SignIn
Kerala Kaumudi Online
Friday, 14 August 2020 8.35 AM IST

പരിധിവിട്ട് ധനക്കമ്മി; ഫെബ്രുവരിയിൽ 5.07%

nirmala-sitharaman

ന്യൂഡൽഹി: കേന്ദ്ര സർക്കാരിന്റെ ധനക്കമ്മി ഫെബ്രുവരിയിൽ മൊത്ത ആഭ്യന്തര ഉത്‌പാദനത്തിന്റെ (ജി.ഡി.പി) 5.08 ശതമാനമായി വർദ്ധിച്ചു. 2019-20 സാമ്പത്തിക വർഷം ജി.ഡി.പിയുടെ 3.8 ശതമാനമായി ധനക്കമ്മി നിയന്ത്രിക്കുകയെന്ന കേന്ദ്ര ലക്ഷ്യത്തെ തട്ടിത്തകർത്താണ് ഈ കുതിപ്പ്. മാർച്ചിലും ധനക്കമ്മി കൂടാനാണ് സാദ്ധ്യതയെന്നതിനാൽ, ലക്ഷ്യം കാണാൻ കേന്ദ്രത്തിന് കഴിഞ്ഞേക്കില്ല.

കൊവിഡ്-19, ലോക്ക് ഡൗൺ എന്നിവമൂലം രാജ്യത്ത് സമ്പദ് ഇടപാടുകൾ നിലച്ച സ്ഥിതിയാണ്. ഈ സാഹചര്യത്തിൽ, നികുതി വരുമാനത്തിൽ വർദ്ധന പ്രതീക്ഷിക്കേണ്ടതില്ല. ഇത്, ധനക്കമ്മി കൂടാനിടവരുത്തും. ഫെബ്രുവരിയിലെ കണക്കുപ്രകാരം 10.36 ലക്ഷം കോടി രൂപയാണ് ധനക്കമ്മി. ഇത് 7.66 ലക്ഷം കോടി രൂപയിലേക്ക് (അതായത്, ജി.ഡി.പിയുടെ 3.8 ശതമാനം) നിയന്ത്രിക്കുമെന്നാണ് കഴിഞ്ഞ ബഡ്‌ജറ്ര് അവതരണ വേളയിൽ ധനമന്ത്രി നിർമ്മല സീതാരാമൻ പറഞ്ഞത്.

ധനക്കമ്മി 3.5 ശതമാനത്തിൽ ഒതുങ്ങില്ലെന്ന് തിരിച്ചറിഞ്ഞാണ്, കഴിഞ്ഞ ബഡ്‌ജറ്റിൽ ലക്ഷ്യം 3.8 ശതമാനത്തിലേക്ക് ഉയർത്തിയത്. നിലവിലെ സ്ഥിതിയനുസരിച്ച്, ഇത് ജി.ഡി.പിയുടെ ആറു ശതമാനം വരെയായി ഉയരാനാണ് സാദ്ധ്യത.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, FISCAL DEFICIT, NIRMALA SITHARAMAN
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.