SignIn
Kerala Kaumudi Online
Thursday, 02 July 2020 4.01 PM IST

53 ദിവസങ്ങൾക്കുശേഷം കെ.എസ്.ആർ.ടി.സി കളം പിടിച്ചപ്പോൾ സ്വകാര്യ ബസുകളും ഇറങ്ങിത്തുടങ്ങി

bus-

കോട്ടയം: ജില്ലയിൽ 53 ദിവസങ്ങൾക്കുശേഷം കെ.എസ്.ആർ.ടി.സി ബസുകൾ ഓടിത്തുടങ്ങിയെങ്കിലും യാത്രക്കാർ തീരെക്കുറവ്. കോട്ടയം ഡിപ്പോയിൽ നിന്നും ഇന്ന് രാവിലെ പത്തുമണിവരെ 17 സർവീസുകളാണ് നടത്തിയത്. വൈക്കം, പാലാ, മുണ്ടക്കയം, ചങ്ങനാശേരി റൂട്ടുകളിലാണ് കൂടുതലും സർവീസ് നടത്തിയത്. ഈ ഡിപ്പോകളിൽ നിന്നുള്ള ബസുകളും കോട്ടയത്തേക്ക് സർവീസ് നടത്തി. എന്നാൽ, ഏതാനും ചില സ്വകാര്യ ബസുകളെ സർവീസ് നടത്താൻ തയാറായിട്ടുള്ളു. നിലവിലുള്ള ചർജിന്റെ ഇരട്ടിയാണ് ഇപ്പോൾ വസൂലാക്കുന്നത്. നിശ്ചിത അകലം പാലിച്ചാണ് ബസുകളിൽ ഇരുത്തുന്നത്. കൂടാതെ മാസ്ക് ധരിക്കാത്തവരെ ബസിൽ കയറാൻ അനുവദിച്ചില്ല.

ദീർഘദൂര സർവീസ് ഇല്ലാത്തതിനാലാണ് യാത്രക്കാർ കുറയുന്നതെന്ന് കോട്ടയം ഡിപ്പോ അധികൃതർ വ്യക്തമാക്കി. വരും ദിവസങ്ങളിൽ ഈ സ്ഥിതി മാറുമെന്നാണ് അധികൃതരുടെ പ്രതീക്ഷ.

ഇന്ന് രാവിലെ കോട്ടയം ടൗണിൽ നല്ല തിരക്കായിരുന്നു. പൊലീസുകാർ ഏറെക്കുറെ റോഡുകളിൽ നിന്നും അപ്രത്യക്ഷമായി. കോട്ടയം സസ്യമാർക്കറ്റിലും മത്സ്യ മാർക്കറ്റിലും പതിവിലും കൂടുതൽ ആളുകൾ എത്തി. സ്വകാര്യ കാറുകളിലും ബൈക്കുകളിലുമാണ് കൂടുതൽ ആളുകളും എത്തിയത്. ഓട്ടോ റിക്ഷകളും ഇന്ന് കൂടുതലായി റോഡിലിറങ്ങി.

അതേസമയം കൊവിഡ്-19 ബാധിച്ച് കോട്ടയം മെഡിക്കൽ കോളേജിൽ കഴിയുന്നത് മൂന്നു പേരാണ്. എന്നാൽ, കോരുത്തോട് പഞ്ചായത്തിനെ ഹോട്ട്സ്പോട്ടായി പ്രഖ്യാപിച്ചത് ജില്ലയ്ക്ക് തിരിച്ചടിയായി. മഹാരാഷ്ട്രയിൽ നിന്ന് കോരുത്തോട് പഞ്ചായത്തിലെ മടുക്കയിലെ വീട്ടിലെത്തിയ യുവാവിനാണ് കൊവിഡ് സ്ഥിരീകരിച്ചത്. ഇയാളെ ആശുപത്രിയിലേക്ക് മാറ്റി.

മഹാരാഷ്ട്രയിൽ നിന്ന് സുഹൃത്തുക്കൾക്കൊപ്പമാണ് ഇയാൾ നാട്ടിലെത്തിയത്. ഇയാൾക്കൊപ്പമുണ്ടായിരുന്ന ഒരു സുഹൃത്ത് പാലക്കാട് ഇറങ്ങി. ഇയാൾക്കും കൊവിഡ് സ്ഥിരീകരിച്ചു. ഇയാളും ആശുപത്രിയിലാണ്.

289 പേർക്ക് ക്വാറന്റൈൻ നിർദ്ദേശിച്ചതോടെ നിരീക്ഷണത്തിൽ കഴിയുന്നവരുടെ എണ്ണം 3425 ആയി ഉയർന്നു. വിദേശ രാജ്യങ്ങളിൽ നിന്നും മറ്റ് സംസ്ഥാനങ്ങളിൽ നിന്നും എത്തിയവരാണ് ക്വാറന്റൈനിൽ കഴിയുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KSRTC, BUS, PRIVATE BUS, LOCKDOWN
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.