SignIn
Kerala Kaumudi Online
Monday, 17 February 2020 3.37 AM IST

സാമ്പത്തിക പ്രതിസന്ധിയിലും പുതിയ തസ്തികകൾക്ക് പഞ്ഞമില്ല

secretariate
secretariate

തിരുവനന്തപുരം: സംസ്ഥാനം ഗുരുതരമായ സാമ്പത്തിക പ്രതിസന്ധിയിലൂടെ കടന്നു പോകുമ്പോഴും തസ്തികകൾ സൃഷ്ടിക്കുന്നതിന് നിയന്ത്രണമില്ലാതെ സർക്കാർ. കാര്യവട്ടം കേന്ദ്രമായുള്ള പുതിയ അന്താരാഷ്ട്ര സ്വതന്ത്ര സോഫ്റ്റ്‌വെയർ കേന്ദ്രത്തിന് (ഐസിഫോസ്) ഇന്നലെ അനുവദിച്ചത് 15 തസ്തികകളാണ്. ലക്ഷങ്ങൾ നൽകേണ്ട അസോസിയേറ്റ് പ്രൊഫസർ,അസിസ്റ്റന്റ് പ്രൊഫസർ, ടെക്നിക്കൽ കോ-ഓർഡിനേറ്റർ ഉൾപ്പെടെയുള്ള തസ്തികകളാണിവ. ഈ ഘട്ടത്തിൽ ഇങ്ങനെ തസ്തികകൾ അനുവദിക്കുന്നതിനോട് ചില മന്ത്രിമാർക്ക് അതൃപ്തിയുള്ളതായി സൂചനയുണ്ട്.
സംസ്ഥാന ഭാഗ്യക്കുറി വകുപ്പിൽ ക്ലർക്കുമാരുടെ 44 താൽക്കാലിക തസ്തികകൾ സൃഷ്ടിക്കും. ഒരു വർഷത്തേക്ക് കരാർ അടിസ്ഥാനത്തിലായിരിക്കും നിയമനം. പി.എസ്‌.സി എൽഡി ക്ലാർക്ക് റാങ്ക് ലിസ്റ്റ് നിലവിലിരിക്കെ, സർക്കാരിനു നേരിട്ടു നിയമനം നടത്താനാണ് താൽക്കാലിക തസ്തികകൾ സൃഷ്ടിച്ചതെന്നാണ് ആരോപണം.
ഇടുക്കി ജില്ലയിൽ പുതുതായി ആരംഭിച്ച ശാന്തൻപാറ ഗവ.ആർട്‌സ് ആൻഡ് സയൻസ് കോളജിൽ മൂന്ന് അനദ്ധ്യാപക തസ്തികകൾ സൃഷ്ടിക്കാനും തീരുമാനിച്ചു.
കേരഫെഡിന്റെ സ്റ്റാഫ് പാറ്റേൺ അംഗീകരിച്ചു. അംഗീകൃത തസ്തികകൾ മാത്രമേ സ്റ്റാഫ് പാറ്റേണിൽ ഉൾപ്പെടുത്താൻ പാടുള്ളൂ .കെ.എസ്‌.ഐ.ഡി.സി ജീവനക്കാർക്ക് പത്താം ശമ്പള പരിഷ്കരണ ശുപാർശകൾ 2014 ജൂലായ് ഒന്ന് മുതലുള്ള പ്രാബല്യത്തോടെ നടപ്പാക്കാനും തീരുമാനിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KERALA GOVERNMENT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.