SignIn
Kerala Kaumudi Online
Tuesday, 14 July 2020 10.39 PM IST

ലോക്ക്ഡൗൺ ലംഘിച്ച് ക്ഷേത്രത്തിൽ ഭാഗവത പാരായണം: മാദ്ധ്യമപ്രവർത്തയെ ഭീഷണിപ്പെടുത്തിയ ആർ.എസ്.എസുകാരൻ അറസ്റ്റിൽ

rss

തൃശൂർ: പ്രമുഖ മലയാളം വാർത്താ ചാനലിലെ മാദ്ധ്യമപ്രവർത്തകയെ ഭീഷണിപ്പെടുത്തുകയും അധിക്ഷേപിക്കുകയും ചെയ്ത ആർ.എസ്.എസ് പ്രവർത്തകൻ അറസ്റ്റിൽ. ലോക്ക്ഡൗൺ ലംഘിച്ച് ക്ഷേത്രത്തിൽ ഭാഗവത പാരായണം നടത്തിയത് റിപ്പോർട്ട് ചെയ്ത മാദ്ധ്യമപ്രവർത്തകയെ തൃശൂർ കുട്ടഞ്ചേരി സ്വദേശി അജിത് ശിവരാമനാണ് പൊലീസ് പിടിയിലായത്. യുവതിയെ ഫോണിൽ വിളിച്ച് ഭീഷണിപ്പെടുത്തിയെന്നും സോഷ്യൽ മീഡിയയിലൂടെ അധിക്ഷേപിച്ചുവെന്നുമാണ് ഇയാൾക്കെതിരെയുള്ള കേസ്.

തന്റെയും തന്റെ ഭർത്താവിന്റെയും ഫോട്ടോകൾ വച്ച് ബി.ജെ.പി, ആർ,എസ്.എസ് പ്രവർത്തകർ വർഗീയ പ്രചാരണം നടത്തുകയും വ്യക്തിപരമായി അധിക്ഷേപിക്കുകയും ചെയ്തുവെന്ന് കാട്ടി വെള്ളിയാഴ്ചയാണ് യുവതി എരുമപ്പെട്ടി പൊലീസ് സ്റ്റേഷനിൽ പരാതി നൽകിയത്.

തന്റെ ഭർത്താവ് മുസ്ലിം സമുദായത്തിൽപ്പെട്ടയാൾ ആയതിനാൽ ക്ഷേത്രം തകർക്കാൻ ശ്രമിക്കുന്നു എന്ന രീതിയിലുള്ള പ്രചാരണമാണ് ഇവർ നടത്തിയതെന്നും സ്ത്രീത്വത്തെ അപമാനിക്കുന്ന രീതിയിൽ ആർ.എസ്.എസ്, ബി.ജെ.പിക്കാർ സോഷ്യൽ മീഡിയയിൽ പോസ്റ്റുകളിട്ടുവെന്നും മാദ്ധ്യമപ്രവർത്തക താൻ നൽകിയ പരാതിയിൽ പറയുന്നു.

കഴിഞ്ഞ മാസം എട്ടാം തീയതിയാണ് തൃശൂരിൽ എരുമപ്പെട്ടിക്ക് സമീപം പാഴിയോട്ടുമുറി നരസിംഹമൂർത്തി ക്ഷേത്രത്തില്‍ ലോക്ഡൗണ്‍ ലംഘിച്ച് ഭാഗവത പാരായണം നടന്നത്. രാവിലെ 7.30 ന് നടന്ന ഭാഗവത പാരായണത്തില്‍ അമ്പതിനടുത്ത് ആളുകള്‍ പങ്കെടുത്തതായാണ് വിവരം. സംഭവത്തെ തുടർന്ന് അഞ്ച് പേരെ പൊലീസ് അറസ്റ്റ് ചെയ്തിരുന്നു. ബി.ജെ.പി സംസ്ഥാന സമിതി അംഗം ഇ. ചന്ദ്രന്‍ ഉള്‍പ്പെടെയുള്ളവരാണ് പൊലീസിന്റെ പിടിയിലായത്. പൊലീസിന്റെ കണ്ട ഇവർ ആദ്യം ഓടി രക്ഷപ്പെടാൻ ശ്രമിച്ചിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: RSS, SOCIAL MEDIA, SOCIAL MEDIA ABUSE, CYBER CRIME POLICE STATION, THRISSUR, INDIA, KERALA, JOURNALIST
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.