SignIn
Kerala Kaumudi Online
Friday, 07 August 2020 8.50 PM IST

പിഞ്ചുവിരലുകളിൽ വിരിയുന്ന കൊവിഡ് വരകൾ അനവദ്യസുന്ദരം

covid-

കൊല്ലം: കൊവിഡ് 19നെതിരെയുള്ള ബോധവത്കരണത്തിന് അനവദ്യ വരയ്‌ക്കുന്ന കാരിക്കേച്ചറുകൾ സോഷ്യൽ മീഡിയയിൽ ശ്രദ്ധേയമാവുന്നു. പത്രങ്ങളിലും ചാനലുകളിലും വരുന്ന പ്രതിരോധ മാർഗങ്ങളും ലോക്ക് ഡൗൺ വാർത്തകളുമാണ് പ്രമേയം. പള്ളിമൺ സിദ്ധാർത്ഥ സെൻട്രൽ സ്കൂളിലെ ഏഴാം ക്ലാസ്‌ വിദ്യാർത്ഥിയാണ്.

കൊവിഡ് 19ന് എതിരെ സന്ദേശം നൽകുന്ന പ്രധാനമന്ത്രിയും സംസ്ഥാന ആരോഗ്യമന്ത്രിയും ലോക്ക് ഡൗൺ നിയന്ത്രിക്കുന്ന പൊലീസുകാരുമൊക്ക കഥാപാത്രങ്ങളാണ്. കൂട്ടുകാർ കൊവിഡ് 19ന്റെ പിടിയിലാകാതിരിക്കാനാണ് അനവദ്യ വരച്ചുതുടങ്ങിയത്. ഓരോ കാരിക്കേച്ചറും കൂട്ടുകാർ കാണാനായി രക്ഷാകർത്താക്കൾ ഉൾപ്പെടുന്ന സ്കൂളിന്റെ വാട്സ് ആപ്പ് ഗ്രൂപ്പിലാണ് ആദ്യം പോസ്റ്റ് ചെയ്യുന്നത്. പിന്നീട് അച്ഛന്റെയും അമ്മയുടെയും ജ്യേഷ്ഠന്റെയും വാട്സ്ആപ്പ് ഗ്രൂപ്പുകളിലും ഷെയർ ചെയ്യും. ഇപ്പോൾ ആർട്ടിസ്റ്റ് അനവദ്യ എന്ന സ്വന്തം ഫേസ് ബുക്ക് പേജിലും പോസ്റ്റ് ചെയ്യുന്നുണ്ട്.

ലോക്ക് ഡൗൺ അവസാനിച്ചശേഷം കോവിഡ് 19 കാരിക്കേച്ചറുകളുടെ പ്രദർശനം നടത്തണമെന്നാണ് അഗ്രഹം.

ജീവകാരുണ്യ സംഘടനയായ പാലിയം ഇന്ത്യയുടെ പ്രവർത്തനങ്ങൾക്ക് പണം സമാഹരിക്കാൻ വർഷങ്ങളായി പെയിന്റിംഗുകൾ വരച്ചു നൽകുന്നുണ്ട്. ഒൻപത് വയസിനുള്ളിൽ 4,500 ചിത്രങ്ങൾ വരച്ച് യൂണിവേഴ്സൽ റെക്കാഡ് ഫോറത്തിന്റെ അംഗീകാരം നേടിയിരുന്നു.

ചിത്രകാരനും ഡിസൈനറുമായ മയ്യനാട് ദീപക്കിന്റെ മകളാണ്. അമ്മ രശ്‌മി നേച്ചർ ഫോട്ടോഗ്രാഫറാണ്. സഹോദരൻ അതിദേവ് കാക്കനാട് ഇന്റർനാഷണൽ സ്കൂൾ ഒഫ് ക്രിയേറ്റീവ് ആർട്സിലെ വിദ്യാർത്ഥിയാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: ART NEWS
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.