SignIn
Kerala Kaumudi Online
Tuesday, 22 September 2020 6.14 AM IST

തിരുവനന്തപുരത്ത് യുവാവിന്റെ മൃതദേഹം കെട്ടി തൂക്കിയ നിലയിൽ,​ മുഖത്തും ശരീരത്തിലും മുറിവുകൾ,​ കൊലപാതകമെന്ന് സൂചന

deadbody

തിരുവനന്തപുരം: യുവാവിന്റെ മൃതദേഹം കെട്ടി തൂക്കിയ നിലയിൽ. തിരുവനന്തപുരം ശ്രീകാര്യം ജംഗ്ഷന് സമീപത്തെ ഐ.സി.ഐ.സി.ഐ ബാങ്കിന് പിന്‍വശത്ത് രണ്ട് കെട്ടിടങ്ങള്‍ക്കിടയിലാണ് മൃതദേഹം കണ്ടെത്തിയത്. ഇന്ന് രാവിലെ ബാങ്കിലെത്തിയവരാണ് മൃതദേഹം കണ്ടത്. മൃതദേഹം കാണപ്പെട്ട സ്ഥലത്തും പരിസരത്തും പലസ്ഥലത്തായി രക്തത്തുള്ളികൾ കട്ട പിടിച്ച നിലയിൽ കണ്ടെത്തിയിട്ടുണ്ട്.

എങ്ങനെയോ പരിക്ക് പറ്റി വന്നശേഷം ജീവനൊടുക്കിയതോ ആരെങ്കിലും അക്രമിച്ചശേഷം അപായപ്പെടുത്തിയതോ ആകാമെന്ന് പൊലീസ് സംശയിക്കുന്നുണ്ട്. മൃതദേഹം താഴെയിറക്കി പരിശോധിച്ചാലേ കൂടുതൽ കാര്യങ്ങൾ വ്യക്തമാകൂ. ഇതിനായി ഫയർ ഫോഴ്സിന്റെ സഹായം തേടിയതായി പൊലീസ് വെളിപ്പെടുത്തി. ശാസ്ത്രീയ തെളിവെടുപ്പിനായി ഫിംഗർ പ്രിന്റ് വിദഗദ്ധരും ഫോറൻസിക് സംഘവും ഡോഗ് സ്ക്വാഡും സ്ഥലത്തെത്തിയിട്ടുണ്ട്.

ബാങ്കിൽ രാത്രി സെക്യൂരിറ്റി ജീവനക്കാരനുണ്ടായിരുന്നെങ്കിലും സംഭവത്തെപ്പറ്റി അറിയില്ലെന്നാണ് ഇയാൾ പൊലീസിനോട് വെളിപ്പെടുത്തിയിരിക്കുന്നത്. കഴക്കൂട്ടം അസി.കമ്മിഷണറുടെ നേതൃത്വത്തിൽ അന്വേഷണ നടപടികൾ ആരംഭിച്ചിട്ടുണ്ട്. കൊലപാതകമെന്ന് സംശയിക്കുന്നതായി പൊലീസ് പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, THIRUVANANTHAPURAM, DEADBODY, HANGING, CRIME, KERALA
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.