SignIn
Kerala Kaumudi Online
Monday, 10 August 2020 11.17 AM IST

80% രോഗികളിലും പ്രകടമായ ലക്ഷണങ്ങളില്ലെന്ന് റിപ്പോർട്ട്

covid-19

ന്യൂഡൽഹി: രാജ്യത്ത് കൊവിഡ് സ്ഥിരീകരിച്ച 80 ശതമാനം പേരും പ്രകടമായ രോഗല

ക്ഷണങ്ങളില്ലാത്തവരെന്ന് ഇന്ത്യൻ കൗൺസിൽ ഒഫ് മെഡിക്കൽ റിസർച്ചിലെ (ഐ.സി.എം.ആർ.) മുതിർന്ന ശാസ്ത്രജ്ഞൻ ഡോ.ആർ.ആർ. ഗംഗാകേദ്ഖർ പറഞ്ഞു.ഡൽഹിയിലും മഹാരാഷ്ട്രയിലുമാണ് ഇത്തരം കൂടുതൽ കേസുകൾ. പലർക്കും കൊവിഡ് ബാധിതരുമായി നേരിട്ട് ബന്ധമില്ലെന്നും അദ്ദേഹം എൻ.ടി.വിക്കു നൽകിയ അഭിമുഖത്തിൽ പറഞ്ഞു.

ലോകത്താകമാനമുള്ള കൊവിഡ് രോഗികളുടെ കണക്കെടുത്താലും സമാനമായ പ്രശ്നം കണ്ടെത്തിയിട്ടുണ്ടെന്ന് കേന്ദ്ര ആരോഗ്യ മന്ത്രാലയം ജോയിന്റ് സെക്രട്ടറി ലവ് അഗർവാളും വ്യക്തമാക്കി.എന്നാൽ ലക്ഷണങ്ങൾ പ്രകടിപ്പിക്കാത്തവരിൽ ഇരുപത് ശതമാനം പേരിൽ മാത്രമാണ് രോഗം മൂർച്ഛിച്ചത്. ഇതിൽ 15 ശതമാനം പേർക്കു മാത്രമാണ് കൃത്രിമശ്വാസം അടക്കം നൽകേണ്ടി വന്നതെന്നും അതിനാൽ നിലവിലെ പരിശോധനാ രീതിയുമായി മുന്നോട്ടു പോകാനാണ് തീരുമാനമെന്നും ലവ് അഗർവാൾ പറഞ്ഞു.

പൂൾ ടെസ്റ്റ് ആരംഭിച്ചു

രോഗലക്ഷണങ്ങൾ പ്രകടമല്ലാത്തിടത്തും കുറ്റമറ്റ രീതിയിൽ കൊവിഡ് പരിശോധന നടത്തുന്നതിന്റെ ഭാഗമായി രാജ്യത്ത് പൂൾ ടെസ്റ്റ് ആംരഭിച്ചു. ഒരേ സമയം ഒന്നിലധികം പേരുടെ സാമ്പിളുകൾ ഒരുമിച്ചു പരിശോധിക്കാൻ കഴിയുന്നതാണ് പൂൾ ടെസ്റ്റ്. രണ്ടു മുതൽ അഞ്ചു വരെ അംഗങ്ങളുടെ സ്രവങ്ങൾ ഒരുമിച്ചു ചേർത്ത് ഒറ്റ സാമ്പിളായി പരിശോധനാ വിധേയാമാക്കും. ഫലത്തിൽ സാമ്പിൾ നെഗറ്റീവ് ആയാൽ അഞ്ചു പേർക്കും രോഗമില്ലെന്ന് കണ്ടെത്താം. സാമ്പിൾ പോസിറ്റീവ് ആയാൽ അഞ്ചു പേരേയും

പ്രത്യേകം പരിശോധന നടത്തും.അതേസമയം ആരോഗ്യ പ്രവ‌ർത്തകർ, വിദേശയാത്ര നടത്തിയവർ തുടങ്ങി ഹൈ റിസ്ക് കൊവിഡ് വിഭാഗത്തിൽപ്പെടുന്നവരെ പൂൾ ടെസ്റ്രിന് വിധേയരാക്കരുതെന്ന് ഐ.സി.എം.ആർ നിർദേശിച്ചിട്ടുണ്ട്.ഉത്തർപ്രദേശാണ് പൂൾ ടെസ്റ്റിംഗ് നടപ്പിലാക്കിയ ആദ്യ സംസ്ഥാനം. പശ്ചിമ ബംഗാൾ, മഹാരാഷ്ട്ര എന്നീ സംസ്ഥാനങ്ങൾ പൂൾ ടെസ്റ്റിംഗ് ഉടൻ നടപ്പിലാക്കുമെന്നാണ് വിവരം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, COVID
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.