SignIn
Kerala Kaumudi Online
Friday, 14 August 2020 5.52 PM IST

ജാഗ്രതയോടെ വരൂ നമുക്ക് ട്രെയിനിൽ പോകാം...

തൃശൂർ: കൊവിഡ് വ്യാപനത്തിനിടെ ഇന്ന് മുതൽ സ്പെഷ്യൽ സർവീസുകൾ തുടങ്ങുമ്പോൾ റെയിൽവേ സ്‌റ്റേഷനുകളിൽ ഒരുക്കുന്നത് കർശന പരിശോധനകളും സുരക്ഷാ ക്രമീകരണങ്ങളും. ആറ് ട്രെയിനുകൾ തൃശൂർ റെയിൽവേ സ്റ്റേഷനുകളിലൂടെ ഇന്ന് കടന്നുപോകും. യാത്രക്കാർ അതീവജാഗ്രതയും ശ്രദ്ധയും പുലർത്തണമെന്നാണ് ഉന്നത അധികൃതർ നൽകുന്ന മുന്നറിയിപ്പ്.

സ്റ്റേഷന്റെ ഉളളിലേക്ക് കടക്കാനും പുറത്തിറങ്ങാനുമുള്ള വിശദമായ മാർഗരേഖ സ്‌റ്റേഷനിൽ നിശ്ചയിച്ചിട്ടുണ്ട്. ട്രെയിൻ എത്തുന്നതിന് ഒന്നര മണിക്കൂർ മുമ്പ് യാത്രക്കാർ സ്‌റ്റേഷനിലെത്തണം. ബുക്ക് ചെയ്തവർക്ക് മാത്രമാണ് യാത്ര ചെയ്യാൻ അനുവാദം നൽകുക. ട്രെയിൻ എത്തുന്നതിന് 15 മിനിറ്റ് മുമ്പ് പ്രവേശന ഗേറ്റ് അടയ്ക്കും. കോച്ചിന്റെ സ്ഥാനം, സമയവിവരം എന്നിവയടങ്ങിയ ബോർഡ് പ്രവേശന ഗേറ്റിനടുത്ത് ഒരുക്കിയിട്ടുണ്ട്. ട്രെയിനിൽ വന്നിറങ്ങുന്നവർക്ക് മാത്രമായി പ്രധാന കവാടം സജ്ജീകരിച്ചിട്ടുണ്ട്. ഇറങ്ങുന്ന പ്ലാറ്റ്‌ഫോമിൽ നിന്ന് പ്രധാന കവാടത്തിലെത്തിയാൽ അവിടെ തെർമൽ സ്‌കാനർ ഉപയോഗിച്ച് പരിശോധിക്കും. പനി ഉണ്ടെന്ന് സ്ഥിരീകരിച്ചാൽ നിരീക്ഷണത്തിലാക്കും. ട്രെയിൻ ഇറങ്ങിയാൽ അരമണിക്കൂറിനകം സ്‌റ്റേഷൻ പരിസരം വിടണം. സ്റ്റേഷനുള്ളിൽ ഭക്ഷണവും ലഭിക്കില്ല.

ഈ ഘട്ടം പിന്നിട്ട് യാത്ര

1. ഒന്നാം പ്ലാറ്റ്‌ഫോമിലെ പാഴ്‌സൽ ഓഫീസിനടുത്ത് തയ്യാറാക്കിയ ചെറിയ ഗേറ്റിലൂടെ പ്രവേശനം

2. സ്റ്റേഷനിൽ കയറിയാൽ ടി.ടി.ഇമാർ ടിക്കറ്റ് പരിശോധിച്ച ശേഷം ഹെൽപ് ഡെസ്‌കിലേക്ക്.

3. ആരോഗ്യപ്രവർത്തകർ തെർമൽ സ്‌കാനർ ഉപയോഗിച്ച് പരിശോധിച്ച് പനി ഇല്ലെന്ന് ഉറപ്പാക്കും.

4. യാത്രക്കാർ മാസ്‌ക്, സാനിറ്റൈസർ അടക്കമുള്ള പ്രതിരോധ മാർഗം പാലിക്കണം

5. പരിശോധന പൂർത്തിയാക്കിയാൽ കോച്ച് വരുന്ന സ്ഥാനത്ത് നിൽക്കണം.

ഇന്നത്തെ ട്രെയിൻ

കണ്ണൂർ - തിരുവനന്തപുരം ജനശതാബ്ദി: രാവിലെ 8.13ന്

തിരുവനന്തപുരം - കോഴിക്കോട് : രാവിലെ 10. 38ന്

എറണാകുളം - നിസാമുദീൻ : ഉച്ചയ്ക്ക് 2.12ന്

തിരുവനന്തപുരം - ലോക്മാന്യതിലക് : വൈകിട്ട് 3.27ന്

കോഴിക്കോട് - തിരുവനന്തപുരം ജനശതാബ്ദി : വൈകിട്ട് 3.43

തിരുവനന്തപുരം - കണ്ണൂർ രാത്രി 7.48ന്

...........

'' ജൂൺ നാലിന് ലോക്മാന്യതിലക് തിരുവനന്തപുരം നേത്രാവതിയും ആറിന് നിസാമുദ്ദീൻ എറണാകുളം മംഗളയും തൃശൂരിലെത്തും. സുരക്ഷയ്ക്കായുള്ള ഒരുക്കം പൂർത്തിയായി ''

മീനാംബാൾ, ചീഫ് ബുക്കിംഗ് സൂപ്പർവൈസർ, തൃശൂർ റെയിൽവേ സ്റ്റേഷൻ

...............

സ്പെ​ഷ്യ​ൽ​ ​ട്രെ​യി​ൻ​ ​വ​രു​ന്ന​ ​സാ​ഹ​ച​ര്യ​ത്തി​ൽ​ ​ഇ​ന്ന് ​മു​ത​ൽ​ ​​ ​റെ​യി​ൽ​വേ​ ​സ്റ്റേ​ഷ​നി​ൽ​ ​ഇ​രു​പ​തോ​ളം​ ​ആ​രോ​ഗ്യ​പ്ര​വ​ർ​ത്ത​ക​ർ​ ​ആ​രോ​ഗ്യ​സു​ര​ക്ഷ​ ​ഒ​രു​ക്കാ​നു​ണ്ടാ​കും.​ ​മൂ​ന്ന് ​ഡോ​ക്ട​ർ​മാ​രും​ ​ന​ഴ്സു​മാ​രും​ ​ഹെ​ൽ​ത്ത് ​ഇ​ൻ​സ്പെ​ക്ട​ർ​മാ​രും​ ​സം​ഘ​ത്തി​ലു​ണ്ടാ​കും.​ ​പ​നി​യു​ണ്ടെ​ന്ന് ​ക​ണ്ടാ​ൽ​ ​യാ​ത്ര​ക്കാ​രെ​ ​ഉ​ട​ൻ​ ​ആ​ശു​പ​ത്രി​യി​ൽ​ ​പ്ര​വേ​ശി​പ്പി​ക്കും.


ഡോ.​ ​ടി.​വി.​ ​സ​തീ​ശൻ
ജി​ല്ലാ​ ​പ്രോ​ഗ്രാം​ ​മാ​നേ​ജർ
ആ​രോ​ഗ്യ​കേ​ര​ളം

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, THRISSUR, TRAIN
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.