SignIn
Kerala Kaumudi Online
Friday, 14 August 2020 2.21 AM IST

വില കൊടുത്ത് വാങ്ങുന്നത് സർക്കാർ ഭൂമി, ശബരിമല വിമാനത്താവളത്തിന് വേണ്ടിയുള്ള ഭൂമി ഏറ്റെടുക്കലിൽ അഴിമതിയുണ്ടെന്ന് കെ.സുരേന്ദ്രൻ

k-surendran

തിരുവനന്തപുരം: ശബരിമല വിമാനത്താവളത്തിന് വേണ്ടിയുള്ള ഭൂമി ഏറ്റെടുക്കലിന് പിന്നിൽ അഴിമതി നടക്കുന്നു എന്ന ആരോപണവുമായി ബി.ജെ.പി സംസ്ഥാന അദ്ധ്യക്ഷൻ കെ. സുരേന്ദ്രൻ. സർക്കാർ ഭൂമിയാണ് പണം കൊടുത്ത് വാങ്ങാൻ ശ്രമിക്കുന്നതെന്ന് അദ്ദേഹം ആരോപിച്ചു.

പാട്ടക്കാലാവധി കഴിഞ്ഞിട്ടും സർക്കാരിനെ തിരിച്ച് ഏൽപ്പിക്കാതെ ഹാരിസൺ കമ്പനി അനധികൃതമായി കൈവശംവച്ച്, ബിലീവേഴ്സ് ചർച്ചിന് കൈമാറിയ 2263 ഏക്കർ ചെറുവള്ളി എസ്റ്റേറ്റ് സർക്കാർ പണം നൽകി വിമാനത്താവളത്തിനായി വാങ്ങുന്നതിന് പിന്നിൽ വലിയ അഴിമതി ഉണ്ടെന്നാണ് അദ്ദേഹത്തിന്റെ ആരോപണം.

ഭൂമിയിൽ ബിലീവേഴ്സ് ചർച്ചിന് അവകാശമില്ല. ഉടമസ്ഥാവകാശം ഇവർക്ക് സ്ഥാപിച്ച് കൊടുക്കാനാണ് സർക്കാരിന്റെ നീക്കമെന്നും, മുഖ്യമന്ത്രി പിണറായി വിജയനും ബിലീവേഴ്സ് ചർച്ചുമായി ഈ കാര്യത്തിൽ ധാരണയായിട്ടുണ്ടെന്നും കെ.സുരേന്ദ്രൻ സുരേന്ദ്രൻ കൂട്ടിച്ചേർത്തു. ഈ വിഷയത്തിൽ പല തവണ ചർച്ച നടന്നിട്ടുണ്ട്.

ഭൂമി വില കൊടുത്ത് വാങ്ങുവാനുള്ള നീക്കത്തിൽ നിന്നും സർക്കാർ പിന്മാറണം. സി.പി.ഐ ഈ കാര്യത്തിൽ അഭിപ്രായം പറയണം. കോൺഗ്രസും ബിലീവേഴ്സ് ചർച്ചിനൊപ്പമാണെന്നും, അതിനാൽ ഈ വിഷയത്തിൽ മുല്ലപ്പള്ളിയുടെയും, ചെന്നിത്തലയുടെയും, ഉമ്മൻ ചാണ്ടിയുടെയും നിലപാട് അറിയാൻ താൽപര്യമുണ്ടെന്നും സുരേന്ദ്രൻ അറിയിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: K SURENDRAN, SABARIMALA AIRPORT, LAND, CONGRESS, GOVERNMENT OF KERALA, CM PINARAYI VIJAYAN
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.