SignIn
Kerala Kaumudi Online
Tuesday, 07 July 2020 9.48 AM IST

കേരളം സമീപിച്ചത് ആർട്ടിക്കിൾ 131 പ്രകാരം

supreme-court

ന്യൂഡൽഹി: ഭരണഘടന അനുച്ഛേദം 131 പ്രകാരമാണ് പൗരത്വനിയമത്തിനെതിരെ കേരളം സുപ്രീംകോടതിയിൽ അന്യായം നൽകിയത്. കേന്ദ്ര സർക്കാർ നിയമത്തിനെതിരെ സംസ്ഥാനങ്ങൾക്ക് ഈ അനുച്ഛേദപ്രകാരം സുപ്രീംകോടതിയിൽ സ്യൂട്ട് ഹർജി ഫയൽചെയ്യാം. സാധാരണ ഗതിയിൽ കേന്ദ്രം കൊണ്ടുവരുന്ന നിയമത്തിന്റെ ഭരണഘടനാസാധുതയെ ചോദ്യം ചെയ്തുള്ള ഹർജികൾ അനുച്ഛേദം 32 പ്രകാരമാണ് സമർപ്പിക്കാറുള്ളത്. അതേസമയം സ്യൂട്ട് ഹർജി നിലനിൽക്കുമോയെന്നതിൽ നിയമവിദഗ്ദ്ധർക്കിടയിൽ രണ്ടു അഭിപ്രായമുണ്ട്.

2011ൽ

131-ാം അനുച്ഛേദ പ്രകാരം കേന്ദ്രനിയമത്തിനെതിരെ സുപ്രീംകോടതിയെ സമീപിക്കാനാകില്ലെന്ന് 2011-ൽ മദ്ധ്യപ്രദേശ് സർക്കാർ നൽകിയ കേസിൽ സുപ്രീം കോടതി വിധിച്ചു. ആർട്ടിക്കിൾ 32 പ്രകാരം തന്നെ ഹർജി നൽകാമെന്നാണ് ജസ്റ്റിസ് പി. സദാശിവം അദ്ധ്യക്ഷനായ ബെഞ്ച് വ്യക്തമാക്കിയത്.

2014ൽ

ജാർഖണ്ഡ് കേസിൽ 2014ൽ ജസ്റ്റിസ് ചെലമേശ്വർ അദ്ധ്യക്ഷനായ ബെഞ്ച് വിധിച്ചത് 131-ാം അനുച്ഛേദ പ്രകാരം തന്നെ സുപ്രീംകോടതിയെ സമീപിക്കാമെന്നാണ്‌.


പരിഗണനയിൽ

ഒരു സംസ്ഥാനത്തിന് കേന്ദ്ര നിയമത്തിനെതിരെയോ മറ്റ് സംസ്ഥാനങ്ങൾക്കെതിരെയോ സുപ്രീംകോടതിയെ സമീപിക്കേണ്ടത് ഏത് വകുപ്പുപ്രകാരമാണെന്ന തർക്കം ഇപ്പോൾ ജസ്റ്റിസ് എൻ.വി. രമണ അദ്ധ്യക്ഷനായ ബെഞ്ചിന്റെ പരിഗണനയിലാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, SUPREMECOURT
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.