SignIn
Kerala Kaumudi Online
Tuesday, 22 September 2020 10.04 AM IST

ആഭരണ കയറ്റുമതി തകർന്നടിഞ്ഞു

gold

മുംബയ്: ഇന്ത്യയിൽ നിന്നുള്ള രത്ന ആഭരണ കയറ്റുമതിക്ക് വലിയ തിരിച്ചടി. ഇത്രയും തകർച്ച ഇതാദ്യമാണ്. ലോക്ക് ഡൗണും സാമ്പത്തിക പ്രതിസന്ധിയുമാണ് ഇതിന് വഴിവെച്ചത്. രണ്ട് ദശലക്ഷം ഡോളറിന്റെ ആഭരണ കയറ്റുമതി മാത്രമാണ് ഈ ഏപ്രിലിൽ നടന്നത്. അതേ സമയം ഇറക്കുമതി മൂല്യം ഒമ്പത് ദശലക്ഷം ഡോളറാണ്.

കൊവിഡ് മൂലം രാജ്യത്തെ ആഭരണ നിർമ്മാണ ശാലകളെല്ലാം അക്ഷരാർത്ഥത്തിൽ നിശ്ചലമായി.വിശേഷിച്ച് മുംബയിലേത്. മേയ് മദ്ധ്യത്തോടെ മുംബെയിലും മറ്റുമുള്ള വലിയ നിർമ്മാണ ശാലകളെ ഭാഗികമായി പ്രവർത്തിക്കാൻ അനുവദിച്ചിട്ടുണ്ട്. നഷ്ടം പരിഹരിക്കാനും വിദേശ ഓർഡറുകൾ നഷ്ടമാകാതിരിക്കാനും വേണ്ടിയാണിത്. ഇതുമൂലം കയറ്റുമതി പുനരാരംഭിച്ചു. മേയിൽ 570 ദശലക്ഷം ഡോളറി​ന്റെ കയറ്റുമതി​യും 207 ദശലക്ഷത്തി​ന്റെ ഇറക്കുമതി​യുമുണ്ടായി​. ജൂണി​ൽ കുറേക്കൂടി​ വ്യാപാരം മെച്ചപ്പെടുമെന്നും പി​ന്നീട് ഇടി​വുണ്ടാകുമെന്നാണ് സൂചനകൾ.

വൻകി​ട ആഭരണ നി​ർമ്മാതാക്കളി​ൽ ചി​ലർ വലി​യ സാമ്പത്തി​ക പ്രതി​സന്ധി​യി​ലായതും ഇവരുടെ ബാങ്കിംഗ് ഇടപാടുകളി​ലെ പ്രശ്നങ്ങളും കയറ്റുമതി​യെ ബാധി​ക്കാനുമി​ടയുണ്ട്. കടുത്ത സർക്കാർ നി​യന്ത്രണങ്ങളും സ്വർണത്തി​ന്റെ ഉയർന്ന കസ്റ്റംസ് ഡ്യൂട്ടി​യും കുറയുന്ന വി​ദേശ ഡി​മാൻഡും കസ്റ്റംസി​ന്റെ കർശന പരി​ശോധനകളുമെല്ലാം ഈ വ്യവസായത്തെ പ്രതി​സന്ധി​യി​ലേക്കാണ് നയി​ക്കുന്നത്.

ഡി​സംബറി​ൽ വി​വാഹ സീസണോടെ ആഭ്യന്തര വി​പണി​ മെച്ചപ്പെടുമെന്നാണ് പ്രതീക്ഷ. ഒപ്പം ഇടത്തരം കുടുംബങ്ങളി​ലെ സ്ത്രീകളും ഡയമണ്ട് ആഭരണങ്ങളിലേക്ക് തി​രി​യുന്നതും വ്യവസായത്തെ സഹായി​ച്ചേക്കും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, GOLD
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.