ഉക്രയിൻ

ukrain

കിവ്: അമ്മയായതിനെത്തുടർന്ന് മിസ് വേൾഡ് മത്സരത്തിൽ നിന്ന് വിലക്കിയതിനെതിരെ നിയമപോരാട്ടത്തിനൊരുങ്ങി മുൻ മിസ് ഉക്രയിൻ വെറോനിക്ക ഡിഡുസെങ്കോ. ഇത്തരത്തിലുള്ള ചട്ടം മത്സരത്തിൽ നിന്ന് മാറ്റണമെന്നാവശ്യപ്പെട്ടുള്ള നിയമനടപടികൾക്ക് അവർ തുടക്കമിട്ടു. അതോടൊപ്പം കഴിഞ്ഞ ദിവസം സോഷ്യൽ മീഡിയയിലൂടെ വെറോനിക്ക #righttobeamother ക്യാമ്പയിനിന് തുടക്കം കുറിച്ചു.

'മിസ് വേൾഡിലെ നിയമങ്ങളിൽ മാറ്റം വരുത്തണമെന്ന് ഞങ്ങൾ ആവശ്യപ്പെടുന്നു, എല്ലാ സ്ത്രീകളെയും മത്സരത്തിൽ പങ്കെടുക്കാൻ അനുവദിക്കുക. “#MissUkraine കിരീടം നേടിയതിന് ശേഷം മിസ് വേൾഡിൽ മത്സരിക്കാൻ എന്നെ അനുവദിക്കാത്തതിന്റെ കാരണം ഞാൻ വിവാഹിതയും ഒരു കുട്ടിയുടെ അമ്മയായതുമാണ്. സൗന്ദര്യമത്സരത്തിൽ പങ്കെടുക്കുന്നതിൽ നിന്ന് അമ്മമാരെയും വിവാഹിതരായ സ്ത്രീകളെയും മിസ് വേൾഡ് വിലക്കുന്നു' - 24 കാരിയായ വെറോനിക്ക ഡിഡുസെങ്കോ ഇൻസ്റ്റഗ്രാമിൽ കുറിച്ചു.

സംഘാടകർ വിവേചനം കാണിക്കുന്നുവെന്ന് ആരോപിച്ച ഡിഡുസെങ്കോ, ആഗോള സൗന്ദര്യമത്സരങ്ങൾ “ഇരുണ്ട യുഗങ്ങളിൽ കുടുങ്ങിക്കിടക്കുന്നതായി തോന്നുന്നു” എന്നും അഭിപ്രായപ്പെട്ടു. കൂടാതെ തനിക്ക് കിരീടം വേണ്ടെന്നും അവർ കുറിച്ചു. 2018 ൽ മിസ് ഉക്രെയ്ൻ കിരീടമണിഞ്ഞ ഡിഡുസെങ്കോയ്ക്ക് അഞ്ച് വയസുള്ള ഒരു മകനുണ്ടെന്ന് സംഘാടക‌ർ കണ്ടെത്തിയതിനെത്തുടർന്ന് മിസ് വേൾഡ് മത്സരത്തിൽ നിന്ന് അവരെ അയോഗ്യയാക്കിയിരുന്നു.

വിവാഹിതരും അമ്മമാരുമായ സ്ത്രീകളെ സൗന്ദര്യ മത്സരത്തിൽ പങ്കെടുക്കരുതെന്ന നിയമം 2010 ൽ റദ്ദാക്കിയിരുന്നു. എന്നാൽ ഇത് മിസ് വേൾഡ് സംഘാടകർ ലംഘിക്കുന്നുവെന്ന് ആരോപിച്ച് ഡിഡുസെങ്കോ ലണ്ടനിൽ നിയമ നടപടികൾ ആരംഭിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, FORMER BEAUTY QUEEN, MISS WORLD, MOTHER, LAWSUIT
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.