SignIn
Kerala Kaumudi Online
Saturday, 29 February 2020 12.22 PM IST

ആരിഫ് മുഹമ്മദ് ഖാൻ ആരെന്ന് പിണറായി ശരിക്കു മനസിലാക്കാൻ പോവുന്നേയുള്ളൂ' ഗവർണറെ പിന്തുണച്ച് വി.മുരളീധരൻ

arif-muhammad-khan-

ന്യൂഡൽഹി: പൗരത്വ നിയമത്തെച്ചൊല്ലി സംസ്ഥാന സർക്കാരും ഗവർണറും തമ്മിലുള്ള ഭിന്നത രൂക്ഷമായിരിക്കെ ഗവർണർക്ക് പിന്തുണയുമായി കേന്ദ്രമന്ത്രി വി.മുരളീധരൻ. ഭരണഘടന എന്തെന്നും ആരിഫ് മുഹമ്മദ് ഖാൻ എന്ന ഗവർണർ ആരെന്നും മുഖ്യമന്ത്രി പിണറായി വിജയൻ മനസിലാക്കാൻ പോവുന്നേയുള്ളൂവെന്ന് മുരളീധരൻ പ്രതികരിച്ചു. സർക്കാരിന് റൂൾസ് ഓഫ് ബിസിനസ് അറിയില്ലെങ്കിൽ പഠിപ്പിച്ചിരിക്കുമെന്ന് മുരളീധര വ്യക്തമാക്കി. ട്വിറ്രറിലൂടെയായിരുന്നു മുരളീധരന്റെ പ്രതികരണം..

ഗവർണർ ആരിഫ് മുഹമ്മദ് ഖാൻ മാദ്ധ്യമപ്രവർത്തകർക്കു മുന്നിൽ റൂൾസ് ഒഫ് ബിസിനസ് വായിച്ച് ഗവർണർ തന്റെ നിലപാട് വിശദീകരിച്ചിരുന്നു. ഇതിനു പിന്നാലെയാണ് മുരളീധരന്റെ പ്രതികരണം. നിയമനടപടികൾ സ്വീകരിക്കും മുമ്പ് ഗവർണറെ അറിയിക്കണമെന്ന് റൂൾസ് ഒഫ് ബിസിനസിൽ വ്യക്തമായി പറഞ്ഞിട്ടുണ്ടെന്ന് ഗവർണർ ചൂണ്ടിക്കാട്ടിയിരുന്നു. സർക്കാർ ഇതു ലംഘിച്ചിരിക്കുന്നു. ഇക്കാര്യത്തിൽ വിശദീകരണം തേടും. ഉദ്യോഗസ്ഥരല്ല, മുഖ്യമന്ത്രിയാണ് തനിക്കു വിശദീകരണം നൽകേണ്ടതെന്നും ഗവർണർ പറഞ്ഞു.

ഗവർണറുടെ അധികാരങ്ങൾ എന്തൊക്കെയെന്ന് ഭരണഘടനയിലും നിരവധി സുപ്രീം കോടതി വിധികളിലും വ്യക്തമായി പറഞ്ഞിട്ടുണ്ടെന്ന്, മുഖ്യമന്ത്രി ഇന്നലെ നടത്തിയ പ്രസംഗത്തിനു മറുപടിയായി ഗവർണർ പറഞ്ഞു. ഗവർണറുടെ അധികാരത്തെ മറികടന്നു പ്രവർത്തിക്കാൻ മുഖ്യമന്ത്രിക്കാവില്ലെന്ന് ആരിഫ് മുഹമ്മദ് ഖാൻ ചൂണ്ടിക്കാട്ടി. ബ്രിട്ടിഷ് കാലത്തേതു പോലെ നിയമസഭയ്ക്കു മേൽ ഒരു റസിഡന്റിന്റെ ആവശ്യമില്ലെന്ന് മുഖ്യമന്ത്രി പിണറായി വിജയൻ ഇന്നലെ പ്രസംഗിച്ചിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: GOVERNOR ARIF MOHAMMAD KHAN, MINISTER V MURALEEDHARAN, PINARAYI VIJAYAN, CM PINARAYI VIJAYAN, CAA
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.