SignIn
Kerala Kaumudi Online
Tuesday, 25 February 2020 4.00 PM IST

പാലിയേക്കര ടോൾ ബൂത്ത് തുറന്നിട്ട് യുവതിയുടെ പ്രതിഷേധം, 20 മിനിട്ട് വാഹനങ്ങൾ ടോൾ നൽകാതെ കടത്തിവിട്ടു, യുവതിക്കെതിരെ കേസെടുക്കാനാവില്ലെന്ന് പൊലീസ്

toll-plaza-

തൃശൂർ : ഗതാഗതകുരുക്കിന് കുപ്രസിദ്ധമായ പാലിയേക്കര ടോൾബൂത്തിൽ വ്യത്യസ്തമായ പ്രതിഷേധം. കഴിഞ്ഞ ദിവസം വാഹനക്കുരുക്കിൽ യാത്രക്കാർ അസ്വസ്ഥരായപ്പോൾ കാർയാത്രക്കാരിയായ യുവതി വാഹനത്തിൽ നിന്നുമിറങ്ങി ബലമായി ടോൾ ബൂത്ത് തുറന്നിട്ടു. ടോൾ ബൂത്തിലെ സ്‌റ്റോപ്പ് ബാരിയർ ഉയർത്തിപ്പിടിച്ച് ഇരുപത് മിനിട്ടോളം വാഹനങ്ങൾ ഇതു വഴി തുക നൽകാതെ കടന്നുപോവുകയും ചെയ്തു. ഇതിനിടെ ടോൾബൂത്തിലെ ജീവനക്കാർ യുവതിയോട് കയർക്കുകയും ഫോണിൽ ചിത്രമെടുക്കുവാൻ ശ്രമിക്കുകയും ചെയ്തു. എന്നാൽ പിടിവലിക്കിടയിൽ ജീവനക്കാരന്റെ ഫോൺ തറയിൽ വീണു തകർന്നു. യുവതിയുടെ ഫോണും തറയിൽ വീണ് കേടുപാട് സംഭവിച്ചു.

ടോൾ ബൂത്തിലെ സംഭവമറിഞ്ഞ് സ്ഥലത്തെത്തിയ പുതുക്കാട് പൊലീസിനോട് ജീവനക്കാർ പരാതി പറഞ്ഞെങ്കിലും യുവതിക്കെതിരെ കേസെടുക്കില്ലെന്ന് പൊലീസ് പറഞ്ഞു. അതേസമയം യുവതിക്ക് ജീവനക്കാർക്കെതിരെ പരാതിയുണ്ടോ എന്ന് അന്വേഷിക്കുകയും ചെയ്തു. എന്നാൽ പരാതിയില്ലെന്ന് യുവതി പറഞ്ഞതോടെ യാത്രതുടരാൻ പൊലീസ് അനുവദിക്കുകയായിരുന്നു. തിരുവനന്തപുരം സ്വദേശിയാണ് യുവതി. ടോളിൽ അരമണിക്കൂറിലേറെ കാത്തുകിടക്കേണ്ടി വന്നതിനെ തുടർന്നാണ് യുവതി പ്രതികരിക്കാൻ തയ്യാറായത്. നിരവധി പേരാണ് പാലിയേക്കരയിൽ ഇതിന് മുൻപും ജീവനക്കാരുടെ പെരുമാറ്റത്തിനെതിരെ പരാതിപ്പെട്ടിട്ടുള്ളത്. ആറു വാഹനങ്ങളിൽക്കൂടുതൽ കാത്തു കിടക്കേണ്ടി വന്നാൽ ടോൾ ബൂത്ത് തുറന്നുവിടണമെന്നാണ് ചട്ടം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: TOLL, TOLLPLAZA, PALIYEKKARA, THRISSUR PALIYEKKARA TOLL PLAZA, POLICE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.