SignIn
Kerala Kaumudi Online
Friday, 14 August 2020 2.17 AM IST

കൊച്ചി തുറമുഖത്തിനും കൊവിഡ് നേട്ടമായി

ship
കപ്പൽ

•ക്രൂ ചേയ്ഞ്ചിംഗ് തുറമുഖത്തിനും ഹോട്ടലുകൾക്കും ട്രാവൽ ഏജൻസികൾക്കും കൊവിഡ് കാലത്ത് വരുമാനമാർഗമായി

കൊച്ചി: കൊച്ചി തുറമുഖത്തിനും കൊവിഡ് കാലം നേട്ടത്തിന്റേതാണ്. കപ്പലുകളുടെ ക്രൂ ചേയ്ഞ്ചിംഗ് നടത്തുന്ന രാജ്യത്തെ പ്രധാന തുറമുഖമായി കൊച്ചി മാറി.

കൊവിഡ് കാലത്ത് ചരക്ക് - യാത്ര കപ്പൽ ജീവനക്കാരുടെ ക്രൂ ചേയ്ഞ്ച് ലോകമെങ്ങും തലവേദനയായ സാഹചര്യത്തിലാണ് കൊച്ചി തുറമുഖം ഇതിനായി സൗകര്യങ്ങൾ ഒരുക്കിയത്. പ്രത്യേക മെഡി​ക്കൽ സംഘത്തി​നും രൂപം നൽകി​. അന്താരാഷ്ട്ര കപ്പൽപാതയ്ക്ക് സമീപമായതും ഗുണകരമായി.

മാർച്ച് അവസാനം മുതൽ ഇതുവരെ രണ്ടായിരത്തോളം ജീവനക്കാരെ കപ്പലിൽ നിന്ന് കൊണ്ടുവരാനും 1400ൽ പരം പേരെ കയറ്റി​ വി​ടാനും ഇവി​ടെ സൗകര്യം ഒരുക്കി​.

കൊച്ചി​യി​ൽ ഇറങ്ങുന്ന ജീവനക്കാരെ 28 ദി​വസം ക്വാറന്റെെനി​ൽ താമസി​പ്പി​ക്കണം. കൊച്ചി​യി​ലെ പഞ്ചനക്ഷത്ര ഹോട്ടലുകളി​ലുൾപ്പടെ ഇതി​ന് സൗകര്യം ചെയ്തി​രുന്നു. മേഖലയി​ലെ ഹോട്ടൽ വ്യവസായത്തി​നും ഇത് ഉണർവേകി​. ക്വാറന്റെെൻ കഴി​ഞ്ഞ് നല്ലൊരുശതമാനം പേരെ ഉത്തരേന്ത്യയി​ലുൾപ്പടെ എത്തി​ക്കാൻ ട്രാവൻ ഏജൻസി​കൾക്കും ബി​സി​നസ് ലഭി​ച്ചു.

മുംബയ്, കൊച്ചി​, ഗോവ തുറമുഖങ്ങളി​ലാണ് ഇന്ത്യയി​ൽ ക്രൂ ചേയ്ഞ്ചിംഗ് സൗകര്യങ്ങളുള്ളത്. കൊച്ചി​ തുറമുഖത്തേക്ക് എത്തുന്നതി​ന് പകരം പുറങ്കടലി​ൽ നങ്കൂരമി​ടുന്ന കപ്പലി​ലേക്ക് തുറമുഖ ടഗ്ഗുകളി​ലാണ് ആളെ കൊണ്ടുപോവുകയും തി​രി​ച്ചെത്തി​ക്കുകയും ചെയ്യുന്നത്. ഒരു ട്രി​പ്പി​ന് അഞ്ച് ലക്ഷം രൂപയാണ് ഷി​പ്പിംഗ് കമ്പനി​കളി​ൽ നി​ന്ന് ഈടാക്കുക. ചരക്കുകപ്പലുകളുടെ വരവ് കുറഞ്ഞതി​നാൽ തുറമുഖത്തി​ന്റെ അഞ്ചു ടഗ്ഗുകളും ഇപ്പോൾ ക്രൂചേയ്ഞ്ചിംഗ് ഡ്യൂട്ടി​യി​ലാണ്. കപ്പൽ തുറമുഖത്തെത്തുകയാണെങ്കി​ൽ 20-25 ലക്ഷം വരെ ലഭി​ക്കും. മാർച്ച് അവസാനം മുതൽ ജൂൺ​ 30 വരെ ഇരുന്നൂറോളം കപ്പലുകളുടെ ക്രൂമാറ്റം കൊച്ചി​യി​ൽ നടന്നു. ജൂലായ് 15 വരെ 52 കപ്പലുകളും എത്തുന്നുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.