SignIn
Kerala Kaumudi Online
Monday, 13 July 2020 6.23 PM IST

സർക്കാരിനെ വിമർശിച്ച് സോണിയയും രാഹുലും

rah

ന്യൂഡൽഹി: ദുരിതകാലത്ത് ജനങ്ങളെ കൊള്ളയടിക്കുന്ന നടപടി കേന്ദ്രസർക്കാർ ഉടൻ അവസാനിപ്പിക്കണമെന്ന് കോൺഗ്രസ് അദ്ധ്യക്ഷ സോണിയാ ഗാന്ധിയും രാഹുൽ ഗാന്ധി എംപിയും ആവശ്യപ്പെട്ടു. കോൺഗ്രസ് സംഘടിപ്പിച്ച 'സ്‌പീക്ക് അപ്പ് ഓൺ ഫ്യൂവൽ പ്രൈസ്' പ്രചാരണത്തിന്റെ ഭാഗമായി വീഡിയോ സന്ദേശത്തിൽ സംസാരിക്കുകയായിരുന്നു ഇരുവരും.

മഹാമാരിയുടെ കാലത്ത് സർക്കാർ അടിച്ചേൽപ്പിക്കുന്ന പെട്രോൾ, ഡീസൽ വിലവർദ്ധനവ് മനുഷ്യപറ്റില്ലാത്തതും നീതീകരണം ഇല്ലാത്തതുമാണെന്ന് സോണിയ ചൂണ്ടിക്കാട്ടി. ഇത് രാജ്യത്തെ പാവപ്പെട്ടവരെയും, കർഷകരെയും, തൊഴിലാളികളെയും ഇടത്തരക്കാരെയും ദുരിതത്തിലാക്കുമെന്നും സോണിയ പറഞ്ഞു. അന്താരാഷ്ട്ര വിപണിയിൽ ക്രൂഡ് ഓയിൽ വില ഏറ്റവും കുറഞ്ഞ നിരക്കിൽ നിൽക്കുമ്പോഴാണ് തുടർച്ചയായി 22 തവണയോളം ഇന്ധന വില കേന്ദ്ര സർക്കാർ വർധിപ്പിച്ചതെന്ന് രാഹുൽ കുറ്റപ്പെടുത്തി. പ്രക്ഷോഭത്തിന്റെ തുടർച്ചയായി ഇന്നു മുതൽ താലൂക്ക് ബ്ലോക്ക് തലങ്ങളിൽ ഒരാഴ്ചയോളം നീണ്ടുനിൽക്കുന്ന പ്രതിഷേധങ്ങൾ സംഘടിപ്പിക്കുമെന്ന് എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ അറിയിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.