SignIn
Kerala Kaumudi Online
Thursday, 06 August 2020 7.39 PM IST

ജില്ലയ്‌ക്കുള്ളിൽ പൊതുഗതാഗതത്തിന് അനുമതി ; ബസ്, ആട്ടോ സർവീസുകൾ നാളെ മുതൽ

bus

തിരുവനന്തപുരം: ജില്ലയ്ക്കകത്ത് ജലഗതാഗതം ഉൾപ്പെടെയുള്ള പൊതുഗതാഗതം അനുവദിച്ച് സംസ്ഥാനത്ത് പുതിയ ലോക്ക് ഡൗൺ ഇളവുകളുടെ ക്രമീകരണം മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പ്രഖ്യാപിച്ചു.

ആട്ടോകളും ടാക്സികളും നിയന്ത്രണങ്ങളോടെ ഒാടാം.

ബസുകളിൽ 50 ശതമാനം യാത്രക്കാർ. നിന്നുള്ള യാത്രയില്ല. കണ്ടെയ്ൻമെന്റ് സോണുകളിലൊഴിച്ച്, വാഹന ഗതാഗതത്തിനും സഞ്ചാരത്തിനും തടസമില്ല. അന്തർജില്ലാ യാത്രകൾക്ക് പൊതുഗതാഗതമില്ല. അല്ലാത്ത യാത്രകൾ രാവിലെ 7 മുതൽ രാത്രി 7 വരെ. പ്രത്യേക പാസ് വേണ്ട. തിരിച്ചറിയൽ കാർഡ് മതി. കൊവിഡ് പ്രതിരോധത്തിലേർപ്പെട്ടിരിക്കുന്നവർക്കും അവശ്യസർവീസിലുള്ളവർക്കും സർക്കാർ ജീവനക്കാർക്കും സമയക്രമം ബാധകമല്ല. ഇലക്ട്രീഷ്യന്മാരും ടെക്നിഷ്യന്മാരും ട്രേഡ് ലൈസൻസ് കോപ്പി കരുതണം.

വിദൂര ജില്ലകളിലേക്കുള്ള യാത്രയ്ക്ക് ബന്ധപ്പെട്ട പൊലീസ് സ്റ്റേഷനിലോ കളക്ടറുടെ ഓഫീസിലോ നിന്ന് അനുമതി വേണം. അവശ്യസർവീസ് ജീവനക്കാർക്ക് ബാധകമല്ല. ജോലിക്കായി ദൂരെയുള്ള ജില്ലകളിലേക്ക് സ്ഥിരമായി യാത്ര ചെയ്യുന്നവർക്ക് പാസ് വേണം. ലോക്ക് ഡൗൺ മൂലം ഒറ്റപ്പെട്ട വിദ്യാർത്ഥികളെയും ബന്ധുക്കളെയും കൂട്ടിക്കൊണ്ടുവരാനും വീടുകളിലേക്ക് പോകാനും തൊഴിലിടങ്ങളിൽ കുടുങ്ങിയവർക്ക് വീടുകളിലേക്ക് പോകാനും അനുവാദം.

ബാർബർ ഷാപ്പും ബ്യൂട്ടി

പാർലറും തുറക്കാം

ബാർബർ ഷാപ്പുകളും ബ്യൂട്ടി പാർലറുകളും എയർകണ്ടിഷനില്ലാതെ ഹെയർ കട്ടിംഗ്, ഡ്രസിംഗ്, ഷേവിംഗ് ജോലികൾക്ക് തുറക്കാം. ഒരു സമയം രണ്ടു പേർ. ടെലിഫോണിൽ അപ്പോയിൻമെന്റെടുക്കാം. ഒരേ ടവൽ ഒന്നിൽ കൂടുതലാളുകൾക്ക് പാടില്ല. കസ്റ്റമർ തന്നെ ടവൽ കരുതുന്നതാവും നല്ലത്.

മറ്റ് ഇളവുകൾ

*സ്വകാര്യ വാഹനങ്ങൾ- ടാക്സി ഉൾപ്പെടെ നാല് ചക്ര വാഹനങ്ങളിൽ ഡ്രൈവർക്ക് പുറമേ രണ്ട് പേർ. കുടുംബമാണെങ്കിൽ 3 പേർ.

* ആട്ടോകളിൽ ഡ്രൈവർക്ക് പുറമേ ഒരാൾ, കുടുംബമെങ്കിൽ 3 പേർ.

* ഇരുചക്രവാഹനത്തിൽ ഒരാൾ, കുടുംബാംഗമായാൽ പിൻസീറ്റ് യാത്ര.

* ആരോഗ്യകാരണങ്ങളുൾപ്പെടെ അത്യാവശ്യകാര്യങ്ങൾക്ക് ഇളവ്.

* കണ്ടെയ്ൻമെന്റ് സോണിൽ അടിയന്തരഘട്ടത്തിൽ പോകുന്നവർക്ക് എത്തിച്ചേരുന്ന സ്ഥലത്ത് 14 ദിവസത്തെ ഹോം ക്വാറന്റൈനോ സ്ഥാപന ക്വാറന്റൈനോ .

* അനുവദനീയ പ്രവൃത്തിയനുസരിച്ചുള്ള യാത്രയ്ക്ക് ബാധകമല്ല.

* 65ന് മുകളിൽ പ്രായമുള്ളവരും മറ്റ് രോഗബാധയുള്ളവരും ഗർഭിണികളും പത്തിൽ താഴെ പ്രായമുള്ളവരും അടിയന്തര ചികിത്സാ ആവശ്യങ്ങൾക്കേ പുറത്തിറങ്ങാവൂ.

* മാളുകളില്ല. ഷോപ്പിംഗ് കോംപ്ലക്സുകളിൽ കടകളുടെ 50ശതമാനം തുറക്കാം. ഏത് ദിവസം ഏത് കട തുറക്കണമെന്ന് കടകളുടെ കൂട്ടായ്മ തദ്ദേശസ്ഥാപനവുമായി ചർച്ച ചെയ്ത് തീരുമാനിക്കണം.

* റസ്റ്റാറന്റുകളിൽ ടേക്ക് എവേ കൗണ്ടറുകളിൽ പാഴ്സൽ രാത്രി 9 വരെ.

ഓൺലൈൻ ഡെലിവറി രാത്രി 10വരെ.

* വിവാഹച്ചടങ്ങിന് 50 പേർ, അനുബന്ധച്ചടങ്ങുകൾക്ക് 10 പേർ,

* മരണാനന്തര ചടങ്ങിന് 20 പേർ.

ബ​സ് ​ടി​ക്ക​റ്റ് ​മി​നി​മം​ 12
#​ ​നി​ര​ക്ക് ​വ​ർ​ദ്ധന50​ %

#​ ​കി​ലോ​മീ​റ്റ​ർ​ ​നി​ര​ക്ക് 70​ ​പൈ​സ​യി​ൽ​ ​നി​ന്ന് 1.10​ ​രൂ​പ​യാ​ക്കി

തി​രു​വ​ന​ന്ത​പു​രം​:​ ​ഓ​‌​ർ​ഡി​ന​റി​ ​ബ​സ് ​ചാ​ർ​ജ് ​മി​നി​മം​ 8​ ​രൂ​പ​യി​ൽ​ ​നി​ന്നു​ 12​ ​രൂ​പ​യാ​യും​ ​കി​ലോ​മീ​റ്റ​ർ​ ​നി​ര​ക്ക് 70​ ​പൈ​സ​യി​ൽ​ ​നി​ന്നും​ 1.10​ ​രൂ​പ​യാ​യും​ ​വ​ർ​ദ്ധി​പ്പി​ച്ചു.​ ​സാ​മൂ​ഹ്യ​ ​അ​ക​ലം​ ​പാ​ലി​ച്ചു​ള്ള​ ​യാ​ത്ര​ ​ക​ണ​ക്കി​ലെ​ടു​ത്താ​ണി​ത്.​ ​യാ​ത്രാ​നി​യ​ന്ത്ര​ണം​ ​തീ​രു​മ്പോ​ൾ​ ​നി​ര​ക്ക് ​വ​ർ​ദ്ധ​ന​ ​ഒ​ഴി​വാ​ക്കും.
നി​ര​ക്ക് ​ഇ​ര​ട്ടി​യാ​ക്ക​ണ​മെ​ന്നാ​യി​രു​ന്നു​ ​ഗ​താ​ഗ​ത​ ​വ​കു​പ്പി​ന്റെ​ ​ശു​പാ​ർ​ശ.​ ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ന്റെ​ ​നേ​തൃ​ത്വ​ത്തി​ൽ​ ​കൂ​ടി​യ​ ​ഉ​ന്ന​താ​ധി​കാ​ര​ ​സ​മി​തി​യാ​ണ് ​നി​ര​ക്ക് ​വ​ർ​ദ്ധ​ന​ ​തീ​രു​മാ​നി​ച്ച​ത്.
സൗ​ജ​ന്യ​ ​യാ​ത്ര​യ്ക്ക് ​അ​ർ​ഹ​ത​യു​ള്ള​വ​ർ​ ​പു​തി​യ​ ​നി​ര​ക്കി​ന്റെ​ ​പ​കു​തി​ ​തു​ക​ ​ന​ൽ​ക​ണം.​ ​വി​ദ്യാ​ർ​ത്ഥി​ക​ൾ​ക്ക് ​പ്ര​ത്യേ​ക​ ​ബ​സെ​ന്ന​ ​ശു​പാ​‌​ർ​ശ​ ​സ​മി​തി​ ​ത​ള്ളി.
ആ​ട്ടോ​ ​റി​ക്ഷ,​​​ ​ടാ​ക്സി​ ​നി​ര​ക്കു​ക​ളി​ൽ​ ​വ​ർ​ദ്ധ​ന​യി​ല്ള.​ ​യാ​ത്രാ​ ​ബോ​ട്ടു​ക​ളി​ൽ​ ​നി​ര​ക്ക് 33​%​ ​വ​‌​ർ​ദ്ധി​പ്പി​ച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUS
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.