SignIn
Kerala Kaumudi Online
Sunday, 09 August 2020 8.48 AM IST

ലോക്ക് ഡൗൺ കാലത്ത് ക്ലാസ് മുറികൾക്ക് വർണ ചിത്രങ്ങൾ നൽകി കലാകാരൻ

chithramshibu

മുടപുരം: ലോക്ക് ഡൗൺ കാലത്ത് സ്കൂൾ ക്ലാസ് മുറികളിൽ വർണ ചിത്രം വരച്ച് മുടപുരം ഗവ. യു.പി സ്കൂളിനെ സ്മാർട്ട് ആക്കുകയാണ് ചിത്രകാരൻ ഷിബു. പഠനത്തോടൊപ്പം പ്രകൃതിയും ജീവിതവും മഹാന്മാരെയും കുട്ടികൾക്ക് അടുത്തറിയുന്നതിന് അവസരം ഒരുക്കുക എന്ന ലക്ഷ്യത്തോടെയാണ് സ്കൂൾ ഹെഡ്മിസ്ട്രസും സ്കൂൾ വികസനസമിതിയും മുൻകൈ എടുത്ത് സ്മാർട്ട് ക്ലാസ് റൂമുകളിൽ ചിത്രങ്ങൾ വരയ്ക്കാൻ തീരുമാനിച്ചത്. ചിറയിൻകീഴ് ബ്ലോക്ക് പഞ്ചായത്ത് ഫണ്ട് വിനിയോഗിച്ചാണ് മൂന്ന് ക്ലാസ് റൂമുകൾ സ്മാർട്ട് ആക്കിയത്. എന്നാൽ ചിത്രം വരയ്ക്കാനും പെയിന്റിംഗിനുമായി ഫണ്ട് ഉൾപ്പെടുത്തിയിരുന്നില്ലെങ്കിലും ഇതിനുള്ള ഫണ്ട് ലഭിക്കുമെന്ന പ്രതീക്ഷയിലാണ് സ്കൂൾ അധികൃതർ.

മൂന്ന് സ്മാർട്ട് ക്ലാസ് റൂമുകളും ഒരു കംപ്യൂട്ടർ റൂമും ഉൾപ്പെടുന്ന കെട്ടിടത്തിലാണ് ഇപ്പോൾ വർണ ചിത്രങ്ങൾ വരച്ച് സ്മാർട്ട് ആക്കിയിരിക്കുന്നത്. ലോക്ക് ഡൗൺ മൂലം മാസങ്ങൾ ആയി തൊഴിലില്ലാതെ ബുദ്ധിമുട്ടി കഴിഞ്ഞിരുന്ന വേളയിലാണ് സ്കൂളിൽ ചിത്രം വരക്കുന്നതിനും പെയിന്റിംഗിനുമായി ഷിബുവിന്‌ അവസരം ലഭിച്ചത്. ഇത് ജീവിത പ്രാരാബ്ദം മറികടക്കാൻ അനുഗ്രഹമായി എന്ന് ഷിബു പറഞ്ഞു.

കഴിഞ്ഞ 25 വർഷമായി സ്കൂളുകൾ, വീടുകൾ തുടങ്ങിയവയുടെ പെയിന്റിംഗും, ചിത്രംവരയുമായി കഴിയുകയാണ് ഷിബു. അഞ്ചാം ക്ലാസ് മുതൽ ചിത്ര രചന ആരംഭിച്ചിരുന്നു. ശാസ്ത്രീയമായി അഭ്യസിച്ചിട്ടില്ലെങ്കിലും പെയിന്റിംഗ് ജോലിക്ക് പ്രവേശിച്ചപ്പോൾ അതിൽ ഗുരുനാഥനായ പ്രദീപിൽ നിന്നാണ് ചിത്രരചന അഭ്യസിച്ചത്. 15 ലേറെ സ്കൂളുകളിൽ ഇതിനകം ഷിബുചിത്രങ്ങൾ വരച്ചിട്ടുണ്ട്. മുടപുരം സ്കൂളിൽ ചിത്രങ്ങൾ വരക്കുന്നതിനും പെയിന്റിംഗിനുമായി ഷിബുവിന്‌ പുറമെ മറ്റ്‌ അഞ്ചു പേർ കൂടിയുണ്ടായിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, THIRUVANANTHAPURAM
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.