SignIn
Kerala Kaumudi Online
Thursday, 02 April 2020 3.45 AM IST

ശ്രീരാമ ജന്മഭൂമി തീർത്ഥ ക്ഷേത്ര ട്രസ്റ്റ് അംഗങ്ങൾക്ക് ശമ്പളമില്ല, യാത്രാചെലവ് മാത്രം വഹിക്കും

ന്യൂഡൽഹി :അയോദ്ധ്യയിൽ രാമക്ഷേത്രം നിർമ്മിക്കാനായി രൂപീകരിച്ച ശ്രീരാമ ജന്മഭൂമി തീർത്ഥ ക്ഷേത്ര ട്രസ്റ്റിന്റെ പ്രവർത്തനം ഒൻപത് മാനദണ്ഡങ്ങളുടെ അടിസ്ഥാനത്തിലാകുമെന്ന് കേന്ദ്ര സർക്കാർ.

ആ ഒൻപത് മാനദണ്ഡങ്ങൾ

  • ട്രസ്റ്റിന്റെ സ്ഥിരം ഓഫീസ് എവിടെയാകണമെന്ന് ആദ്യ മീറ്റിംഗിൽ തീരുമാനിക്കും. അതിനായി ഡൽഹിയിലെ ഗ്രേറ്റർ കൈലാഷിലെ പാർട്ട് വൺ വസതിയിൽ (കെ. പരാശരന്റെ വീട്) ആദ്യ യോഗം ചേരും.
  • ക്ഷേത്രം, അടുക്കള, ഗോശാല, മ്യൂസിയം അടക്കം 64 ഏക്കറിൽ രാമക്ഷേത്രം നിർമ്മിക്കാനുള്ള തീരുമാനങ്ങൾ എടുക്കാനുള്ള പൂർണ സ്വാതന്ത്രം ട്രസ്റ്റിന്.
  • ട്രസ്റ്റ് അംഗങ്ങൾക്ക് ശമ്പളം ഇല്ല, യാത്രച്ചെലവ് മാത്രം
  • നിയമപ്രകാരം ക്ഷേത്ര നിർമ്മാണത്തിനായി വസ്തുവും പണവും അടക്കം സംഭാവനകൾ കൈപ്പറ്റാം, ഒപ്പം ലോണും എടുക്കാം
  • സംഭവനകൾ ക്ഷേത്ര നിർമ്മാണത്തിനായി മാത്രം ചെലവഴിക്കണം
  • നിലവിലുള്ള ഫണ്ടുകളും ട്രസ്റ്റിലേക്ക് മാറ്റണം.
  • തുക സംബന്ധിച്ച് വ്യക്തമായ രേഖകകൾ സൂക്ഷിക്കണം
  • നിർമ്മാണം ഏകോപിപ്പിക്കുന്നതിനായി പ്രത്യേക ബോ‌ർഡ് രൂപീകരിക്കാം, സെക്രട്ടറിയെയും ട്രഷററെയും നിയമിക്കാം
  • തർക്കഭൂമിയിലെ ഒരു സാധനങ്ങളും വിൽക്കാൻ ട്രസ്റ്റിന് അനുമതിയില്ല.

 ട്രസ്റ്റ് അംഗങ്ങൾ

സുപ്രീംകോടതിയിലെ മുതിർന്ന അഭിഭാഷകൻ കെ. പരാശരനടക്കം അയോദ്ധ്യയിൽ രാമക്ഷേത്രം നിർമ്മിക്കാൻ കേന്ദ്രസർക്കാർ രൂപീകരിച്ച ശ്രീരാമ ജന്മഭൂമി തീർത്ഥ ക്ഷേത്ര ട്രസ്റ്റിൽ 9 സ്ഥിരാംഗങ്ങളും ആറ് നോമിനേറ്റഡ് അംഗങ്ങളുമാണുണ്ടാവുക. ട്രസ്റ്റിൽ ഇന്ത്യയ്‌ക്കുള്ളിൽ നിന്നുള്ള വിവിധ ഹിന്ദു മഠാധിപതികൾ, നിർമോഖി അഘാര, അയോദ്ധ്യയിലെ സർക്കാർ - കേന്ദ്ര സർക്കാർ പ്രതിനിധികൾ (ദളിതർ ഉൾപ്പെടെ) എന്നിവരെയാണ് ഉൾപ്പെടുത്തിയിരിക്കുന്നത്.

ട്രസ്റ്റിന്റെ ഓഫീസ്

തൊന്നൂറ്റിരണ്ടുകാരനായ കേശവ ഐയ്യങ്കാർ പരാശരൻ എന്ന കെ. പരാശരന്റെ ‍ഡൽഹിയിലെ ഗ്രേറ്റർ കൈലാഷിലുള്ള വീടാണ് ട്രസ്റ്റിന്റെ ഓഫീസ്. സുപ്രീംകോടതിയിൽ മുതിർന്ന അഭിഭാഷകനായ ഇദ്ദേഹം അയോദ്ധ്യക്കേസിൽ ഹിന്ദുകക്ഷികൾക്കുവേണ്ടി ഹാജരായിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: SREERAMA JANMA BHOOMI
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.