SignIn
Kerala Kaumudi Online
Monday, 17 February 2020 3.47 AM IST

രാജ്യത്തെ മികച്ച മുഖ്യമന്ത്രി കേജ്‌രിവാളല്ല, മമതയുമല്ല അത് യോഗി അദിത്യനാഥാണ്, രണ്ടാംവട്ടവും ഒന്നാമതെത്തി യു.പി.മുഖ്യമന്ത്രി

aditya-nath-

ന്യൂഡൽഹി : രാജ്യത്തെ മികച്ച മുഖ്യമന്ത്രിയായി ജനം തിരഞ്ഞെടുത്ത് ഉത്തർപ്രദേശ് മുഖ്യമന്ത്രി യോഗി ആദിത്യനാഥിനെ. ഇത് രണ്ടാം തവണയാണ് മികച്ച മുഖ്യമന്ത്രിയായി ആദിത്യനാഥിനെ തിരഞ്ഞെടുക്കുന്നത്. ഇന്ത്യാ ടുഡേ നടത്തിയ സർവേയിലാണ് രണ്ടാം വർഷവും യോഗി ആദിത്യനാഥിനെ മികച്ച മുഖ്യമന്ത്രിയായി തിരഞ്ഞെടുത്തത്. പത്തൊൻപത് സംസ്ഥാനങ്ങളിലായി 12141 പേരിൽ നിന്നും നേരിട്ടാണ് സർവേയ്ക്കായി വിവരങ്ങൾ ശേഖരിച്ചത്. ഇതിൽ പതിനെട്ട് ശതമാനം പേരും ആദിത്യനാഥിന്റെ പേരാണ് മികച്ച മുഖ്യമന്ത്രിയായി നിർദേശിച്ചത്. കഴിഞ്ഞ മൂന്ന് വർഷക്കാലയളവിലെ ഭരണത്തിനിടയിൽ തീരുമാനങ്ങൾ നടപ്പിലാക്കുന്നതിൽ ആദിത്യനാഥ് കാണിച്ച സാമർത്ഥ്യവും,സംസ്ഥാനത്തെ അക്രമപ്രവർത്തനങ്ങളെ ഉരുക്ക് മുഷ്ടി ഉപയോഗിച്ച് നേരിട്ടതുമെല്ലാം ജനങ്ങൾക്കിടയിൽ മതിപ്പുണ്ടാവാൻ കാരണമായിട്ടുണ്ട്. സർവേയിൽ പതിനൊന്ന് ശതമാനം വോട്ടുമായി ഡൽഹി മുഖ്യമന്ത്രി അരവിന്ദ് കേജ്‌രിവാളും ബംഗാൾ മുഖ്യമന്ത്രി മമത ബാനർജിയും രണ്ടാമതെത്തി. ബീഹാർ മുഖ്യമന്ത്രി നിതീഷ് കുമാറാണ് പട്ടികയിൽ മൂന്നാം സ്ഥാനത്തുള്ളത്.

ഇന്ത്യടുഡേ നടത്തിയ സർവേയിൽ പങ്കെടുത്തവരിൽ 67 ശതമാനം പേരും ഗ്രാമീണരാണ്. രാജ്യത്തെ പത്തൊമ്പത് സംസ്ഥാനങ്ങളിലെ തൊണ്ണൂറ്റിയേഴ് ലോക്സഭ മണ്ഡലങ്ങളിൽ നിന്നുള്ളവർ സർവേയിൽ പങ്കെടുത്തു. മികച്ച മുഖ്യമന്ത്രി തിരഞ്ഞെടുത്തതിനൊപ്പം തന്നെ രാജ്യം ഭരിച്ചിട്ടുള്ളതിൽ വച്ച് ഏറ്റവും മികച്ച പ്രധാനമന്ത്രിയായി നരേന്ദ്ര മോദിയെയാണ് ജനം തിരഞ്ഞെടുത്തത്. മുപ്പത്തി നാല് ശതമാനം പേരാണ് മോദിക്ക് പിന്തുണ നൽകിയത്. അതേ സമയം 16 ശതമാനം പേർ മുൻ പ്രധാനമന്ത്രി ഇന്ദിരാ ഗാന്ധിയായിരുന്നു മികച്ചതെന്ന് അഭിപ്രായപ്പെട്ടു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, YOGI ADITYANATH, ARAVIND KEJRIVAL, PINARAYI VIJAYAN, NARENDRA MODI
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.