SignIn
Kerala Kaumudi Online
Sunday, 09 August 2020 11.09 AM IST

യൂറോപ്പിൽ കൂടുതൽ ഇളവുകൾ ♦ സ്കൂളുകൾ തുറക്കും

lockdown-easing
LOCKDOWN EASING

ലണ്ടൻ: കൊവിഡ് പശ്ചാത്തലത്തിൽ ഏർപ്പെടുത്തിയ ലോക്ക് ​ഡൗണിൽ കൂടുതൽ ഇളവുകൾ വരുത്താനൊരുങ്ങി യൂറോപ്യൻ,​ ഏഷ്യൻ രാജ്യങ്ങൾ. തൊ​ഴി​ൽ ന​ഷ്​​ട​മാ​കു​ന്ന​വ​രു​ടെ എ​ണ്ണം വ​ൻ​തോ​തി​ൽ ഉ​യ​രു​ക​യും തൊ​ഴി​ലി​ല്ലാ​യ്​​മ ​ആ​നു​കൂ​ല്യ​ങ്ങ​ൾ​ക്കാ​യി ര​ജി​സ്​​റ്റ​ർ ചെ​യ്യു​ന്ന​വ​രു​ടെ എ​ണ്ണം കൂ​ടു​ക​യും സാ​മ്പ​ത്തി​ക മാ​ന്ദ്യം അ​തി​രൂ​ക്ഷ​മാ​കു​ക​യും ചെ​യ്യു​മെ​ന്ന ക​ണ​ക്കു​കൂ​ട്ട​ലിലാണ് ഇളവുകൾ പ്രഖ്യാപിക്കുന്നത്. യൂ​റോ​പ്പി​ൽ ഇറ്റലി,​ ഫ്രാ​ൻ​സ്, സ്​​പെ​യി​ൻ, ബെ​ൽ​ജി​യം തു​ട​ങ്ങി​യ രാ​ജ്യ​ങ്ങ​ൾ ഈ ​ആ​ഴ്ചയിൽ നി​യ​ന്ത്ര​ണ​ങ്ങ​ളി​ൽ ഇ​ള​വു​ വ​രു​ത്തും. മരണസംഖ്യയും പുതിയ രോഗികളുടെ എണ്ണവും ഈ രാജ്യങ്ങളിൽ ഗണ്യമായി കുറഞ്ഞു. പ്രതിദിനം നൂറിലേറെ മരണം മാത്രമാണ് ഇപ്പോൾ ഇറ്റലിയിലും സ്‍പെയിനിലും റിപ്പോർട്ട് ചെയ്യുന്നത്.

അതേസമയം, ജർമനിയിൽ പുതിയ കേസുകൾ കൂടുന്നത് ആശങ്കയാകുന്നുണ്ട്.ഏ​ഷ്യ​യി​ൽ ഇ​റാ​നും പാ​കി​സ്​​ഥാ​നും ​​ലോ​ക്​​ഡൗ​ൺ നീ​ക്കി. ഫ്രാ​ൻ​സി​ലടക്കം സ്​​കൂ​ളു​ക​ൾ വീ​ണ്ടും തു​റ​ക്കാ​നൊ​രു​ങ്ങു​ക​യാ​ണ്. ഓ​രോ വി​ഭാ​ഗ​ത്തി​ലെ​യും സ്​​കൂ​ളു​ക​ൾ ഈ​യാ​​ഴ്​​ച മു​ത​ൽ ഘ​ട്ടം ഘ​ട്ട​മാ​യി തു​റ​ക്കാ​നാ​ണ്​ തീ​രു​മാ​നം. അ​തേ​സ​മ​യം, മൊ​ത്തം 1.76 ല​ക്ഷത്തിലേറെ പേ​ർ​ക്ക്​ ബാ​ധി​ക്കു​ക​യും 26,380 പേ​ർ മ​രി​ക്കു​ക​യും ചെ​യ്​​ത ഫ്രാ​ൻ​സി​ൽ കു​ട്ടി​ക​ളെ സ്​​കൂ​ളി​ലേ​ക്ക്​ അ​യ​ക്കു​ന്ന​ത്​ സം​ബ​ന്ധി​ച്ച്​ ര​ക്ഷ​ക​ർ​ത്താ​ക്ക​ൾ ആ​ശ​ങ്ക​യി​ലാ​ണ്. ബ്രിട്ടനിൽ ഇളവ് രാജ്യത്തെ ലോക്ക് ഡൗണിൽ ഇളവുകൾ പ്രഖ്യാപിച്ച്​ പ്രധാനമന്ത്രി ബോറിസ്​ ജോൺസൺ. ഉപാധികളോടെ സമ്പദ്​വ്യവസ്ഥ തുറന്നുകൊടുക്കുന്ന പദ്ധതിയാണ്​ ജോൺസൺ പ്രഖ്യാപിച്ചത്​. ഇതോടെ ഇന്ന് മുതൽ ബ്രിട്ടനിലെ ജനങ്ങൾക്ക്​ കൂടുതൽ ഇളവുകൾ ലഭിക്കും. വീട്ടിലിരുന്ന്​ ജോലി ചെയ്യുന്നവർക്ക്​ ഓഫീസുകളിലേക്ക്​ മടങ്ങാമെന്ന്​ ജോൺസൺ അറിയിച്ചു. എന്നാൽ, പൊതുഗതാഗതം ഒഴിവാക്കണം. അഞ്ച്​ ഘട്ടമായി ലോക്ക്​ ഡൗൺ പൂർണമായി പിൻവലിക്കും. ഇതി​ന്റെ അടുത്ത ഘട്ടം ജൂൺ ഒന്നിന്​ മുമ്പായി ഉണ്ടാകും. ഈ ഘട്ടത്തിൽ വിദ്യാലയങ്ങൾ ഭാഗികമായി തുറക്കും. ജൂലായ് ഒന്നിന്​ ശേഷം ചില പൊതു ഇടങ്ങൾ തുറന്നു കൊടുക്കു​മെന്നും ഹോട്ടലുകൾക്ക്​ അനുമതി നൽകുമെന്നും പ്രധാനമന്ത്രി പറഞ്ഞു. എന്നാൽ നിയമങ്ങൾ ലംഘിക്കുന്നവർക്ക്​ കൂടുതൽ പിഴ ചുമത്തുമെന്ന്​ അദ്ദേഹം വ്യക്​തമാക്കി. ബ്രിട്ടനിൽ കൊവിഡ്​ രോഗികളുടെ എണ്ണം രണ്ട്​ ലക്ഷം കടന്നിരുന്നു. 31,855 പേരാണ്​​ രോഗം ബാധിച്ച്​ മരിച്ചത്​.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, LOCKDOWN EASING
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.