SignIn
Kerala Kaumudi Online
Monday, 24 February 2020 2.22 PM IST

എയ്ഡഡ് ഹയർ സെക്കൻഡറി: അനദ്ധ്യാപക തസ്തിക രണ്ടുമാസത്തിനകം അംഗീകരിക്കണമെന്ന് ഹൈക്കോടതി

kerala-highcourt
Kerala Highcourt

കൊച്ചി : കേരള വിദ്യാഭ്യാസ ചട്ടപ്രകാരം എയ്ഡഡ് ഹയർ സെക്കൻഡറി സ്കൂളുകളിൽ അനുവദിച്ച നോൺ ടീച്ചിംഗ് തസ്തികകൾക്ക് സർക്കാർ രണ്ടു മാസത്തിനുള്ളിൽ അംഗീകാരം നൽകണമെന്ന് ഹൈക്കോടതിയുടെ നിർദ്ദേശം. മൂന്നു മാസത്തിനുള്ളിൽ അംഗീകാരിക്കണമെന്ന് 2017 നവംബർ 30 ന് സിംഗിൾബെഞ്ച് പുറപ്പെടുവിച്ച വിധിക്കെതിരെ സർക്കാർ നൽകിയ അപ്പീൽ തള്ളിയാണ് ഡിവിഷൻ ബെഞ്ചിന്റെ വിധി.

സർക്കാർ അനുവദിച്ച തസ്തികകൾക്ക് ഒൗദ്യോഗിക അംഗീകാരം നൽകാത്തതിനെതിരെ സമർപ്പിച്ച ഹർജികളിലാണ് സിംഗിൾബെഞ്ച് വിധിയുണ്ടായത്. ധനകാര്യ വകുപ്പിന്റെ അനുമതി ലഭിക്കാനുള്ള കാലതാമസം മൂലമാണ് വിധി നടപ്പാക്കാത്തതെന്ന് അപ്പീൽ പരിഗണിക്കവെ സർക്കാർ അഭിഭാഷകൻ കോടതിയിൽ അറിയിച്ചു. രണ്ടു മാസം കൂടി സമയം വേണമെന്നും ആവശ്യപ്പെട്ടു.

സിംഗിൾബെഞ്ച് നിർദ്ദേശിച്ച സമയപരിധി കടന്ന കേസിൽ സർക്കാർ വീണ്ടും സമയം തേടുന്നത് കോടതി നടപടികളുടെ ദുരുപയോഗമാണെന്ന് ഡിവിഷൻ ബെഞ്ച് കുറ്റപ്പെടുത്തി. വിധി നടപ്പാക്കുന്നത് വൈകിപ്പിക്കാൻ ബോധപൂർവം ശ്രമിക്കുകയാണെന്നും ഹൈക്കോടതി പറഞ്ഞു. എങ്കിലും അവസാന അവസരമെന്ന നിലയിൽ രണ്ടു മാസം നൽകുകയാണെന്നും ഇതു പാലിച്ചില്ലെങ്കിൽ ബന്ധപ്പെട്ട ഉദ്യോഗസ്ഥർ കോടതിയലക്ഷ്യ നടപടി നേരിടേണ്ടി വരുമെന്നും ഹൈക്കോടതി വ്യക്തമാക്കി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: HC
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.