SignIn
Kerala Kaumudi Online
Thursday, 13 August 2020 7.41 AM IST

ത​ത്സ​മ​യ​ബോ​ധ​ത്തിൽ ജീ​വി​​ക്ക​ണം

guruprakasham

ഇ​ന്ന​ലെ ന​മു​ക്കു വ​ള​രെ സ​ങ്ക​ട​മു​ണ്ടാ​ക്കു​ന്ന ഒ​രു കാ​ര്യം ഉ​ണ്ടാ​യി​ട്ടു​ണ്ടെ​ങ്കിൽ ഇ​ന്നും അ​തി​ന്റെ അ​നു​ര​ണ​ന​ങ്ങൾ ന​മ്മു​ടെ മ​ന​സി​നെ വി​മ്മി​ഷ്ട​പ്പെ​ടു​ത്തി​ക്കൊ​ണ്ടി​രി​ക്കും. ന​മ്മൾ എ​ത്ര വി​ചാ​രി​ച്ചാ​ലും മ​ന​സിൽ നി​ന്നും അ​തി​നെ വേ​ഗം നീ​ക്കം ചെ​യ്യാ​നാ​വു​ക​യി​ല്ല. കാ​ര​ണം മ​ന​സ് എ​ന്ന​ത് ഇ​ന്ന​ലെ​ക​ളു​ടെ ഒ​രു കൂ​ടാ​ര​മാ​യി​ട്ടാ​ണു ന​മ്മി​ലെ​ല്ലാം നി​റ​ഞ്ഞു നി​ല​കൊ​ള്ളു​ന്ന​ത്. അ​തി​നാൽ ഇ​ന്ന​ലെ​ക​ളിൽ നി​ന്നും മ​ന​സിനെ അ​ടർ​ത്തി​യെ​ടു​ത്ത് ഇ​ന്നി​നൊ​പ്പം ചേർ​ത്തു നിർ​ത്ത​ണ​മെ​ങ്കിൽ അ​തി​നു വ​ലി​യ ജാ​ഗ്ര​ത​യും ത​ത്സ​മ​യ​ബോ​ധ​വും വേ​ണം.

എ​ന്നാൽ മ​ന​സി​നെ പൊ​തി​ഞ്ഞു​കൊ​ണ്ടു ന​ട​ക്കു​ന്ന ശ​രീ​ര​ത്തെ സം​ബ​ന്ധി​ച്ചി​ട​ത്തോ​ളം ഇ​ന്ന​ലെ​ക​ളെ​ന്ന​ത് ജീ​വി​ത​ത്തിൽ ഇ​ല്ലാ​ത്ത ഒ​ന്നാ​ണ്. ന​മ്മു​ടെ ഹൃ​ദ​യം സ്പ​ന്ദി​ക്കു​ന്ന​ത് ത​ത്സ​മ​യ​മാ​യാ​ണ്. ന​മ്മൾ ശ്വ​സി​ക്കു​ന്ന​തും കാ​ണു​ന്ന​തും കേൾ​ക്കു​ന്ന​തും പ​റ​യു​ന്ന​തും ചി​ന്തി​ക്കു​ന്ന​തും ച​ലി​ക്കു​ന്ന​തു​മെ​ല്ലാം ത​ത്സ​മ​യ​ങ്ങ​ളി​ലാ​യാ​ണ്. ഇ​ങ്ങ​നെ ത​ത്സ​മ​യ​പ്ര​വൃ​ത്തി​ക​ളിൽ മു​ഴു​കി​യി​രി​ക്കാ​ത്ത​താ​യി​ട്ടൊ​ന്നും ത​ന്നെ ന​മ്മു​ടെ ശ​രീ​ര​ത്തി​ലോ ജീ​വി​ത​ത്തി​ലോ ഉ​ണ്ടാ​യി​രി​ക്കു​ന്നി​ല്ല. ന​മു​ക്കു ചു​റ്റു​മു​ള്ള പ്ര​കൃ​തി​യി​ലേ​ക്കൊ​ന്നു തി​രി​ഞ്ഞു നോ​ക്കി​യാ​ലും അ​തു ത​ന്നെ​യാ​ണു കാ​ണാ​നാ​വു​ക. ഇ​ന്ന​ലെ​ത്തെ പ്ര​വൃ​ത്തി​യിൽ ഏർ​പ്പെ​ട്ടി​രി​ക്കു​ന്ന അ​ല്ലെ​ങ്കിൽ നി​ല​കൊ​ള്ളു​ന്ന യാ​തൊ​ന്നും ഇ​ന്ന​ത്തെ പ്ര​കൃ​തി​യി​ലി​ല്ലെ​ന്നു സാ​രം.

ക​ടൽ ഇ​ര​മ്പു​ന്ന​തും തി​ര​കൾ ഉ​ണ്ടാ​കു​ന്ന​തും കാ​റ്റു ​വീ​ശു​ന്ന​തും സൂ​ര്യൻ പ്ര​കാ​ശി​ക്കു​ന്ന​തും ച​ന്ദ്രൻ ഉ​ദി​ക്കു​ന്ന​തും ന​ക്ഷ​ത്ര​ങ്ങൾ മി​ന്നു​ന്ന​തും തു​ട​ങ്ങി സ​ക​ല ച​രാ​ച​ര​ങ്ങ​ളും അ​താ​തി​ന്റെ ധർ​മ്മാ​നു​ഷ്ഠാ​ന​ങ്ങൾ നിർ​വ​ഹി​ക്കു​ന്ന​ത് ഇ​ന്നു​ക​ളി​ലാ​ണ്. ഇ​വി​ടെ ഇ​ന്ന് എ​ന്നു പ​റ​യു​ന്ന​തി​നെ ഇ​പ്പോൾ എ​ന്ന വർ​ത്ത​മാ​ന​കാ​ല​മാ​യാ​ണ് ന​മ്മൾ വി​ചാ​രം ചെ​യ്യേ​ണ്ട​ത്. ഘ​ടി​കാ​രം ഒ​രി​ക്ക​ലും ക​ഴി​ഞ്ഞു​പോ​യ സ​മ​യ​ത്തി​നൊ​പ്പം നി​ല്ക്കു​ന്നി​ല്ല. അ​തു​പോ​ലെ​യാ​ണ് ന​മ്മു​ടെ ശ​രീ​ര​ത്തി​ന്റെ പ്രാ​ണൻ മു​തൽ കോ​ശം വ​രെ​യു​ള്ള​വ​യെ​ല്ലാം ത​ത്സ​മ​യി​യാ​യി​രി​ക്കു​ന്ന​തും.


ഇ​പ്ര​കാ​രം ത​ത്സ​മ​യ​ത്തി​ന്റെ സ​ന്ത​തി​യാ​യി ന​മ്മൾ ഇ​രി​ക്കു​മ്പോ​ഴും ഈ ത​ത്സ​മ​യ​ത്തി​ന്റെ നി​ജ​ബോ​ധ​ത്തി​ലേ​ക്ക് ഉ​യ​രു​വാ​നോ അ​തി​നു സാ​ക്ഷി​യാ​യി നി​ല​കൊ​ള്ളു​വാ​നോ മ​നു​ഷ്യ​ന് ആ​വു​ന്നി​ല്ലെ​ന്ന​താ​ണു വാ​സ്ത​വം. ഇ​ക്കാ​ര്യം എ​ണ്ണി​പ്പ​റ​യു​ന്ന ഒ​രു സൂ​ക്തം ഖുർ​ആ​നിൽ കാ​ണാം. ഈ മ​ണ്ണും വി​ണ്ണും എ​ണ്ണ​മ​റ്റ ദൃ​ഷ്ടാ​ന്ത​ങ്ങ​ളാൽ നി​ല​കൊ​ള്ളു​മ്പോ​ഴും മ​നു​ഷ്യൻ അ​വ​യൊ​ന്നും ഗൗ​നി​ക്കാ​തെ​യും അ​വ​യെ​പ്പ​റ്റി​യൊ​ന്നും വി​ചാ​രം ചെ​യ്യാ​തെ​യും അ​തി​ലൊ​ന്നും അ​ത്ഭു​ത​പ്പെ​ടാ​തെ​യും അ​തി​നു മു​ന്നി​ലൂ​ടെ ക​ട​ന്നു​പോ​കു​ന്നു​വെ​ന്ന ഈ സൂ​ക്ത​പ്പൊ​രുൾ ന​മ്മു​ടെ അ​റി​വി​ന്റെ മ​ണ്ഡ​ല​ത്തെ പ്ര​കാ​ശി​പ്പി​ക്കാ​തി​രി​ക്കു​ന്നി​ട​ത്തോ​ളം ന​മ്മൾ ഈ പ്ര​കൃ​തി​യിൽ നി​ന്നും വേ​റി​ട്ട​വ​നാ​യി മാ​റി​പ്പോ​കും. ഈ വേ​റി​ട​ലും മാ​റി​പ്പോ​ക​ലും ഉ​ണ്ടാ​ക്കു​ന്ന അ​ജ്ഞാ​ന​ത്തി​ന്റെ മ​റ​യി​ലാ​ണു ആ​ധു​നി​ക​മ​നു​ഷ്യൻ അ​വ​ന്റെ ഭൗ​തി​ക​ജീ​വി​ത​ത്തെ ന​ട്ടു​ന​ന​ച്ചു വ​ളർ​ത്തു​ന്ന​ത്.


അ​തി​നാൽ ജീ​വി​ത​ത്തി​ന്റെ പ​ച്ച​പ്പി​നും വി​കാ​സ​ത്തി​നും ന​ന്നാ​വ​ലി​നും ന​മു​ക്ക് ന​മ്മു​ടെ ജീ​വി​തം തു​ന്നി​ക്കൊ​ണ്ടി​രി​ക്കു​ന്ന ത​ത്സ​മ​യ​ത്തി​ന്റെ ​ബോ​ധ്യം ഉ​ണ്ടാ​വേ​ണ്ട​തു​ണ്ട്. കാ​ര​ണ​മെ​ന്തെ​ന്നാൽ ഏ​തൊ​രു മ​നു​ഷ്യ​നും മാ​റ്റ​മു​ണ്ടാ​കു​ന്ന​തും അ​റി​വു​ണ്ടാ​കു​ന്ന​തും ആ​ശ​യ​മു​ണ്ടാ​കു​ന്ന​തും ചി​ന്ത​യു​ണ്ടാ​കു​ന്ന​തും അ​നു​ഭ​വ​മു​ണ്ടാ​കു​ന്ന​തും ത​ത്സ​മ​യ​ത്തി​ന്റെ നി​ര​ന്ത​ര​ത​യി​ലാ​ണ്. ഏ​തൊ​രു പ്ര​പ​ഞ്ച​ജീ​വി​ക്കും ഈ​ശ്വ​രൻ അ​നു​വ​ദി​ച്ചു ന​ല്കി​യി​ട്ടു​ള്ള​ത് ത​ത്സ​മ​യ​ജീ​വി​ത​മാ​ണ് .


ഈ​ശ്വ​രൻ ന​മു​ക്ക് ഇ​ന്ന​ലെ​കൾ ന​ല്കി​യി​ട്ടി​ല്ല. നാ​ളെ​കൾ ന​ല്കു​ക​യു​മി​ല്ല. ഇ​ന്നു​കൾ മാ​ത്ര​മാ​ണ് ന​ല്കു​ന്ന​ത്. അ​ങ്ങ​നെ​യു​ള്ള ഈ​ശ്വ​ര​നോ​ടു ന​മ്മൾ നാ​ളെ​കൾ​ക്കാ​യി പ്രാർ​ത്ഥി​ക്കു​ക​യാ​ണ് ചെ​യ്യു​ന്ന​ത്. പ്രാർ​ത്ഥ​ന​യി​ലെ ഈ വ്യർ​ത്ഥ​ത​പോ​ലും ന​മു​ക്ക് തി​രി​ച്ച​റി​യാ​നാ​കു​ന്നി​ല്ല. ഇ​ങ്ങ​നെ​യു​ള്ള ഭ​ക്ത​ലോ​ക​മാ​ണ് ഈ​ശ്വ​ര​നെ​യും ഈ​ശ​ര​ത​ത്ത്വ​ങ്ങ​ളെ​യും ഇ​ന്നു നിർ​വ​ചി​ച്ചു​കൊ​ണ്ടി​രി​ക്കു​ന്ന​ത്. അ​തു​കൊ​ണ്ട് ഈ വൈ​പ​രീ​ത്യം തി​രി​ച്ച​റി​ഞ്ഞ് അ​ന്ന​വ​സ്ത്രാ​ദി​കൾ ത​ന്നു ര​ക്ഷി​ക്കു​ന്ന പൊ​ന്നു​ത​മ്പു​രാ​നെ ത​ത്സ​മ​യ​സ​മർ​പ്പ​ണ​ത്തി​ലൂ​ടെ വേ​ണം ഭ​ക്തൻ ഉ​പാ​സി​ക്കേ​ണ്ട​തും ആ​രാ​ധി​ക്കേ​ണ്ട​തും ഭ​ജി​ക്കേ​ണ്ട​തും.


മ​ന​സ് എ​പ്പോ​ഴും ചാ​ഞ്ചാ​ട്ട​സ്വ​ഭാ​വ​ത്തോ​ടു​കൂ​ടി​യ​താ​ണ്. ഇ​രു​ധ്രു​വ​ങ്ങ​ളി​ലേ​ക്കും ആ​ടി​ക്കൊ​ണ്ടി​രി​ക്കു​ന്ന ഒ​രു ഊ​ഞ്ഞാ​ലു​പോ​ലെ​യാ​ണ​ത്. ഒ​രി​ക്ക​ലും അ​തി​നൊ​രു നി​ശ്ചി​ത​സ്ഥാ​ന​മി​ല്ല. വി​രു​ദ്ധ​ദി​ശ​ക​ളി​ലേ​ക്കാ​ണു അ​തി​ന്റെ സ​ഞ്ചാ​രം. അ​തു​പോ​ലെ ഇ​ന്ന​ലെ​ക​ളി​ലേ​ക്കും നാ​ളെ​ക​ളി​ലേ​ക്കും മാ​റി​മാ​റി​യാ​ടു​ന്ന മ​ന​സി​ന്റെ ഭ്ര​മ​ണം അ​വ​സാ​നി​പ്പി​ച്ചെ​ങ്കി​ല​ല്ലാ​തെ ഇ​ന്നി​ന്റെ പ്ര​ഭാ​മ​ണ്ഡ​ല​ത്തി​ലേ​ക്ക് ന​മ്മു​ടെ ബോ​ധം ഉ​റ​യ്ക്കു​ന്ന​ത​ല്ല. ഇ​തി​നാ​ണു ബോ​ധ​മ​റ എ​ന്നു വി​ദ്വാ​ന്മാർ പ​റ​യു​ന്ന​ത്.
ഈ ബോ​ധ​മ​റ​യെ ദാർ​ശ​നി​ക​മാ​യി തു​റ​ന്നു കാ​ട്ടു​ന്ന​താ​ണു ഗു​രു​ദേ​വ​തൃ​പ്പാ​ദ​ങ്ങ​ളു​ടെ ആ​ത്മോ​പ​ദേ​ശ​ശ​ത​ക​ത്തി​ലെ 58-ാം പ​ദ്യം.

ന​വ​ന​വ​മി​ന്ന​ലെ​യി​ന്നു നാ​ളെ മ​റ്റേ​-
ദ്ദി​വ​സ​മി​തി​ങ്ങ​നെ ചി​ന്ത ചെ​യ്തി​ടാ​തെ
അ​വി​ര​ത​മെ​ണ്ണി​യ​ള​ന്നി​ടു​ന്ന​തെ​ല്ലാം
ഭ്ര​മ​മൊ​രു ഭേ​ദ​വു​മി​ല്ല​റി​ഞ്ഞി​ടേ​ണം.

പു​തി​യ​തെ​ന്ന ക​ണ​ക്കെ മാ​റി​മാ​റി​വ​ന്നു​ചേ​രു​ന്ന​വ​യാ​ണ് ഇ​ന്ന​ലെ, ഇ​ന്ന്, നാ​ളെ, മ​റ്റെ​ന്നാൾ തു​ട​ങ്ങി​യ കാ​ല​ക്ര​മ​ങ്ങൾ. ഈ ദി​ന​സ​രി ഉ​ള്ള​താ​ണെ​ന്നു ധ​രി​ച്ച് തു​ടർ​ച്ചാ​യി വേ​റെ​വേ​റെ​യെ​ന്ന കാ​ല​ഗ​ണ​ന ന​ട​ത്തി തി​ട്ട​പ്പെ​ടു​ത്തു​ന്ന​തെ​ല്ലാം മ​ന​ി​ന്റെ വെ​റും സ​ങ്ക​ല്പം അ​ഥ​വാ ഭ്ര​മം മാ​ത്ര​മാ​ണ്. ഈ ഭ്ര​മ​പ്ര​ഭാ​ച​ഞ്ച​ലം ന​ല്ല​തു​പോ​ലെ ചി​ന്ത​ചെ​യ്തു നി​ജ​ബോ​ധ​ത്തിൽ മ​ന​സി​നെ ഉ​റ​പ്പി​ക്ക​ണ​മെ​ന്നാ​ണു ഗു​രു​ദേ​​വൻ ഉ​പ​ദേ​ശി​ക്കു​ന്ന​ത്.


ഇ​ങ്ങ​നെ ഒ​രി​ട​ത്തും ഉ​റ​ച്ചി​രി​ക്കാ​ത്ത വ​ണ്ടി​നെ​പ്പോ​ലെ നി​ര​ന്ത​ര​മാ​യി ചു​റ്റി​പ്പ​റ​ക്കു​ന്ന മ​ന​ി​നെ ദൃ​ഢ​വി​ചാ​രം കൊ​ണ്ടു​റ​പ്പി​ച്ചു ഇ​ന്നി​നു അ​ഭി​മു​ഖ​മാ​ക്കി നി​റു​ത്തു​ന്ന​വ​നാ​ണു ജീ​വി​ത​ത്തി​ന്റെ ഉ​ള്ള് തു​റ​ന്ന് കാ​ണാ​നാ​വു​ന്ന​ത്. അ​വ​നാ​ണു നി​ജ​ബോ​ധൻ. അ​വ​നു ഇ​ന്ന​ലെ​ക​ളോ നാ​ളെ​ക​ളോ ഇ​ല്ല. ഇ​ന്നു മാ​ത്ര​മേ​യു​ള്ളൂ. അ​താ​ക​ട്ടെ നി​ര​തി​ശ​യ​മാ​യ ആ​ന​ന്ദ​ത്തി​ന്റെ​യും സ്വ​ച്ഛ​ത​യു​ടെ​യും പ്ര​ശാ​ന്ത​ത​യു​ടെ​യും കെ​ട്ടു​റ​പ്പു കൊ​ണ്ട് ഭ​ദ്ര​മാ​യി​രി​ക്കു​ക​യും ചെ​യ്യും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: GURUPRAKASHAM, GURUPRAKASHAM
KERALA KAUMUDI EPAPER
TRENDING IN SPIRITUAL
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.