SignIn
Kerala Kaumudi Online
Sunday, 09 August 2020 6.04 AM IST

കൊവിഡ് ബാധിതരായ മലയാളി നഴ്സുമാരെ നാട്ടിലെത്തിക്കണമെന്ന് ഹർജി

nurse

കൊച്ചി : അന്യ സംസ്ഥാനങ്ങളിൽ ജോലി ചെയ്യുന്ന നഴ്സുമാരിൽ കൊവിഡ് 19 രോഗ ബാധിതരായവരെ നാട്ടിലെത്തിച്ചു വിദഗ്ദ്ധ ചികിത്സ നൽകാൻ സർക്കാരിനോടു നിർദ്ദേശിക്കണമെന്നാവശ്യപ്പെട്ട് യു.എൻ.എ (യുണൈറ്റഡ് നഴ്സസ് അസോസിയേഷൻ) ഹൈക്കോടതിയിൽ ഹർജി നൽകി. അന്യസംസ്ഥാനങ്ങളിൽ കൊവിഡ് രോഗം പകരാൻ സാദ്ധ്യതയുള്ള അപകടകരമായ സാഹചര്യങ്ങളിലാണ് നഴ്സുമാർ ജോലിചെയ്യുന്നത്. ന്യൂഡൽഹി, മഹാരാഷ്ട്ര, പശ്ചിമബംഗാൾ തുടങ്ങിയ സംസ്ഥാനങ്ങളിൽ ജോലിനോക്കുന്ന നഴ്സുമാരിൽ കൊവിഡ് രോഗ ബാധിതരുമായി സംസാരിച്ചിരുന്നു. നഴ്സുമാർക്ക് രോഗലക്ഷണങ്ങൾ ഉണ്ടായാൽപ്പോലും പരിശോധന നടത്തുന്നില്ലെന്നും നിർബന്ധിച്ചു ജോലിചെയ്യിക്കുകയാണെന്നും ഇവർ പറയുന്നു. നഴ്സുമാർക്ക് പരിശോധന നടത്താൻ ഡോക്ടർമാർ നിർദ്ദേശിച്ചാൽത്തന്നെ ദിവസങ്ങളോ ആഴ്ചകളോ കഴിഞ്ഞാണ് നടത്തുന്നത്. രോഗം സ്ഥിരീകരിച്ച നഴ്സുമാർക്ക് ഭക്ഷണവും മരുന്നും ക്വാറന്റൈൻ സൗകര്യവും നിഷേധിക്കുകയാണെന്നും ഹർജിയിൽ ആരോപിക്കുന്നു.

രോഗബാധിതരായ നഴ്സുമാരെ നാട്ടിലേക്ക് കൊണ്ടുവന്ന് ചികിത്സ നടത്തണമെന്നാവശ്യപ്പെട്ട് മുഖ്യമന്ത്രിക്ക് ഒാൺലൈനായി നിവേദനം നൽകിയെങ്കിലും ഇതുവരെ നടപടിയുണ്ടായില്ല.നടപടിയെടുക്കാൻ വൈകുന്ന ഒാരോ നിമിഷവും രോഗബാധിതരായ നഴ്സുമാരുടെ ജീവൻ തന്നെ അപകടത്തിലാകുമെന്ന ആശങ്കയുണ്ടെന്നും ഹർജിയിൽ പറയുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NURSE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.