SignIn
Kerala Kaumudi Online
Sunday, 07 June 2020 8.57 AM IST

കൊച്ചിയിൽ നിന്ന് സെർബിയയിലേക്ക് 70 ലക്ഷം സർജിക്കൽ കൈയുറകൾ

cargo

നെടുമ്പാശേരി: കേരളത്തിൽ നിന്ന് സെർബിയയിലേക്ക് 35 ലക്ഷം ജോഡി സർജിക്കൽ കൈയുറകൾ കയറ്റിഅയച്ചു. കൊറോണയുടെ പശ്ചാത്തലത്തിൽ സെർബിയൻ ആരോഗ്യവിഭാഗത്തിന്റെ ഓർഡർ ലഭിച്ച കാഞ്ഞിരപ്പള്ളി സെന്റ് മേരീസ് റബേഴ്‌സ് എന്ന സ്ഥാപനമാണ് കയറ്റുമതി നടത്തിയത്.
സെർബിയൻ തലസ്ഥാനമായ ബെൽഗ്രേഡിലേക്ക് ഡച്ച് വിമാനക്കമ്പനിയായ ട്രാൻസേവിയ എയർലൈൻസിന്റെ ബോയിംഗ് 747 കാർഗോ വിമാനത്തിലായിരുന്നു കയറ്റുമതി. ഏഴായിരത്തിലധികം പെട്ടികളിലായി മൊത്തം 90,385 കിലോഗ്രാം കാർഗോ കഴിഞ്ഞദിവസം ബെൽഗ്രേഡിൽ എത്തി. സിയാൽ കാർഗോ വിഭാഗവും കസ്‌റ്റംസും അതിവേഗം നടത്തിയ ഏകോപനത്തിലൂടെ നിശ്ചിതസമയത്തുതന്നെ കയറ്റുമതി ചെയ്യാനായി.

ഇന്ന് വീണ്ടും ട്രാൻസേവിയ എയർലൈൻസ് വിമാനം കാർഗോ കയറ്റുമതിക്കായി കൊച്ചിയിലെത്തും. ബൊല്ലോർ ലോജിസ്‌റ്റിക്‌സ് ഇന്ത്യയാണ് കാർഗോ ഏജൻസി. അതീവ നിയന്ത്രിതമായ പ്രവർത്തനമാണ് നിലവിൽ കൊച്ചി വിമാനത്താവളത്തിലുള്ളത്. ഡയറക്‌ടർ ജനറൽ ഒഫ് സിവിൽ ഏവിയേഷന്റെ അനുമതി ലഭിക്കുന്ന കാർഗോ സർവീസുകൾക്ക് സിയാൽ സൗകര്യമൊരുക്കുന്നുണ്ട്. നേരത്തെ, ലുലു ഗ്രൂപ്പിനായി സ്‌പൈസ് ജെറ്റിന്റെ രണ്ട് കാർഗോ സർവീസുകൾ അബുദാബിയിലേക്ക് 34 ടൺ പച്ചക്കറി കയറ്റുമതി നടത്തിയിരുന്നു. സംസ്ഥാനത്തിനാവശ്യമായ മരുന്നുകൾ എത്തിക്കാൻ എയർ ഏഷ്യ സർവീസുകൾക്ക് അനുമതി ലഭിച്ചിട്ടുണ്ട്. ഈയാഴ്ച ആദ്യവിമാനം കൊച്ചിയിൽ എത്തിയേക്കും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, CIAL, BENGALI CARPENTER
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.