SignIn
Kerala Kaumudi Online
Friday, 14 August 2020 1.23 AM IST

മകളെ ആക്രമിച്ചവർ വ്യാജമായി ജാമ്യം നേടിയെടുത്തു, പിറകെ പൊലീസിന്റെ കള‌ളക്കേസും; എന്നിട്ടും തളരാതെ നീതി വാങ്ങിയെടുത്തു ഈ അച്ഛൻ

tennis

ചണ്ഡിഗഡ്: ഇത് ഒരു അച്ഛന്റെ പോരാട്ടമാണ്. തന്റെ ഓമന മകൾക്ക് നേരെ ലൈംഗിക അതിക്രമം നടത്തിയവർ സ്വാധീനവും അധികാരത്തിന്റെ തണലും ഉപയോഗിച്ച് രക്ഷപെടുന്നത് കണ്ട് മനോധൈര്യവും ആത്മവിശ്വാസവും കൈവിടാതെ ആ ക്രൂരന്മാരെ തിരികെ നിയമത്തിന് മുന്നിൽ കൊണ്ടുവന്ന് ശിക്ഷ വാങ്ങി നൽകിയ ധൈര്യശാലിയായ ഒരു അച്ഛന്റെ പോരാട്ടം. ചണ്ഡിഗഡിലാണ് സംഭവം. സ്ഥലത്തെ പ്രധാനപ്പെട്ട ഒരു ടെന്നീസ് അക്കാദമിയിൽ ട്രെയിനിയായ പെൺകുട്ടിയെ അഞ്ചുപേർ ചേർന്ന് ലൈംഗികമായി പീഡിപ്പിച്ചു. ഇതിൽ ഒരാൾ ജൂനിയർ ഡെവിസ് കപ്പ് താരവുമാണ്.

കേസ് കോടതിയിൽ എത്തിയപ്പോൾ കേസന്വേഷിച്ച ചണ്ഡിഗഡ് പൊലീസ് സംഭവ സമയത്ത് പ്രതികൾക്ക് പ്രായപൂർത്തിയായിട്ടില്ല എന്ന് റിപ്പോർട്ട് നൽകി. അതോടെ പ്രതികൾക്ക് വളരെ എളുപ്പം ജാമ്യവും ലഭിച്ചു. നീതി ലഭിക്കും എന്ന് കരുതിയിടത്ത് നിന്നും അനീതിയാണ് ഉണ്ടായതെന്ന് കണ്ട് ആ അച്ഛൻ തളർന്നില്ല. പ്രതികൾ പഠിച്ചിരുന്ന ഹരിയാനയിലെ സ്‌കൂളുകളിൽ പോയി അവരുടെ യഥാർത്ഥ സർട്ടിഫിക്കറ്റ് അദ്ദേഹം സംഘടിപ്പിച്ചു. ആ സർട്ടിഫിക്കറ്റുകൾ പ്രകാരം പ്രതികൾക്കെല്ലാം പ്രായപൂർത്തിയായിരുന്നു. തുടർന്ന് അവ കോടതിയിൽ ഹാജരാക്കി. പ്രതികളിലൊരാൾക്കും അയാളുടെ പ്രായം തിരുത്താൻ സഹായിച്ച അയാളുടെ അച്ഛനും എതിരെ കേസെടുക്കപ്പെട്ടു.

ഇതിനിടെ പ്രതികളിലൊരാളെ മർദ്ദിച്ചു എന്ന പേരിൽ പെൺകുട്ടിയുടെ അച്ഛനെതിരെ ഹിസാർ പൊലീസ് കേസെടുത്തിരുന്നു. മറ്റ് പ്രതികൾക്കെതിരെയുള‌ള നടപടികൾ കൊവിഡ് മൂലം വൈകുകയാണ്. എങ്കിലും പ്രതീക്ഷ കൈവിടാതെ മകൾക്ക് നീതി ലഭിക്കാനുള‌ള പോരാട്ടത്തിലാണ് ആ അച്ഛൻ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, TENNIS ACCADEMY, SEXUAL ASSAULT, CASE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.