SignIn
Kerala Kaumudi Online
Sunday, 09 August 2020 1.32 AM IST

ഗൂഗിൾ നിക്ഷേപം, ആദ്യമായി രാജ്യത്ത് 5ജി സേവനം,ഒടിടി പ്ളാറ്റ്ഫോം; ഞെട്ടിക്കുന്ന പ്രഖ്യാപനങ്ങളുമായി റിലയൻസ് വാർഷിക യോഗത്തിൽ അംബാനി

ambani

മുംബയ്: റിലയൻസ് ഇൻഡസ്ട്രീസ് ലിമിറ്റഡിന്റെ 43ആമത് വാർഷിക യോഗത്തിൽ വമ്പൻ പ്രഖ്യാപനവുമായി വീണ്ടും മുകേഷ് അംബാനി. ജിയോ പ്ളാറ്റ്ഫോമിൽ ഗൂഗിൾ 7.7% ഓഹരി നിക്ഷേപം നടത്തും. 33,737 കോടി രൂപയാണ് ഇത്തരത്തിൽ നിക്ഷേപിക്കുക. രാജ്യത്തിനുള‌ളിൽ നിന്നു തന്നെ100 ശതമാനം സാങ്കേതികവിദ്യ സഹായത്തോടെ 5ജി നെറ്റ്‌വർക്ക് സംവിധാനം രാജ്യത്ത് നടപ്പാക്കാനൊരുങ്ങുകയാണ് ജിയോ. സ്‌പെക്‌ട്രം അനുവദിച്ചാലുടൻ 5ജി ട്രയൽ ആരംഭിക്കും. രാജ്യമാകമാനം ജനങ്ങൾ തമ്മിലെ ബന്ധം എളുപ്പമാക്കാനും പ്രധാനമന്ത്രി പ്രഖ്യാപിച്ച ആത്മനിർഭർ ഭാരത് പ്രഖ്യാപനത്തിന് സഹായകമാകാനും ഇതിലൂടെ കഴിയുമെന്നും മുകേഷ് അംബാനി പ്രത്യാശ പ്രകടിപ്പിച്ചു. ജിയോ മാർട്ട്, ജിയോ ഗ്ളാസ്, ജിയോ ടിവി പ്ളസ്, ജിയോയുടെ ഒടിടി പ്ളാറ്റ്ഫോം എന്നിങ്ങനെ നിരവധി പ്രഖ്യാപനങ്ങൾ മുകേഷ് അംബാനി വാർഷിക യോഗത്തിൽ നടത്തി.

ഉപഭോക്താവ്,പലവ്യഞ്ജനം, ഉത്പാദകർ എന്നിവയിലാകും ജിയോ മാർട്ടിലൂടെ ശ്രദ്ധിക്കുക. 24 മണിക്കൂർ പ്രവർത്തിക്കുന്ന പലവ്യഞ്ജന കടകളാണ് ജിയോ മാർട്ടിലൂടെ ഉദ്ദേശിക്കുന്നത്. ആദ്യ ഓർഡർ നൽകുന്നവർക്ക് മാസ്‌കും സാനിറ്റൈസറും അടങ്ങുന്ന കൊവിഡ് കിറ്റ് ലഭിക്കും.

സ്‌മാർട്ഫോണുമായി ബന്ധിപ്പിക്കാവുന്ന കേബിളാണ് ജിയോ ഗ്ളാസ്. ഇതിലൂടെ 25ലധികം ആപ്ളിക്കേഷനുകൾ ലഭിക്കും. 3ഡി മീറ്റിംഗുകളും വീഡിയോ കാളുകളും ചെയ്യാൻ ജിയോഗ്ളാസ് ഉപയോഗിക്കാം.

എല്ലാവിധ ഒടിടി പ്ളാറ്റ്ഫോമുകളും കാണാവുന്നതാണ് ജിയോ ടിവി പ്ളസ് സംവിധാനം. ശബ്ദം ഉപയോഗിച്ച് സെർച്ച് ചെയ്യാവുന്ന സംവിധാനവും ഇതിലുണ്ട്. ഇഷ അംബാനിയും ആകാശ് അംബാനിയും ചേർന്നാണ് ഇതിന്റെ അവതരണം നടത്തിയത്.

ആദായനികുതി ഇനത്തിൽ 8368 കോടിയും ജി.എസ്.ടി, വാറ്റ് എന്നിങ്ങനെ 69,372 കോടി രൂപയും സർക്കാരിന് നൽകിയതായും മുകേഷ് അംബാനി വാർഷികയോഗത്തിൽ അറിയിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, JIO, 5G, ANNONCED
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.