SignIn
Kerala Kaumudi Online
Monday, 24 February 2020 3.22 PM IST

ജെഎൻയുവിലെ വിദ്യാർത്ഥികളെ കണ്ട പിണറായി ജാമിയാ മിലിയായിലെ വിദ്യാർത്ഥികളെ കാണാൻ വിസമ്മതിച്ചതെന്തിന് ? കാരണം മുഖ്യമന്ത്രി വ്യക്തമാക്കണമെന്ന് ഷിബു ബേബിജോൺ

pinarayi-vijayan-

പൗരത്വനിയമ ഭേദഗതിക്കെതിരെ രാജ്യത്ത് പ്രതിഷേധം ആദ്യമുയർന്നത് ക്യാമ്പസുകളിലായിരുന്നു. വിദ്യാർത്ഥി സമൂഹം ഒന്നായി തെരുവിലറങ്ങിയ പ്രതിഷേധ പരമ്പരകളുടെ പ്രഭവകേന്ദ്രം രാജ്യതലസ്ഥാനത്തെ ജെഎൻയു- ജാമിയാ മിലിയായിലുമായിരുന്നു. സർക്കാർ പൊലീസ് സംവിധാനങ്ങളുപയോഗിച്ച് ഈ പ്രതിഷേധങ്ങളെ പ്രതിരോധിച്ചപ്പോൾ പ്രതിപക്ഷ കക്ഷികൾ വിദ്യാർത്ഥികൾക്കു പിന്തുണയുമായി എത്തുകയും ചെയ്തു. കേരള മുഖ്യമന്ത്രി പിണറായി വിജയനും ഡൽഹിയിൽ സന്ദർശനം നടത്തവെ ജെഎൻയുവിലെ വിദ്യാർത്ഥികളെ നേരിൽ കണ്ടു സമരത്തിന് പിന്തുണ അറിയിച്ചിരുന്നു. എന്നാൽ ഈ സംഭവത്തിൽ മുഖ്യമന്ത്രി പക്ഷപാതം കാട്ടി എന്ന ആരോപണവുമായി രംഗത്തുവന്നിരിക്കുകയാണ് ആർ.എസ്.പി നേതാവും മുൻ മന്ത്രിയുമായ ഷിബു ബേബിജോൺ. ജാമിയാ മിലിയാ യൂണിവേഴ്സിറ്റി വിദ്യാർത്ഥികൾ കേരള മുഖ്യമന്ത്രിയെ നേരിൽ കാണുവാൻ സന്ദർശനാനുമതി തേടിയിരുന്നു, എന്നാൽ ഈ വിദ്യാർത്ഥികളെ കാണാൻ മുഖ്യമന്ത്രി വിസമ്മതിച്ചുവെന്ന് ഷിബു ബേബിജോൺ ആരോപിക്കുന്നു. ഫേസ്ബുക്ക് പോസ്റ്റിലൂടെയാണ് ഇക്കാര്യം ഷിബു വെളിപ്പെടുത്തുന്നത്. ജെഎൻയുവും ജാമിയാമിലിയായും മുഖ്യമന്ത്രിയുടെ സമീപനങ്ങൾ വ്യത്യസ്തമാകുന്നത് എന്തുകൊണ്ടാണെന്ന് ചോദിക്കുന്ന അദ്ദേഹം. ഇതിനുള്ള കാരണം മുഖ്യമന്ത്രി പറയണമെന്നും ആവശ്യപ്പെടുന്നു.

ഫേസ്ബുക്ക് പോസ്റ്റിന്റെ പൂർണരൂപം
ജെഎൻയുവും ജാമിയാ മില്ലിയായും സമീപനങ്ങൾ വ്യത്യസ്തമാകുന്നത് എന്തുകൊണ്ട്?

ഇക്കഴിഞ്ഞ ഡൽഹി സന്ദർശനവേളയിൽ മുഖ്യമന്ത്രി പിണറായി വിജയനെ ജെഎൻയു വിദ്യാർത്ഥികൾ നേരിൽകണ്ട് സംസാരിച്ചു എന്ന് മാധ്യമങ്ങളിലൂടെ നാമെല്ലാം അറിഞ്ഞു. അതെ നഗരത്തിലെതന്നെ ജാമിയാ മില്ലിയാ യൂണിവേഴ്സിറ്റി വിദ്യാർത്ഥികളും ഇദ്ദേഹത്തെ കാണാനായി സമീപിച്ചിരുന്നു, എന്നാൽ സന്ദർശനാനുമതി നൽകിയില്ല എന്നാണ് അറിയാൻ കഴിഞ്ഞത്.

ജെഎൻയുവും ജാമിയാ മില്ലിയായും വിദ്യാർത്ഥികൾ മുന്നിൽ നിന്ന് നയിക്കുന്ന പോരാട്ടങ്ങൾ ആണ്. പോലീസ് ഈ രണ്ട് യുണിവേഴ്സിറ്റികളിലും ക്രൂരമർദ്ദനം അഴിച്ചുവിട്ടിരുന്നു. ഫീസ് വർദ്ധന ഉൾപ്പടെയുള്ള വിഷയങ്ങളിൽ ജെഎൻയുവിൽ സമരങ്ങൾ നടക്കുകയായിരുന്നു, എന്നാൽ ജാമിയാ മില്ലിയായിൽ പൗരത്വ നിയമ ഭേദഗതിയെന്ന ഒറ്റ വിഷയത്തിന്മേൽ ആണ് സമരം തുടങ്ങിയത്. വസ്തുതയും സാഹചര്യവും ഇങ്ങനെയായിരിക്കെ മുഖ്യമന്ത്രി എന്തുകൊണ്ട് ജാമിയാ മില്ലിയാ വിദ്യാർത്ഥികളെ കാണാൻ വിസമ്മതിച്ചു എന്ന് പൊതുസമൂഹത്തോട് വ്യക്തമാക്കണം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: PINARAYI VIJAYAN, CM PINARAYI VIJAYAN, SHIBU BABY JOHN, CIA, ANTI CIA, JNU ISSUE, JNU, JAMIYA MILIA AGITATION, FACEBOOK POST
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.