SignIn
Kerala Kaumudi Online
Saturday, 08 August 2020 11.37 PM IST

കണ്ണൂരിൽ ആരോഗ്യപ്രവർത്തകയടക്കം മൂന്നു പേർക്കു കൂടി കൊവിഡ് 19

കണ്ണൂർ: ജില്ലയിൽ മൂന്നു പേർക്കു കൂടി ഇന്നലെ കൊവിഡ് ബാധ സ്ഥിരീകരിച്ചതായി ജില്ലാ കളക്ടർ അറിയിച്ചു. രണ്ടു പേർ മുംബൈയിൽ നിന്നെത്തിയവരും ഒരാൾ സമ്പർക്കത്തിലൂടെ രോഗംബാധിച്ച ആരോഗ്യ പ്രവർത്തകയുമാണ്. മുംബൈയിൽ നിന്ന് മേയ് ഒൻപതിന് ജില്ലയിലെത്തിയ ചൊക്ലി സ്വദേശി 35കാരനും മേയ് 10നെത്തിയ പയ്യാമ്പലം സ്വദേശി 31കാരനുമാണ് പുതുതായി കൊവിഡ് രോഗം ബാധിച്ച രണ്ടു പേർ. സമ്പർക്കത്തിലൂടെ രോഗബാധയുണ്ടായ ആരോഗ്യ പ്രവർത്തക ചിറക്കൽ സ്വദേശിയായ 54കാരിയാണ്. ഇതോടെ ജില്ലയിൽ കൊവിഡ് ബാധിതരുടെ എണ്ണം 126 ആയി. ഇതിൽ 118 പേർ രോഗം ഭേദമായി ആശുപത്രി വിട്ടു.
നിലവിൽ കൊറോണ ബാധ സംശയിച്ച് ജില്ലയിൽ നിരീക്ഷണത്തിലുള്ളത് 5554 പേരാണ്. ഇവരിൽ കണ്ണൂർ ഗവ. മെഡിക്കൽ കോളേജ് ആശുപത്രിയിൽ 27 പേരും കൊവിഡ് ചികിത്സാ കേന്ദ്രത്തിൽ 13 പേരും തലശ്ശേരി ജനറൽ ആശുപത്രിയിൽ അഞ്ചു പേരും കണ്ണൂർ ജില്ലാ ആശുപത്രിയിൽ 11 പേരും വീടുകളിൽ 5498 പേരുമാണ് നിരീക്ഷണത്തിൽ കഴിയുന്നത്. ഇതുവരെയായി ജില്ലയിൽ നിന്നും 4865 സാമ്പിളുകൾ പരിശോധനയ്ക്കയച്ചതിൽ 4707 എണ്ണത്തിന്റെ ഫലം ലഭ്യമായി. 58 എണ്ണത്തിന്റെ ഫലം ലഭിക്കാനുണ്ട്.

നിരീക്ഷണത്തിലുള്ളവർ 5554

വീട്ടിൽ 5498

ആശുപത്രിയിൽ 56

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KANNUR, COVID
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.