SignIn
Kerala Kaumudi Online
Friday, 07 August 2020 9.48 PM IST

പുതിയ പേമെന്റ് സംവിധാനം: ലൈസൻസ് സ്വന്തമാക്കാൻ പ്രമുഖരുടെ തിരക്ക്

payment

മുംബയ്: നാഷണൽ പേമെന്റ്‌സ് കോർപ്പറേഷനോട് (എൻ.പി.സി.ഐ) മത്സരിക്കാൻ റിസർവ് ബാങ്ക് പ്രഖ്യാപിച്ച പുതിയ പേമെന്റ്‌സ് സംവിധാനത്തിനുള്ള ലൈസൻസ് നേടാൻ പ്രമുഖ കമ്പനികളുടെ തിരക്ക്. റിലയൻസ് ഇൻഡസ്‌ട്രീസ്, പേടിഎം, ഓഹരി വിപണികളായ ബി.എസ്.ഇ., എൻ.എസ്.ഇ എന്നിവ ഇതിനകം താത്പര്യമറിയിച്ചിട്ടുണ്ട്.

നിലവിൽ എൻ.പി.സി.ഐയ്ക്കാണ് രാജ്യത്തെ റീട്ടെയിൽ പേമെന്റുകളുടെ നിയന്ത്രണം. റീട്ടെയിൽ പേമെന്റ് മൂല്യത്തിന്റെ 60 ശതമാനം കൈയാളുന്നുണ്ടെങ്കിലും, ലാഭേച്ഛയില്ലാതെയാണ് പ്രവർത്തനം. പേമെന്റ് രംഗത്ത് പുതിയ കണ്ടെത്തലുകൾക്ക് വഴിയൊരുക്കുക, ലാഭേച്ഛയോടെയുള്ള മത്സരം പ്രോത്സാഹിപ്പിക്കുക, പഴുതുകൾ കുറയ്ക്കുക തുടങ്ങിയ ലക്ഷ്യങ്ങളാണ് പുതിയ സംരംഭം വഴി റിസർവ് ബാങ്കിന്റെ ലക്ഷ്യം.

500 കോടി രൂപയായിരിക്കും പുതിയ സംരംഭത്തിലെ കുറഞ്ഞ മൂലധന നിക്ഷേപം. എന്നാൽ, പ്രമോട്ടർക്കോ പ്രമോട്ടർ ഗ്രൂപ്പിനോ പരമാവധി 40 ശതമാനം ഓഹരികളേ കൈവശം വയ്‌ക്കാനാകൂ. ലൈസൻസ് നേടാൻ പേമെന്റ് രംഗത്ത് സേവനദാതാവായോ ടെക്‌നോളജി പാർട്‌ണർ ആയോ മൂന്നുവർഷത്തെ പരിചയവും നിർബന്ധമാണ്. നിയമാനുസൃതമായ വിദേശ നിക്ഷേപവും അനുവദിക്കും.

നിലവിൽ എ.ടി.എം., റൂപേ കാർഡ്, ചെക്കുകൾ യു.പി.ഐ., ഐ.എം.പി.എസ് തുടങ്ങിയവയുടെ നിയന്ത്രണം എൻ.പി.സി.ഐയ്ക്കാണ്. ഇവയ്‌ക്കെല്ലാം ബദലായി കൂടുതൽ സുരക്ഷിതമായ പേമെന്റ് സംവിധാനം ഒരുക്കുകയാണ് പുതിയ പേമെന്റ് സംരംഭത്തിന്റെ ദൗത്യം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, RETAIL PAYMENT, RBI, NPCI, RELIANCE INDUSTRIES
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.