SignIn
Kerala Kaumudi Online
Friday, 21 February 2020 8.55 AM IST

വിമാനത്താവളം വഴി കടത്തിയ കാൽകോടിയുടെ സ്വർണം അജ്ഞാതസംഘം കവർന്നു

gold

കൊണ്ടോട്ടി: ഗൾഫ് യാത്രക്കാരൻ കരിപ്പൂർ വിമാനത്താവളം വഴി അനധികൃതമായി കടത്തിയ 25 ലക്ഷത്തിന്റെ സ്വർണം ഏറ്റുവാങ്ങി മടങ്ങിയ രണ്ടു പേരെ കാർ തടഞ്ഞ് ആറംഗ സംഘം കൊളളയടിച്ചു. വെള്ളിയാഴ്ച്ച പുലർച്ചെയുണ്ടായ സംഭവം ആക്രമണത്തിനിരയായ പെരിന്തൽമണ്ണ വലമ്പൂർ സ്വദേശികൾ പൊലീസിൽ പരാതി നൽകിയതോടെയാണ് പുറംലോകം അറിഞ്ഞത്. പാലക്കാട്-കോഴിക്കോട് ദേശീയപാത- 213ൽ കൊണ്ടോട്ടി കോളനി റോഡിന് സമീപമാണ് സംഭവം. ഒമാനിൽ നിന്നു കരിപ്പൂരിൽ വന്നിറങ്ങിയ കോഴിക്കോട് അത്തോളി സ്വദേശിയാണ് 900 ഗ്രാം സ്വർണം മിശ്രിത രൂപത്തിൽ കസ്റ്റംസിന്റെ കണ്ണു വെട്ടിച്ച് പുറത്തുകടത്തിയത്. കാറുമായി എത്തിയ പെരിന്തൽമണ്ണ സ്വദേശികൾക്ക് കൊണ്ടോട്ടി ബസ് സ്റ്റാൻഡിനു സമീപം വച്ച് കാരിയർ സ്വർണം കൈമാറി. ഇവർ പെരിന്തൽമണ്ണ ഭാഗത്തേക്ക് പോവുന്നതിനിടെയാണ് ഇന്നോവ കാറിലെത്തിയ മുഖംമുടി ധരിച്ച ആറംഗ സംഘം കാർ തടഞ്ഞു നിറുത്തി ആക്രമിച്ച് സ്വർണം കവർന്നത്. ഇവരുടെ കാറുമായി കടന്നു കളഞ്ഞ സംഘം പിന്നീട് രണ്ടു കിലോമീറ്റർ അകലെ മുസ്ലിയാരങ്ങാടിക്ക് സമീപം കാർ ഉപേക്ഷിച്ച് രക്ഷപ്പെട്ടു. കാർ പൊലീസ് കസ്റ്റഡിയിലെടുത്തിട്ടുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: GOLD THEFT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.