SignIn
Kerala Kaumudi Online
Friday, 03 July 2020 11.38 PM IST

സീനിയോറിറ്റി മറികടന്ന് മറ്റൊരാളെ സ്ഥിരപ്പെടുത്തി, കളക്ഷൻ ഏജന്റ് ബാങ്കിനുള്ളിൽ തീ കൊളുത്തി ജീവനൊടുക്കി, സ്ഥിരപ്പെടുത്താൻ ഹൈക്കോടതി പറഞ്ഞതും വെറുതെയായി

fire

കൊല്ലം: സഹകരണ ബാങ്കിനുള്ളിൽ വച്ച് താത്കാലിക ജീവനക്കാരി തീകൊളുത്തി ജീവനൊടുക്കിയത് സ്ഥിരപ്പെടുത്താത്തതിലുള്ള പ്രതിഷേധത്തിൽ. പൂതക്കുളം സഹകരണ ബാങ്കിലെ കളക്ഷൻ ഏജന്റായ പൂതക്കുളം പന്നിവിള കിഴക്കതിൽ അയ്യപ്പന്റെ ഭാര്യ സത്യദേവിയാണ്(55) ഇന്ന് ഉച്ചയ്ക്ക് ബാങ്കിനുള്ളിൽ വച്ച് ശരീരത്തിൽ പെട്രോൾ ഒഴിച്ച് തീകൊളുത്തി ആത്മഹത്യ ചെയ്തത്.

photo

വർഷങ്ങളായി കളക്ഷൻ ഏജന്റായി ജോലി ചെയ്യുന്ന സത്യദേവിയെ സ്ഥിരപ്പെടുത്തുന്നതിനെ ചൊല്ലി തർക്കവും കോടതി നടപടികളും നടന്നുവന്നിരുന്നതാണ്. സീനിയോറിറ്റി മറികടന്ന് മറ്റൊരാളെ ബാങ്ക് സ്ഥിരപ്പെടുത്തുകയുണ്ടായി. ഇതിനെതിരെ സത്യദേവി ഹൈക്കോടതിയെ സമീപിച്ചു. അനുകൂല വിധി നേടിയെങ്കിലും സ്ഥിരപ്പെടുത്തിയ ജീവനക്കാരൻ ഹൈക്കോടതിയിൽ നിന്നും ഇതിന് സ്റ്റേ ഉത്തരവ് വാങ്ങി. ഇതിന്റെ പ്രതിഷേധത്തിലാണ് സത്യദേവി ഉച്ചയ്ക്ക് പെട്രോളുമായി ബാങ്കിലേക്ക് എത്തിയത്. ജീവനക്കാരുമായി സംസാരിച്ചു നിൽക്കുന്നതിനിടയിലാണ് പെട്രോൾ ശരീരത്തേക്ക് ഒഴിച്ച് തീ കൊളുത്തിയത്.

തീ ആളിപ്പടർന്നതോടെ മറ്റ് ജീവനക്കാർ‌ ഓടി പുറത്തേക്കിറങ്ങി. തീ കെടുത്താനുള്ള ശ്രമങ്ങളും ഫലംകണ്ടില്ല. മൃതദേഹം പോസ്റ്റുമോർട്ടത്തിനായി പാരിപ്പള്ളി മെഡിക്കൽ കോളേജ് ആശുപത്രിയിലേക്ക് മാറ്റി. പരവൂർ പൊലീസ് കേസെടുത്ത് അന്വേഷണം തുടങ്ങി. അനൂപ്, അശ്വനി എന്നിവരാണ് സത്യദേവിയുടെ മക്കൾ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, SATHYA DEVI SUICIDE, KOLLAM
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.