SignIn
Kerala Kaumudi Online
Thursday, 09 April 2020 12.14 AM IST

എറണാകുളത്ത് 'ജെല്ലിക്കെട്ട് ', വെട്ടാൻ കൊണ്ടുപോകുന്നതിനിടെ വിരണ്ടോടിയെ പോത്തിനെ കീഴ്‌പ്പെടുത്തി

poth

കൊച്ചി: എറണാകുളത്ത് വിരണ്ടോടിയ പോത്തിനെ ഫയർഫോഴ്സ് ഉദ്യോഗസ്ഥരും ഉടമയും ചേർന്ന് സാഹസികമായി കീഴ്പ്പെടുത്തി. ഇന്ന് ഉച്ചയോടെയായിരുന്നു സംഭവം. രാവിലെ പത്തരയോടെ എറണാകുളം പാവക്കുളം ക്ഷേത്രത്തിന് സമീപത്ത് നിന്നാണ് പോത്ത് കയ‌ർ പൊട്ടിച്ച് വിരണ്ട് ഓടിയത്. വെട്ടാൻ കൊണ്ടുപോകുകയായിരുന്നു. തുടർന്ന് ഉടമ മൻസൂർ തന്നെ പാെലീസിനെ വിവരം അറിയിച്ചു. ഉടൻ തന്നെ വിവരം ഗാന്ധിനഗർ ഫയർഫോഴ്സിന് കൈമാറി. ഫയർഫോഴ്സിന്റെ നേത‌ൃത്വത്തിൽ പോത്തിനായി പാവക്കുളത്ത് അന്വേഷണം നടത്തിയെങ്കിലും കണ്ടെത്തായില്ല. തുടർന്ന് പരിസര പ്രദേശങ്ങളിലേക്കും അന്വേഷണം നീട്ടി.

ഇതിനിടെ പോത്തിനെ കലൂരിൽ കണ്ടതായി വിവരം ലഭിച്ചതോടെ ഫയർഫോഴ്സ് സംഘം സ്ഥലത്തേക്ക് പാഞ്ഞെത്തുകയും വല വിരിച്ച് കുടുക്കുകയുമായിരുന്നു. പിടികൂടാനുള്ള ശ്രമത്തിനിടെ പോത്ത് ഫയർഫോഴ്സ് ജീവനക്കാർക്ക് നേരെയും കുതിച്ചെത്തി. മതിലിനോട് ചേർന്ന് നിന്നും ഒഴിഞ്ഞുമാറിയും ഉദ്യോഗസ്ഥർ രക്ഷപ്പെടുകയായിരുന്നു.

ലോക്ക് ഡൗൺ ആയതിനാൽ നിരത്തുകളിൽ ആരും തന്നെ ഉണ്ടായിരുന്നില്ല. ഇതുമൂലം വലിയ അപകടമാണ് ഒഴിവായതെന്ന് ഫയർഫോഴ്സ് ഉദ്യോഗസ്ഥർ പറഞ്ഞു.അസിസ്റ്റന്റ് സ്റ്റേഷൻ ഓഫിസർ സുനിൽ കുമാർ എം.ആർ, സീനിയർ ഫയർ ഓഫിസർ അരുൺ എന്നിവരുടെ നേതൃത്വത്തിൽ റോജോ, ലിപിൻദാസ്, ഷാനവാസ്, രാംരാജ്, ശ്യാംകുമാർ, ഗോകുൽ, സിൻ മോൻ എന്നിവർ ചേർന്നാണ് പോത്തിനെ കീഴ്പ്പെടുത്തിയത്. പോത്തിനെ പിന്നീട് ഉടമയ്ക്ക് കൈമാറി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, ERNAKULAM, KOCHI, JELLIKKETTU, FIRE FORCE
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.