SignIn
Kerala Kaumudi Online
Wednesday, 21 October 2020 8.20 AM IST

തിരുവനന്തപുരത്ത് ഡി.വൈ.എഫ്.ഐ പ്രവർത്തകന് വെട്ടേറ്റു, മുറിവുകളുമായി സ്വയം കാറോടിച്ച് ആശുപത്രിയിലെത്തി,​ പിന്നിൽ രാഷ്ട്രീയ വെെരാഗ്യമെന്ന് സൂചന

attack

തിരുവനന്തപുരം: ഡി.വൈ.എഫ്.ഐ പ്രവർത്തകന് വെട്ടേറ്റു. വെഞ്ഞാറമൂട് തേമ്പാമൂട് ആനക്കുഴി സ്വദേശി ഫൈസലിനാണ് വെട്ടേറ്റത്. ഇന്നലെ രാത്രി 9 മണിയോടെ ആനക്കുഴി സ്കൂളിന് സമീപത്തായിരുന്നു സംഭവം. കാറിൽ യാത്രചെയ്യുകയായിരുന്ന ഫൈസലിനെ ബൈക്കുകളിൽ പിന്തുടർന്നെത്തിയ സംഘം കാർ തടഞ്ഞ് കാറിന്റെ സൈഡ് ഗ്ളാസുകൾ വെട്ടിപ്പൊളിച്ചശേഷം കാറിനുള്ളിലിട്ട് വെട്ടുകയായിരുന്നു.

തലയ്ക്കും കഴുത്തിലും മുതുകിലും കൈകളിലും വെട്ടേറ്റ ഫൈസൽ തന്നെയാണ് ആത്മധൈര്യം കൈവിടാതെ കാറോടിച്ച് സമീപത്തെ ആശുപത്രിയിലെത്തിയത്. പ്രാഥമിക ചികിത്സയ്ക്ക് ശേഷം അവിടെ നിന്ന് ഗോകുലം മെഡിക്കൽ കോളേജിലേക്ക് റഫർ ചെയ്ത ഇയാളെ അടിയന്തര ശസ്ത്രക്രിയ്ക്ക് വിധേയനാക്കി. ലോക്‌‌സഭാ തിരഞ്ഞെടുപ്പ് മുതൽ പ്രദേശത്ത് സി.പി.എം- കോൺഗ്രസ് പ്രവർത്തകർ തമ്മിൽ തർക്കമുണ്ടായിരുന്നതായി വെഞ്ഞാറമൂട് പൊലീസ് പറഞ്ഞു. വെഞ്ഞാറമൂട് സി.ഐയുടെ ചുമതല വഹിക്കുന്ന വട്ടപ്പാറ സി.ഐയുടെ നേതൃത്വത്തിൽ പൊലീസ് അന്വേഷണം ആരംഭിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: ATTACK, AGAINST, DYFI WORKER, THIRUVANANTHAPURAM
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.