SignIn
Kerala Kaumudi Online
Saturday, 04 July 2020 6.16 AM IST

ഇങ്ങനെയുമുണ്ട് പൊലീസിന് ഒരു മുഖം, മാസ്ക് ധരിക്കാത്ത കുടിയേറ്റ തൊഴിലാളികൾക്ക് ഉദ്യോഗസ്ഥർ നൽകിയ ശിക്ഷ, വീഡിയോ വൈറലായതോടെ വിമർശനവുമായി സോഷ്യൽ മീഡിയ

covid-19

കൊവിഡ് കാലമാണ് പ്രതിരോധമാർഗങ്ങൾ കർശനമായി പാലിച്ചാലേ വൻ ആപത്തിൽ നിന്ന് മുക്തിയുണ്ടാകൂ. ആരോഗ്യ പ്രവർത്തകരും നിയമപാലകരും മാസ്ക് ധരിക്കണം എന്ന് എത്ര പറഞ്ഞാലും പലരും ആത് പാലിക്കാറില്ല. അത്തരം സാഹചര്യങ്ങളിൽ നിയമപാലകർ ചില ശിക്ഷാനടപടികളിലേക്കും പോകാറുണ്ട്. പല ശിക്ഷകളും രസകരമാണെങ്കിലും ചിലത് കടുത്തുപോകും. അങ്ങനെ അൽപം കടുത്തുപോയ ശിക്ഷാനടപടിയാണ് മാസ്‌ക് ധരിക്കാതെ റോഡിൽ ഇറങ്ങിയ കുടിയേറ്റ തൊഴിലാളികൾക്ക് പൊലീസ് നൽകിയ ശിക്ഷ.

സംഭവം സോഷ്യൽ മീഡിയയിൽ വൈറലായി. മാസ്ക് ധരിക്കാതെ എത്തിയ രണ്ട് യുവാക്കളെ പൊലീസ് റോഡിലിട്ട് ഉരുട്ടുന്നതാണ് വീ‍ഡിയോയിൽ കാണുന്നത്. ഉത്തർപ്രദേശിലെ ഹാപുർ ജില്ലയിലാണ് സംഭവം നടക്കുന്നത്. മാസ്ക് ധരിക്കാതെ എത്തിയ രണ്ട് കുടിയേറ്റ തൊഴിലാളികളെയാണ് രണ്ട് പൊലീസുകാർ ചേർന്ന് നടു റോഡിലിട്ട് ഉരുട്ടുന്നത്.സംഭവം വൈറലായതോടെ നിരവധി പേരാണ് പ്രതിഷേധവുമായി രംഗത്തെത്തിയിരിക്കുന്നത്.

തൊഴിലാളികളോട് റോഡിൽ കിടന്ന് ഉരുളാൻ പൊലീസ് നിർബന്ധിക്കുന്നത് വീ‍ഡിയോയിൽ കാണാം. ഉരുളാൻ വിസമ്മതിക്കുന്ന യുവാക്കളെ ലാത്തി ഉപയോഗിച്ച് പൊലീസ് അടിക്കുന്നുണ്ട്. റോഡിന്റെ ഇരുവശത്തേക്കും തൊഴിലാളികളെ ഉരുട്ടുന്നത് നിരവധി പേർ നോക്കി നില്‍ക്കുന്നതും വീ‍ഡിയോയിലുണ്ട്. വീഡിയോ സമൂഹമാദ്ധ്യയമങ്ങളിൽ വ്യാപകമായി പ്രചരിച്ചതോടെ സംഭവത്തിൽ വീശദീകരണവുമായി പൊലീസ് എത്തി. സംഭവത്തെ കുറിച്ച് അന്വേഷിക്കുമെന്നും യുവാക്കളെ റോഡിൽ ഉരുട്ടിയ പൊലീസ് ഉദ്യോഗസ്ഥരെ സസ് പെൻഡ് ചെയ്യാൻ തീരുമാനിച്ചതായും മുതിർന്ന പൊലീസ് ഉദ്യോഗസ്ഥൻ പറയുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, POLICE, MASK, COVID 19, MIGRANT WORKERS, SOCIAL MEDIA
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.