SignIn
Kerala Kaumudi Online
Thursday, 29 July 2021 2.52 PM IST

ലോക്കഴിഞ്ഞാൽ വിരുന്നെത്തും, പുതു താരങ്ങൾ

benz-eqc

ലോക്ക്ഡൗണിൽ ഇളവ് ലഭിച്ചെങ്കിലും ഇപ്പോഴും പുത്തൻ വാഹന ലോഞ്ചിംഗെല്ലാം നടക്കുന്നത് ഓൺലൈനിലാണ്. കൂടുതൽ ഇളവുകൾ ലഭിക്കുന്ന മുറയ്ക്ക് വിപണിയിലേക്ക് ചുവടുവയ്ക്കാൻ കാത്തിരിക്കുന്ന ഒട്ടേറെ പുത്തൻ താരങ്ങളുണ്ട്. ജൂലായിൽ ഇവ എത്തുമെന്നാണ് പ്രതീക്ഷ.

എം.ജി. ഹെക്‌ടർ പ്ളസ്

2020 ഓട്ടോ എക്‌സ്‌പോയിലാണ് ഈ മൂന്നുനിര സീറ്റുകളുള്ള എസ്.യു.വിയെ എം.ജി പരിചയപ്പെടുത്തിയത്. 6/7 സീറ്റ് ഓപ്ഷനാണ് ഉണ്ടാവുക. മഹീന്ദ്രയുടെ എക്‌സ്.യു.വി 500, ടാറ്റയുടെ ഗ്രാവിറ്റാസ് എന്നിവയാണ് നേർ എതിരാളികൾ.

അകത്തളത്തിലും പുറംമോടിയിലും ഒട്ടേറെ പുതുമകളും പുത്തൻ ഫീച്ചറുകളുമാണ് ഹെക്‌ടർ പ്ളസിന്റെ പ്രധാന ആകർഷണം. ഫിയറ്റിന്റെ 2.0 ലിറ്റർ ഡീസൽ എൻജിൻ, 1.5 ലിറ്രർ മൈൽഡ്-ഹൈബ്രിഡ് മോട്ടോർ എന്നിവയാണ് ഉണ്ടാവുക. ഡീസൽ ഓപ്‌ഷന് ഗിയർ സംവിധാനം 6-സ്പീഡ് മാനുവൽ.

ഔഡി RS7 സ്‌പോർട്ബാക്ക്

ബി.എസ് - 6 മാനദണ്ഡം വന്നശേഷം ഔഡി അവതരിപ്പിക്കുന്ന നാലാമത്തെ മോഡലാണ് RS7 സ്‌പോർട്ബാക്ക്. അടുത്തമാസം അവതരിപ്പിക്കുമെങ്കിലും വില്പന ആഗസ്‌റ്റിലേ ആരംഭിക്കൂ എന്നാണ് കേൾക്കുന്നത്. ബുക്കിംഗ് ആരംഭിച്ചിട്ടുണ്ട്. 10 ലക്ഷം രൂപയാണ് ടോക്കൺതുക.

ഡയറക്‌ട് ഫ്യുവൽ ഇൻജക്ഷനോട് കൂടിയ, 4.0 ലിറ്റർ ട്വിൻ - ടർബോ ചാർജ്ഡ്, വി-8 എൻജിനാണ് സ്പോർട്ടീ സ്വഭാവമുള്ള ഈ ഹൈ പെർഫോമൻസ് മോഡലിനുള്ളത്. ക്വാട്രോ ഓൾവീൽ ഡ്രൈവ് സംവിധാനം, 8-സ്പീഡ് ഓട്ടോമാറ്റിക് ഗിയർ ബോക്‌സ് എന്നിവയും നൽകിയിരിക്കുന്നു.

ബെൻസ് ഇ.ക്യു.സി

മെഴ്സിഡെസ്-ബെൻസിന്റെ ആദ്യ ഇലക്‌ട്രിക് എസ്.യു.വിയാണ് ഇ.ക്യു.സി. കമ്പനിയുടെ ഇലക്‌ട്രിക് വാഹന ബ്രാൻഡായ ഇ.ക്യുവിന്റെ ശ്രേണിയിലാണ് ഈ ആഡംബര എസ്.യു.വി എത്തുന്നത്. 402 ബി.എച്ച്.പി കരുത്തും 765 എൻ.എം മാക്‌സിമം ടോർക്കും ഉത്‌പാദിപ്പിക്കുന്ന 80 kWh ലിതിയം ബാറ്ററിയാണ് ഹൃദയം. ഒറ്റ ചാർജിംഗിൽ 445-471 കിലോമീറ്റർ ദൂരം ഓടാം. പൂജ്യത്തിൽ നിന്ന് 100 കിലോമീറ്രർ വേഗം കൈവരിക്കാൻ 5.1 സെക്കൻഡ് മതി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, DRIVERS CABIN, MERCEDES BENZ EQC
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.