SignIn
Kerala Kaumudi Online
Wednesday, 01 April 2020 7.58 AM IST

പോക്കറ്റിൽ ആകെയുണ്ടായിരുന്നത് 50 രൂപ, പ്രതീക്ഷയോടെ ഭാഗ്യക്കുറിയെടുത്തു: തിരുവനന്തപുരം സ്വദേശിയെ തേടിയെത്തി ഭാഗ്യദേവത

lottery

തിരുവനന്തപുരം: ബധിരനും മൂകനുമായ തിരുവനന്തപുരം സ്വദേശിക്ക് കൈവന്നത് നിനച്ചിരിക്കാത്ത ഭാഗ്യം. വിൻവിൻ ലോട്ടറിയുടെ ഒന്നാം സമ്മാനമാണ് വെള്ളയമ്പലം, വള്ളക്കടവ്, അരുവിക്കുഴി വീട്ടിലെ അന്തേവാസി സജിയുടേയും കുടുംബത്തിന്റെയും കൈകളിലേക്ക് എത്തിച്ചേർന്നത്. 65 ലക്ഷം രൂപയാണ് സമ്മാന തുകയായി സജിക്കും, ഭാര്യ അനിലയ്ക്കും മകൻ സന്തോഷിനും ലഭിച്ചത്.

ഗാർഡനിംഗ് തൊഴിലാളിയായി ജോലി ചെയ്തിരുന്ന സജി ഒഴിവ് കിട്ടുമ്പോൾ ലോട്ടറി കച്ചവടവും ചെയ്തിരുന്നു. എന്നാൽ കൈയിൽ പണമില്ലാത്തതിനാൽ സജി വിൽപ്പനയ്ക്ക് ആവശ്യമായ ടിക്കറ്റുകൾ ഒരു ദിവസം വാങ്ങിയിരുന്നില്ല. തുടർന്ന് പോക്കറ്റിൽ ബാക്കിയുണ്ടായിരുന്ന 50 രൂപ ഉപയോഗിച്ചുകൊണ്ട് സജി വട്ടിയൂർക്കാവിലുള്ള എം.എച്ച് ലോട്ടറിക്കടയിൽ നിന്നും 30 രൂപയുടെ ഒരു ടിക്കറ്റ് എടുക്കുകയായിരുന്നു.

ശേഷം, മൊബൈലിൽ പരിശോധിച്ചപ്പോഴാണ് താനെടുത്ത WP 717310 എന്ന ടിക്കറ്റിനാണ് സമ്മാനം ലഭിച്ചതെന്ന് സജി മനസിലാക്കിയത്.

പതിമൂന്നാം തീയതി നടന്ന നറുക്കെടുപ്പിലാണ് സജിക്ക് സമ്മാനം ലഭിച്ചത്. ആദ്യം വിശ്വസിക്കാനായില്ലെങ്കിലും, പിന്നീട് സമ്മാനം തനിക്കാണെന്ന് ഉറപ്പുവരുത്തിയ ശേഷം, സജി സമ്മാനാർഹമായ വട്ടിയൂർക്കാവ് എസ്.ബി.ഐ ശാഖയിൽ ഏൽപ്പിച്ചു. നല്ലൊരു വീട് പണിയുക, എട്ടാം ക്ലാസ് വിദ്യാർത്ഥിയായ മകനെ പഠിപ്പിച്ച് നല്ല നിലയിൽ എത്തിക്കുക, എന്നിവയാണ് സജിയുടെയും ഭാര്യയുടെയും ചെറിയ, വലിയ ആഗ്രഹങ്ങൾ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOTTERY, LOTTERY WINNER, WINWIN LOTTERY, KERALA
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.