SignIn
Kerala Kaumudi Online
Friday, 14 August 2020 7.17 AM IST

വാട്സ് ആപ്പിൽ കളരി ചലഞ്ച്ഏറ്റെടുത്ത് താരങ്ങൾ

1

തിരുവനന്തപുരം : ലോക്ക് ഡൗൺ കാലം കടുത്തതോടെ കളരിയിലെ കുട്ടികൾ ഗുരുവിനുമുമ്പിൽ പരാതിയുമായെത്തി ; "വെറുതെ വീട്ടിലിരിക്കാൻ വയ്യ, ഞങ്ങൾക്ക് കളരി പരിശീലിക്കാൻ എന്തെങ്കിലും മാർഗ്ഗം വേണം "

ശിഷ്യഗണം പറയുന്നതിലും കാര്യമുണ്ട്. പക്ഷെ എന്താണ് മാർഗ്ഗം?

ആചാര്യൻ തലപുകഞ്ഞ് ആലോചിച്ചു. മെയ്യ്ത്താരിയും അങ്കത്താരിയും അഭ്യസിക്കാനായി കളരിത്തറയിലേക്ക് പോകാൻ ലോക്ക് ഡൗൺ കാലത്ത് കഴിയില്ല. ഒടുവിൽ ഒരു മാർഗ്ഗം കണ്ടെത്തി,​ ഓൺലൈൻ വഴി കളരി പരിശീലനവും പിന്നെ കളരി ചലഞ്ചും. കുട്ടികൾ ചലഞ്ച് ഏറ്റെടുത്തതോടെ സംഭവം ഹിറ്റായി.

1

നേമം ധന്വന്തരി കളരിയാണ് ഓൺലൈനിലൂടെ കളരി പരിശീലനത്തിന്റെ പുത്തൻ സാദ്ധ്യതകൾ തുറന്നത്. ആചാര്യൻ ഡോ.എസ്. മഹേഷ് പത്തുദിവസം മുമ്പാണ് പദ്ധതിക്ക് രൂപം നൽകിയത്. കുട്ടികൾക്ക് പ്രചോദനമാകും വിധം ഓരോ ദിവസവും വാട്സ് ആപ്പ് വഴി ഓരോ ചലഞ്ച് നൽകും. ഓരോ അടവും പരിശീലിക്കുന്ന വീഡിയോ തയ്യാറാക്കി കുട്ടികൾ തിരികെ അയച്ചുകൊടുക്കും. കളരിഗുരുക്കന്മാർ അത് പരിശോധിച്ച് വിലയിരുത്തും. കുട്ടികൾക്ക് പ്രചോദനമേകാൻ സിനിമ താരങ്ങളായ ഇനിയ, കിഷോർസത്യ എന്നിവരും ചലഞ്ചിൽ പങ്കെടുക്കുന്നുണ്ട്.

1

സൂചിക്കിരിക്കൽ, ചുവടുകൾ, ചക്രാസനം... എന്നിങ്ങനെ ഓരോ ചലഞ്ചുകളാണ് ഓരോ ദിവസവും നൽകുന്നത്. ആരോഗ്യപ്രദമായ ജീവിതത്തിനും രോഗപ്രതിരോധ ശേഷിക്കുമെല്ലാം കുട്ടികൾ കളരി അഭ്യസിക്കുന്നത് നല്ലതാണെന്ന് ഡോ. മഹേഷ് പറയുന്നു. ലോക്ക് ഡൗൺ കാലത്തെ ബോറടിമാറ്റാൻ പുതിയ രീതി സഹായകമാണെന്ന് കുട്ടികളും പറയുന്നു.

1

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KALARIPAYATTU
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.