SignIn
Kerala Kaumudi Online
Thursday, 13 August 2020 3.05 PM IST

തിരുവനന്തപുരം മെഡി.കോളേജിൽ ഗുരുതര അനാസ്ഥ ; കൊവിഡ് ലക്ഷണവുമായെത്തിയ പ്രവാസിയെ വീട്ടിലേക്ക് അയച്ചു

covid-19

തിരുവനന്തപുരം : കൊവിഡ് ലക്ഷണങ്ങളുമായി തിരുവനന്തപുരം മെഡിക്കൽ കോളേജിൽ എത്തിയ പ്രവാസിയെ അഡ്മിറ്റ് ചെയ്യാതെ വീട്ടിലേക്ക് അയച്ചു. രോഗം സ്ഥിരീകരിച്ചതോടെ ആശുപത്രിയിലേക്ക് തിരിച്ച് എത്തിച്ചു. ശനിയാഴ്ച രാത്രി കുവൈറ്റിൽ നിന്നെത്തിയ ആലംകോട് സ്വദേശിയായ 42കാരന് ലക്ഷണങ്ങൾ കണ്ടതിനെ തുടർന്ന് വിമാനത്താവളത്തിൽ നിന്നാണ് ആശുപത്രിയിലേക്ക് അയച്ചത്. ആശുപത്രിയിലെത്തിയ ഇയാളുടെ സ്രവം ശേഖരിച്ച ശേഷം വീട്ടിലേക്ക് പോകാൻ നിർദ്ദേശിക്കുകയും ചെയ്തു. സ്വകാര്യവാഹനത്തിൽ ഇയാൾ വീട്ടിലേക്ക് മടങ്ങി.

ഇന്നലെയാണ് ഫലം പോസിറ്റീവായത്. തുടർന്ന് 108ൽ ആശുപത്രിയിലെത്തിച്ചു. ഇയാൾക്ക് വിദേശത്ത് വച്ചു രോഗം ബാധിക്കുകയും തുടർന്ന് നെഗറ്റീവായെന്നും വിവരമുണ്ട്. വിദേശത്ത് നിന്നെത്തുന്നവരിൽ പ്രായമായവരെയും ഗർഭിണികളെയും വീട്ടിലേക്കും രോഗലക്ഷണം ഉള്ളവരെ ആശുപത്രിയിലേക്കും അയക്കും. മറ്റുള്ളവരെ നിർബന്ധമായും സർക്കാർ കേന്ദ്രത്തിലാണ് ഏഴ് ദിവസം താമസിപ്പിക്കേണ്ടത്. ഇത് ജില്ലാ ഭരണകൂടത്തിൻെറ ചുമതലയാണ്. എന്നാൽ ആശുപത്രിയിലേക്ക് അയക്കുന്നവരെ അഡ്മിറ്റ് ചെയ്യുകയാണ് പതിവ്. ഇവരെ ആശുപത്രിയിൽ പ്രവേശിപ്പിക്കാൻ കഴിയില്ലെങ്കിൽ ആശുപത്രി അധികൃതർ അത് ജില്ലാ ഭരണകൂടത്തെ അറിയിക്കുകയും വേണം. എന്നാൽ ഇത് ഉണ്ടായില്ല. ഇതോടെയാണ് വീഴ്ച സംഭവിച്ചതായി ആരോപണം ഉയർന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: COVID
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.