SignIn
Kerala Kaumudi Online
Thursday, 04 June 2020 2.03 AM IST

ഇവാനിയോസിനെ അട്ടിമറിക്കാൻ യൂണിവേഴ്സിറ്രി കോളേജ്

7

തിരുവനന്തപുരം: കേരള യൂണിവേഴ്സിറ്റിയുടെ കലാകിരീടം തുടർച്ചയായി സ്വന്തമാക്കുന്ന മാർ ഇവാനിയോസ് കോളേജിനെ ഇത്തവണ യൂണിവേഴ്സിറ്റി കോളേജ് അട്ടിമറിക്കുമോ? അവസാന മത്സരങ്ങൾ രാത്രി വൈകിയും തുടരുമ്പോൾ ജേതാക്കളുടെ സസ്പെൻസ് തുടരുകയാണ്.

ആകെയുള്ള 102 മത്സരയിനങ്ങളിൽ 100 എണ്ണത്തിന്റെ ഫലം പ്രഖ്യാപിച്ചപ്പോൾ 206 പോയിന്റുമായി മാർ ഇവാനിയോസാണ് മുന്നിൽ. 196 പോയിന്റുമായി യൂണിവേഴ്‌സിറ്റി കോളേജ് രണ്ടാം സ്ഥാനത്ത്. ശേഷിക്കുന്ന രണ്ട് മത്സരങ്ങളുടെ ഫലം നിർണായകമാകും.

ചേർത്തല സെന്റ് മൈക്കിൾസ് കോളേജിലെ വി.എസ്. നീരജ് കലാപ്രതിഭയാകുമെന്നുറപ്പായി. കഴിഞ്ഞ തവണത്തെ കലാപ്രതിഭയായ വിഷ്ണുറാമിനെ അവസാന നിമിഷം മറികടന്നാണ് നീരജ് സ്വപ്ന നേട്ടത്തിലെത്തിയത്.

നീറമൺകര എൻ.എസ്.എസ് കോളജിലെ മാളവിക എസ്. ഗോപൻ കലാതിലകമാകും. വിവിധ മത്സരങ്ങളിൽ നിന്നായി
25 പോയിന്റുകളാണ് മാളവിക സ്വന്തമാക്കിയത്.

നൃത്തയിനങ്ങളിലെ മിന്നുന്ന പ്രകടനമാണ് മാർ ഇവാനിയോസിനെ മുന്നിലെത്തിച്ചതെങ്കിൽ രചനാവിഭാഗത്തിൽ എഴുതിക്കയറിയായിരുന്നു യൂണിവേഴ്‌സിറ്റി കോളേജിന്റെ പോരാട്ടം.

സംഗീത വിഭാഗത്തിൽ സ്വാതി തിരുനാൾ സംഗീത കോളേജ് 74 പോയിന്റുകളോടെ ഒന്നാം സ്ഥാനത്തെത്തി. 71 പോയിന്റ് നേടിയ വഴുതക്കാട് വിമൻസ് കോളേജാണ് ഈ വിഭാഗത്തിൽ രണ്ടാം സ്ഥാനത്ത്. തിയറ്റർ വിഭാഗം മത്സരങ്ങളിൽ 20 പോയിന്റ് നേടിയ യൂണിവേഴ്‌സിറ്റി കോളേജും എട്ട് പോയിന്റു നേടിയ കാര്യവട്ടം യൂണിവേഴ്‌സിറ്റി ക്യാമ്പസും യഥാക്രമം ഒന്നും രണ്ടും സ്ഥാനങ്ങൾ സ്വന്തമാക്കി. ഫൈൻ ആർട്‌സ് വിഭാഗത്തിൽ തിരുവനന്തപുരം എം.ജി കോളജ് എട്ട് പോയിന്റുമായി ഒന്നാം സ്ഥാനത്തെത്തി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KERALA UNIVERSITY YOUTH FESTIVAL
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.