SignIn
Kerala Kaumudi Online
Thursday, 01 October 2020 11.01 AM IST

റോഡരികിൽ സംസാരിച്ചു നിന്ന അദ്ധ്യാപകൻ കാറിടിച്ച് മരിച്ചു

shyam

വർക്കല : കാറിൽ ചാരിനിന്ന് ഫോണിൽ സംസാരിക്കുകയായിരുന്ന അദ്ധ്യാപകൻ വാഹനമിടിച്ച് മരിച്ചു. മേൽവെട്ടൂർ അമൃത കൃപയിൽ ശ്യാംകുമാർ (49) ആണ് മരിച്ചത്. ശനിയാഴ്ച ഉച്ചകഴിഞ്ഞ് രണ്ടുമണിയോടെ പാലച്ചിറ ജംഗ്ഷനു സമീപമായിരുന്നു അപകടം.

പാലച്ചിറയിലെ വർക്ക് ഷോപ്പിനുമുമ്പിൽ കാർ പാർക്കുചെയ്തശേഷം പുറത്തിറങ്ങി മൊബൈൽ ഫോണിൽ സംസാരിക്കുന്നതിനിടെ പാഞ്ഞെത്തിയ മറ്റൊരു കാർ ഇടിച്ചു തെറിപ്പിക്കുകയായിരുന്നു. ഗുരുതരമായി പരിക്കേറ്റ ശ്യാം കുമാറിനെ തിരുവനന്തപുരം മെഡിക്കൽ കോളേജ് ആശുപത്രിയിലെ ത്തിച്ചെങ്കിലും രാത്രി 10.30 തോടെ മരിച്ചു.

സംഭവത്തിന് ശേഷം നിറുത്താതെ പോയ കാർ ബൈക്ക് യാത്രികരായ ദമ്പതികളെയും ഇടിച്ചിട്ടു. തുടർന്ന് നടത്തിയ അന്വേഷണത്തിൽ വർക്കല പൊലീസ് കാർ കസ്റ്റഡിയിലെടുത്തു. ദമ്പതികൾ ആശുപത്രിയിൽ ചികിത്സയിലാണ്.

ഞെക്കാട് ഗവ. വൊക്കേഷണൽ ഹയർ സെക്കൻഡറി സ്കൂളിലെ ഹിന്ദി അദ്ധ്യാപകനും കെ.എസ്.ടി.എ യുടെ സജീവ പ്രവർത്തകനായിരുന്നു ശ്യാംകുമാർ. ഭാര്യ: ജെൽസ (അദ്ധ്യാപിക ). മക്കൾ: അന്വശര, അമൃത്. പിതാവ് : വിഷ്ണുബാലൻ. മാതാവ് : പ്രിയംവദ. സഹോദരി : ശോഭ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: ACCICENT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.