SignIn
Kerala Kaumudi Online
Sunday, 29 March 2020 3.32 AM IST

മലപ്പുറത്ത് ഹിന്ദു കുടുംബങ്ങൾക്ക് കുടിവെള്ളം നിഷേധിച്ചെന്ന് ബി.ജെ.പി എം.പി, വ്യാജ പ്രചാരണത്തിന് കേസെടുത്ത് കേരള പൊലീസ്

mallpram

മലപ്പുറം: കുറ്റിപ്പുറത്ത് പൗരത്വ നിയമ ദേദഗതിയെ അനുകൂലിച്ച ഹിന്ദു കുടുംബങ്ങൾക്ക് പഞ്ചായത്ത് കുടിവെള്ളം നിഷേധിച്ചെന്ന് വ്യാജപ്രചരണം നടത്തിയ കർണാടക ബി.ജെ.പി എം.പി ശോഭ കരന്തലജയ്ക്കെതിരെ കേരള പൊലീസ് കേസെടുത്തു. മതസ്പർദ്ധ വളർത്താൻ ശ്രമിച്ചതിന് 153 എ വകുപ്പ് പ്രകാരമാണ് കേസെടുത്തിരിക്കുന്നത്. ട്വിറ്ററിലൂടെയാണ് ബി.ജെ.പി എം.പി വാർത്ത പ്രചരിപ്പിച്ചത്. കുറ്റിപ്പുറം പഞ്ചായത്തിലെ ചെറുകുന്ന് കോളനിയിലെ നിവാസികൾക്ക് കുടിവെള്ളം നിഷേധിച്ചെന്നും അതിനാൽ സേവാഭാരതിയുടെ നേതൃത്വത്തിൽ കുടിവെള്ളം വിതരണം ചെയ്യുന്നുവെന്നുമായിരുന്നു ശോഭ കരന്തലജയുടെ ട്വീറ്റ്‌.

എം.പിയുടെ ട്വീറ്റിനെതിരെ സുപ്രീം കോടതി അഭിഭാഷകൻ കെ.ആർ സുഭാഷ് ചന്ദ്രൻ കുറ്റിപ്പുറം പൊലീസിൽ പരാതി നൽകുകയായിരുന്നു. കുറ്റിപ്പുറം പ്രദേശത്തെ മതസാമുദായിക സൗഹാർദം തകർക്കുന്ന തരത്തിൽ എം.പി വ്യാജപ്രചരണം നടത്തിയെന്ന് ചൂണ്ടിക്കാട്ടിയായിരുന്നു പരാതി. സംഭവം വിവാദമായയോടെ വിശദീകരണവുമായി പഞ്ചായത്ത് അധികൃതരും നാട്ടുകാരും പോലീസും രംഗത്തെത്തി. മോട്ടോർ തകരാറിലായതിനാൽ എട്ട് മാസത്തോളമായി ചില പ്രദേശങ്ങളിൽ കുടിവെള്ളം മുടങ്ങിക്കിടക്കുകയാണ്. അത് പരിഹരിക്കാനുള്ള നടപടികൾ പഞ്ചായത്ത് നടത്തിക്കൊണ്ടിരിക്കുകയാണ്. അതിനിടയിലാണ് ജനങ്ങളെ തമ്മിൽ തെറ്റിക്കാൻ വ്യാജ പ്രചരണങ്ങളുമായി ഒരുവിഭാഗം രംഗത്ത് ഇറങ്ങിയതെന്നായിരുന്നു കുറ്റിപ്പുറം പഞ്ചായത്ത് മെമ്പറും വനിതാ ലീഗ് നേതാവുമായ വസീമ വാളേരി പറഞ്ഞു. പ്രദേശത്ത് വർഷങ്ങളായി കുടിവെള്ളം ക്ഷാമം നിലനിൽക്കുന്നുണ്ടെന്ന് കുറ്റിപ്പുറം പൊലീസും പറഞ്ഞു.

വ്യത്യസ്ത മത വിഭാഗങ്ങൾ ഐക്യത്തോടും സൗഹാർദത്തോടും താമസിക്കുന്ന കുറ്റിപ്പുറത്തെയും മലപ്പുറം ജില്ലയിലെയും മതസൗഹാർദം തകർക്കുന്നതിനും വർഗീയകലാപത്തിനും സാധാരണക്കാരുടെ സ്വൈര്യജീവിതം തകർക്കുന്നതിനുമായി ബോധപൂർവമായ ശ്രമമാണ് എം.പി നടത്തിയതെന്നും പരാതിയിൽ പറഞ്ഞിരുന്നു. ഇതിന്റെ അടിസ്ഥാനത്തിലാണ് നടപടി. എംപിയെ കൂടാതെ മറ്റ് രണ്ട് പേർക്കെതിരെയും കേസെടുത്തിട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KERALA, BJP MP CLAIMS PANCHAYAT DENIED DRINKING WATER TO PEOPLE FOR SUPPORTING CAA, BOOKED FOR SPREADING FAKE NEWS
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.