SignIn
Kerala Kaumudi Online
Saturday, 04 July 2020 5.33 PM IST

ആപ്പിനെ കാത്ത് മലയാളികളിരിക്കുന്പോൾ, അവിടെ സ്വിഗ്ഗിയും സൊമാറ്റോയും മദ്യത്തിന്റെ ഹോം ഡെലിവെറി ആരംഭിച്ചു

liquor-sale-

റാഞ്ചി: സ്വിഗ്ഗിയും സൊമാറ്റോയും ത്സാർഖണ്ഡിൽ മദ്യവിതരണം ആരംഭിച്ചു. സംസ്ഥാന സർക്കാരിന്റെ അനുമതിയോടെയാണ് റാഞ്ചിയിൽ മദ്യ വിതരണം തുടങ്ങിയത്. ഇത് വരും ദിവസങ്ങളിൽ സംസ്ഥാനത്തെ മറ്റ് നഗരങ്ങളിലേക്കും വ്യാപിപ്പിക്കും. സ്വിഗ്ഗി വഴി മദ്യം ഓർഡർ ചെയ്യുന്നതിന്, കമ്പനി ആപ്ലിക്കേഷനിൽ 'വൈൻ ഷോപ്പുകൾ' എന്ന പ്രത്യേക വിഭാഗം ചേർത്തിട്ടുണ്ട്. അതേസമയം സൊമാറ്റോയും ഒരു പുതിയ വിഭാഗം ഉടനെ തന്നെ ചേർക്കാൻ സാദ്ധ്യതയുണ്ട്. ദുരുപയോഗം തടയുന്നതിന്, ഓർഡറുകൾക്ക് നിർബന്ധിത പ്രായ പരിശോധനയും ഉപയോക്തൃ പ്രാമാണീകരണവും ആവശ്യമാണെന്ന് സ്വിഗ്ഗി നേരത്തേ വ്യക്തമാക്കിയിട്ടുണ്ട്.

ഒരു ഗവൺമെന്റ് ഐഡി അപ്‌ലോഡ് ചെയ്‌ത് ഒരു സെൽഫി അയച്ചാണ് പ്രായപരിധി നിർണ്ണയിക്കുന്നത്. ഒ‌ടി‌പി ഉപയോഗിച്ച് ഡെലിവറി സമയത്ത് ഉപഭോക്താവിനെ പരിശോധിക്കുന്നു. റാഞ്ചിയിൽ കമ്പനി വാതിൽപ്പടി മദ്യം വിതരണം ആരംഭിച്ചതായും സ്ഥിരീകരിച്ചിട്ടുണ്ട്. മദ്യം വിതരണം ചെയ്യുമ്പോൾ ഉപയോക്തൃ തിരിച്ചറിയൽ എങ്ങനെ നടപ്പാക്കാനാണ് ഉദ്ദേശിക്കുന്നതെന്ന് ഫുഡ് ഡെലിവറി കമ്പനി ഇതുവരെ വെളിപ്പെടുത്തിയിട്ടില്ല. വരും ദിവസങ്ങളിൽ ത്സാർഖണ്ഡിലെ മറ്റ് നഗരങ്ങളിലേക്കും മദ്യ വിതരണ സേവനം വ്യാപിപ്പിക്കുമെന്നും സൊമാറ്റോ വെളിപ്പെടുത്തി. ഭക്ഷ്യ വിതരണ വ്യവസായത്തിലെ ഒരു പ്രധാന മാറ്റമാണിത്. കാരണം നിലവിൽ ഇന്ത്യയിൽ ഹോം ഡെലിവറിക്ക് നിയമപരമായ വ്യവസ്ഥകളൊന്നുമില്ല. ഇന്റർനാഷണൽ സ്പിരിറ്റ്സ് ആൻഡ് വൈൻസ് അസോസിയേഷൻ ഓഫ് ഇന്ത്യ പുതിയ മാറ്റങ്ങൾ വരുത്താൻ ശ്രമിച്ചുകൊണ്ടിരിക്കുകയാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, ONLINE FOOD, LIQUOR SALE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.